Новости за 06.02.2024

Қасым-Жомарт Тоқаев су жаңа премьер-министрді тағайындады. || Олжас Бектенов босатқан президент әкімшілігінің жетекшісі лауазымына Айбек Дәдебаев отырды. || Қаңтар оқиғасында ұзақ жылға сотталған ақтөбелік Нұрсұлтан Исаевтың "үкімнің күшін жою" туралы арызын Жоғарғы сот қарамады.

Ақтөбеде Қаңтар оқиғасы байланысты ең ауыр жаза алған Нұрсұлтан Исаевтың үкімі өзгеріссіз қалды. Жоғарғы сот "үкімді қарауға негіз жоқ" деп шешім шығарды. Осылайша Қазақстандағы барлық инстанцияда жеңілген Исаевтың туыстары "күресімізді тоқтатпаймыз" дейді.

5 ақпанда Жоғарғы сот Қаңтар оқиғасына байланысты ауыр жаза алып, 15 жылға сотталған Нұрсұлтан Исаевтың ісін қараудан бас тартты. 32 жастағы жігітті сот "полиция қызметкерін қасақана көлікпен қақты" деп айыптады. Сотталушы "полиция оқ атқанда рөлге ие бола алмай қалдым" деген.

Алматыда 8 наурыз күні шеру өткізуге рұқсат ала алмаған белсенділер бірінен соң бірі жалғыз адамдық пикетке шығып жатыр. Олар биліктен қалай да шеруге келісім алуға тырыспақ. Бұған дейін Алматы әкімдігі «қоғамдық тәртіпке қауіп төндіреді» деген себеппен рұқсат бермеген.

Қазақстанның жаңа премьер-министрі болып осыған дейін президент әкімшілігінің жетекшісі болып келген Олжас Бектенов тағайындалды. Ол бұрын жемқорлықпен күрес қызметін де басқарған.

Астанада күрес түрлерінен өткен Қазақстан чемпионатында Ресейден келген балуандардың қатысушылар тізіміне енгені, ресейлік теннисші Александр Шевченконың Қазақстан құрамасына ауысуы басқа елден спортшы тартуға деген қарсылықты қайта ушықтырды. Сарапшылар шеттен спортшы шақыра бермей, балалар спортына көңіл бөлу керек дейді.

5 ақпанда қызметінен кеткен Қазақстан премьер-министрі Әлихан Смайылов несімен есте қалды? Орнына қаншалықты мықты адам келеді? Саясаттанушы Димаш Әлжанов үкіметтің орнынан түсуі және елдің билік жүйесіндегі қателіктер жөнінде пікір білдірді.