Новости за 02.02.2024

Қаңтар оқиғасы аяқталысымен "Қазақ әдебиеті" газеті ақын-жазушылар мен өнер адамдарының пікірлерін таратты. Олардың көбі "Қаңтар оқиғасы - бейбіт шеруден гөрі тереңде жатқан сұм жоспардың көрінісі", "жат пиғылды топтар ішімізден де, сыртымыздан да шықты", "полицияны жалаңаштап шешіндіріп, қорлау, ұрып-соғу, қарусыз әскерге оқ жаудыру, тірідей басын кесіп алу... – осының астарында халық пен биліктің арасына өшпенділік қоздатып, мемлекеттік төңкеріс жасау, ол ойлары іске аспаған жағдайда шаһарды күлге айналдыру мақсаты тұрды" деп жазды.

Түрмеде отырған марафоншы, азаматтық белсенді Марат Жыланбаевтың аштық жариялағанына бір апта болды. Ол өзіне шыққан үкімді әділетсіз деп есептейді. // Алматыда суретші Ербосын Мелдебек көрме өткізіп жатыр. Назарбаев ескерткішінің тұғырынан құлағанын көрсеткен ол "ешкім құдай емес" дейді. // Түркістан тұрғындары Қожа Ахмет Ясауи кесенесінің қабырғалары жарылып, дым тартып бара жатқанын айтып, дабыл қағады.

Алматыда суретші Ербосын Мелдебектің "Боран — Байқоңыр, Жібек жолы мен Құс жолының арасында" деген көрмесі өтіп жатыр. Көрмеде көпшіліктің көзін қызықтырған бір инсталяция — экс-президент Нұрсұлтан Назарбаевтың құлап бара жатқан ескерткіші.

Павлодар облысы Майқайың кентінде 4 қаңтарда кеніш аумағындағы шұңқырға құлаған автобус пен ішіндегі екі адам әлі табылған жоқ. Туыстары іздеу баяу жүріп жатқанын айтып, лауазымды тұлғаларға бірнеше рет үндеу жариялаған. Бірақ осы күнге дейін не президент, не министр алтын кенішіне келіп,

Атырау облысында былтыр жұмыссыздар саны екі есе өсіп, 42 мың адамға жеткен. Биыл бір айдың ішінде тағы 7 мың адам жұмыссыз ретінде тіркелген. Азаттық қала іргесіндегі уақытша баспананы паналап отырған Алтаевтар отбасының тұрмысын көріп қайтты.

Түркістанда бір топ азамат "Қожа Ахмет Ясауи кесенесі құлауы мүмкін" деп алаңдап отыр. Қазір көне ғимарат құзданып, тұзданып кеткен. Кесене жанашырлары шұғыл халықаралық ғылыми-техникалық сараптама тағайындауды сұрайды. Нысанға жауапты музей-қорық әкімшілігі зерттеу жүріп жатқанын айтты.

4 ақпанда Павлодар облысы Майқайың ауылында болған қайғылы оқиғаға бір ай толады. Құтқарушылар мінген автобус алтын кенішіндегі шұңқырға құлаған. Екі адам мен автобус сол күйі табылған жоқ. Жоғалған адамдардың туыстары әлі күнге үміт үзбей отыр.