Новости за 11.11.2019

پاکستاني چارواکي هغه ادعاوې ردوي چې پکې ويل شوې داعش وسله وال په اورکزو سيمه کې مرکزونه لري او له دې ځايه افغانستان ته تګ راتګ کوي. د اورکزيو ضلعې ډپټي کمشنر واصيل خان د نومبر په يوولسمه مشال راډيو سره خبرو کې وويل چې په اورکزو کې د ډېر ښه امنيت وجه د وسله والو نه شتون دی.

د پاکستان حکومت وايي قبايلو سيمو لپاره د قامي مالي کمېشن يا اين ايف سي ايوارډ يا پېسو د ورکولو شکل بدلول غواړي. په مالي چارو کې د وزيراعظم عمران خان سلاکار حفیظ شېخ وويل چې تېر کال په خېبر پښتونخوا کې د قبايلي ضلعو تر شاملېدو وروسته د دې صوبې ضرورت زيات شوی دی.

د پاکستان د استخباراتي سازمان مشر او د بهرنیو چارو وزارت مرستیال کابل ته راغلي.

غلام مصطفا مېنګل د کوټې د اسماعیل کلي اوسېدونکی دی چې له شاوخوا ۱۰ کلونو راهیسې بېلا بېلې هنري ټوټې جوړوي. مېنګل په براهوۍ ژبه کې ماسټري کړې او په یو ښوونځي کې د چپړاسي دنده لري او وايي، هنري اثار جوړول یې شوق دی او په پیسو یې نه خرڅوي. دی د بېلا بېلو شیانو په کارټنونو کې د پولیېسټرین له حفاظتي قالبه مجسمې او انځورونه جوړوي. له مېنګل سره وېډیويي مرکه وګورئ.

د نومبر پر ۱۱مه د پېښور په قیوم لوبغالي کې د پاکستان ملي سیالیو د پرانیستو غونډه وشوه. دا د نهو کلونو په موده کې لومړی ځل دی چې په پېښور کې د هېواد د سپورټ تر ټولو لویې سیالۍ کېږي. د لوبو او سیلګرۍ چارو صوبايي وزیر عاطف خان مشال راډیو ته وویل، د ۳۳مو سیالیو لپاره یې امنیتي اقدامات کړي چې پکې له ټول هېواده زرګونه ښځینه او نرینه لوبغاړي برخه اخلي. ویډیويي رپورټ وګورئ.

ولسمشرۍ ته نوماند ګلبدین حکمتیار وايي، اړتیا ده چې یو لنډمهالی حکومت جوړ او انتخابات بیا ترسره شي.

د پکتیا امنیتي چارواکي وايي، د نومبر د ۱۰مې په شپه د ځاځيو او څمکنیو په ولسوالیو کې په دوو جلا جلا پېښو کې ۱۱ وسلوال وژل شوي دي.

د جمیعت علمای اسلام (ف) په مشرۍ کې دا احتجاج د اکتوبر له ۳۱مې نېتې راهېسې روان دی. په دغه احتجاج کې پښتونخوا ملي عوامي ګوند او عوامي نیشنل ګوند هم مخکښ رول لري.