Գևորգ Դանիելյան. ՍԴ որոշումն անմիջականորեն Վանաձորի ավագանու խորհրդի ցրում չի ենթադրում
Արմինֆո. ՀՀ Սահմանադրական դատարանի որոշումն անմիջականորեն Վանաձորի ավագանու խորհրդի ցրում չի ենթադրում: Այդ մասին ԱրմԻնֆո-ի թղթակցի հետ զրույցում հայտարարել է ՍԴ խորհրդական Գևորգ Դանիելյանը:
Նրա խոսքով, մինչև այժմ Վանաձորի ավագանու խորհրդի նիստերը համարվել են օրինական՝ «Տեղական ինքնակառավարման մասին» ՀՀ օրենքի 64-րդ հոդվածի համաձայն: Դանիելյանը նշել է, որ «Տեղական ինքնակառավարման մասին» ՀՀ օրենքի 64-րդ հոդվածի համաձայն՝ Վանաձորի ավագանու խորհրդի ընտրությունները համարվում են իրավաչափ այն դեպքում, եթե խորհրդի թեկուզ
9 անդամ ներկա է գտնվում նիստերին (այսինքն՝ նույնքան ձայն անհրաժեշտ է որոշում կայացնելու համար): Այսպիսով՝ 2017 թ. մարտի 1-ից Վանաձորի ավագանու խորհուրդը նիստեր է անցկացրել 15 հոգուց բաղկացած կազմով, այսինքն՝ ավելին, քան օրենքն է դա պահանջել:
2017 թ. նոյեմբերի 10-ին ՀՀ Սահմանադրական դատարանը որոշում է կայացրել այն մասին, որ «Տեղական ինքնակառավարման մասին» ՀՀ օրենքի 64-րդ հոդվածի 3-րդ մասը հակասահմանադրական է: ՍԴ-ն մինչև 2018 թ. մարտի 31-ը ժամանակ է տվել՝ հիշյալ դրույթը երկրի Սահմանադրությանը համապատասխանեցնելու նպատակով: «Մինչև մարտի 31-ը ՀՀ Ազգային ժողովը ժամանակ ունի որոշակի շտկումներ կատարելու այդ օրենքում, իսկ Վանաձորի ավագանու խորհուրդը կազմակերպվելու ժամանակ ունի: Սակայն, եթե 2018 թ. մարտի 31-ից հետո Վանաձորի ավագանու խորհրդի ընտրությունները 3 ամսվա ընթացքում չընթանան գոնե վերջինիս անդամների կեսի մասնակցությամբ, ապա կբարձրանա խորհրդի ցրման հարց»,- ասել է Դանիելյանը:
Նշենք, որ 2017 թ. նոյեմբերի 10-ին ՀՀ Սահմանադրական դատարանը քննարկել «Ելք» և «Ծառուկյան» դաշինքների պատգամավորների հայցը՝ կապված Վանաձորի քաղաքապետի ընտրություններին հաջորդած իրավիճակի հետ, երբ խորհրդի նիստներն ընթանում են՝ վերջինիս անդամների փոքրամասնության մասնակցությամբ: ՍԴ վճռի համաձայն՝ «Տեղական ինքնակառավարման մասին» օրենքի 64-րդ հոդվածի 3-րդ կետը հակասահմանադրական է ճանաչվել: ՍԴ-ն հիշյալ դրույթը Սահմանադրությանը համապատասխանեցնելու համար ժամանակ է տվել մինչև 2018 թ. մարտի 31-ը: