Новости за 08.02.2024

8 ақпанда Парижде (Франция) футболдан UEFA ұйымдастыратын Ұлттар лигасы турнирінің жеребесі тартылды.

Маңғыстауда теміржолшылар жалақыны жүз пайыз көтеруді, еңбек жағдайын жақсартуды талап етіп, президент пен "Қазақстан темір жолы" ұлттық компания басшысына үндеу жолдады. Олардың өздері түсірген видео кадрларға қарап жұмыс орындарының жайлы емесін көруге болады және айтуларынша, қауіпсіздік те сақталмаған.

Алматыда "мемлекеттік төңкеріс жасамақ болды" деп айыпталған жеті адамның соты аяқталуға жақын. Процесс 5 ай бұрын басталған. 7 ақпанда жарыссөз болып, айыпталушыларға сөз берілді. Оларды 2022 жылы президент сайлауына санаулы күн қалғанда Ұлттық қауіпсіздік комитеті ұстаған.

Алматының тау етегіне жақын маңда түнде лай көшіп, жекеменшік бір үйді жермен-жексен етті. 4 адам мерт болды. //Үш жылдық наразылық. Шыңжаңда туыстары саяси қуғын көріп, қамауда отыр деген тұрғындары Алматыда Қытай консулдығы алдына тағы барды. // Ресейде соғысты тоқтатуға уәде еткен Борис Надеждинді сайлау комиссиясы президенттікке кандидат етіп тіркемеді.

Қазақстанның бірнеше өңірінде ауа райы бұзылып, борап тұр. Салдарынан республикалық бағыттағы трассалар жабылып, қатынау қиындаған. Төтенше жағдайлар министрлігінің дерегінше, тек Ақтөбе облысында далада қалған 500-ге жуық адам құтқарылған және алдағы күндері де қарлы-боран күшейеді.

Алматыда лай көшіп, бүтін бір отбасының 4 адамы қаза тапты. Тұрғын үй ғимарат салуға болмайтын жерде орналасқан. Аудан тұрғындары бұған рұқсат берген әкімдікті кінәлайды.

Бүгін Қытайдың Алматыдағы консулдығы алдында жергілікті тұрғындар тағы да наразылық білдіріп, Шыңжаңдағы туыстарына араша сұрады. Олар мұндай акциясын үш жылдан бері өткізіп келеді. Бүгін де оларға әкімдік өкілі «жауапқа тартыласыңдар» деп ескерту айтып кетті.

Үкімет отставкаға кеткен соң екі күннен кейін президент Қасым-Жомарт Тоқаев үкіметтің кеңейтілген отырысында елдегі басты проблемаларды тізіп сөйледі. Оларды шешу міндеті жаңадан тағайындалған премьер-министр Олжас Бектенов пен оның командасына жүктеледі.

Алматының Медеу ауданындағы таулы жерде орналасқан Таусамал ықшамауданында көшкін жүріп, лай топырақ жеке меншік үйді жермен-жексен қылды. Онда тұрып жатқан төрт адам мерт болды. Тағы бір үй жартылай бүлінді.