Новости за 08.04.2018

د افغان حکومت اجرائیه رئیس او د ترکیې صدراعظم د ولسمشر د لومړي مرستیال عبدالرشید دوستم د راتګ په اړه خبرې کړي دي. ښاغلي عبدالله نن په کابل کې د ترکیې له صدراعظم سره په خبرې ناسته کې وویل چې د بن علي ییلدریم سره یې د دوستم په اړه خبرې کړي خو د د زیاتو جزئیاتو له ورکولو یې ډډه وکړه. د عبدالله په خبره په افغانستان کې باید د ټولو اوسېدونکو لپاره د ګډ ژوند زمینه برابره شي او تمه ده چې د ترکیې صدراعظم له افغان ولسمشر سره هم په دې اړه وګوري. خو د جمهوري ریاست د ویاند دفتر سرپرست شاه حسین مرتضوي بیا... Читать дальше...

د افغانستان اجرائيه رئيس وايي، د ترکيې له صدراعظم سره يې نن له دغه هېواد څخه د غير قانوني افغان کډوالو پر ستنېدو خبرې وکړې. عبدالله عبدالله نن په کابل کې له بن علي يیلدرم سره په يوه خبري کنفرانس کې وويل: "غير قانوني مهاجرت د هر هېواد لپاره يوه ستونزه ده، هيله من يو زموږ ځوانان او کورنۍ چې له محاسبې پرته له هېواد وځي، ستونزې يې هم په پام کې وساتي، که د امن د ټينګښت په لار کې ځينې اقدامات وشي خپلو هېوادوالو ته ډاډ ورکوو چې د دوى لپاره تر ټولو غوره ځاى د دوى خپل هېواد دى." د افغانستان اجرائيه... Читать дальше...

د اپوزېسيون فعالان او ژغورونکي وايي، د سوريې په دوما سيمه کې د کيمياوي وسلو په يوه مشکوکه حمله کې په لسګونو کسان وژل شوي دي. دا د سوريې په ختيځه غوطه کې وروستۍ سيمه ده چې د ياغيانو تر ولکې لاندې ده. په اپوزېسيون پورې يوې تړلې ډلې چې د سپنيو خوليو په نوم پېژندل کېږي او د فعالانو نورو ډلو ويلي، پرون ناوخته د هليکوپټرو له خوا دمشق ته څېرمه پر دوما هغه بېرلي بمونه چې دننه په کې زهرجن ګاز ځاى پر ځاى شوي وو، د خلکو د سالنډۍ او د ساه د بندېدو سبب شوي دي. تر اوسه دغه راپورونه چې دمشق او د هغه متحد... Читать дальше...

د اوکراين په کريميا سيمه کې چې د روسيې په کنټرول کې ده، چارواکي وايي پنځه کسان هغه وخت ووژل شول چې يو ټرېن له ميني بس سره ټکر شو. تر نننۍ پېښې وروسته لږ تر لږه درې کسان د ټپونو له کبله په روغتون کې بستر شوي دي. ويل شوي چې وژل شوي کسان د ميني بس مسافر وو. روسيې د ٢٠١۴مېلادي کال په مارچ مياشت کې د اوکراين کريميا سيمه په غيرقانوني ډول لاندې کړله.

ترکیه له طالبانو غواړي چې له رامنځته شوي فرصت نه په استفادې د سولې له پروسې سره یو ځای شي...

د هندوستان د کرکټ غوره لیګ سیالیو په لومړۍ لوبه کې چنای سوپرکنکز لوبډلې، ممبي انډينز لوبډلې ته په يوې وکټې ماتې ورکړه. ممبي انډينز لوبډلې لومړی بيټنګ وکړ او په ټاکلو شلو اورونو کې یې د ۴ وکټو په زیان سره خپلې سیالې لوبډلې ته د ۱۶۵ منډو هدف وټاکه. په ځواب کې د چنای سوپرکنګز لوبډلې ورکړل شوی هدف د ۹ وکټو په زیان سره د لوبې په وروستي اوور کې پوره کړ او لوبه يې د یوې وکټې په توپیر سره وګټله. ډیون براوو چې په ۳۰ توپونو يې د چنای لوبډلې لپاره ۶۸ چټکې منډې جوړې کړې وې د لوبې غوره لوبغاړی ونومول شو.

د افغانستان د المپيک ملي کمېټې نوی رئیس وايي، په کورنۍ او نړیواله کچه افغان لوبغاړو ته د سیالیو لپاره د زمینې برابرول يې په کاري لومړیتوبونو کې دي. حفیظ ولي رحیمي د پنجشنبې په ورځ د المپيک ملي کمېټې د انتخاباتو له ګټلو وروسته نن رسماً د افغانستان د المپيک ملي کمېټې د رئیس په توګه خپلې چارې پېل کړې. نوموړي ژمنه وکړه چې په هېواد کې د ورزش د ودې او پرمختګ لپاره به پوره هلې ځلې کوي او حق به حقدار ته رسوي. ښاغلی رحیمي چې د افغانستان د بدنې رزونې رئیس هم دی وايي، د ورزش قانوني کېدل، نړیوالو سیالیو... Читать дальше...

په کندهار ولایت کې، د پرلت خېمې ګډون کوونکي وایي، تر هغه به د پرلت خېمه ټوله نه کړي چې د جکړې دواړې غاړې یې د خبرو مېز ته نه وي کېنولي. په همدې اړه بشپړه راپور په دغه ویډیو کې وګورئ. وېډیو صادق رښتینی. اېډیټ سباوون کاکړ

نثار احمد عبدالرحمیزي د تکواندو په نړیوالو ټاکنیزو سیالیو کې په دوو بریاوو او يوې ماتې سره د ځوانانو نړیوالو المپيکي سیالیو ته لار پيدا کړه. ښاغلي عبدالرحمیزي په ۷۳ کېلو ګرامه وزن کې د خپلو سیالانو په وړاندې لوبه وکړه او وتوانېد چې د دغو سیالیو کوارټر فاینل پړاوو ته لار ومومي. خو په دغه پړاوو کې یې لوبه خپل ایراني سیال محمد خاني ته ۶ د ۹ په وړاندې بایلول. دغه سیالۍ د تونس په الحمامات ښار کې ترسره شوې چې په کې د ۱۱۱ هېوادونو نه ۴۳۸ لوبغاړو ګډون کړی و. د معلوماتو له مخې د ځوانانو د المپیک نړیوالې... Читать дальше...

په جرمني کې تحقيق کوونکي وايي، هڅه کوي دا معلومه کړي چې يوه ٤٨ کلن سړي ولې خپل موټر پرون شنبه په غربي ښار مونسټر کې د خلکو پر ډلې وربرابر کړ. په هغه پېښه کې ٢ کسان وژل شوي او ۳۰ کسان ټپيان شوي او حمله کوونکي وروسته ځان په ډزو وژلى دى. د شپږو ټپيانو وضعيت نازک بلل شوى دى. يوه څارنوال مارتين بودت زينهارد نن یکشنبه په يوه اعلاميه کې وويل چې تر اوسه داسې نه ښکاري چې دغه کس دې کومه جرمي سابقه لرلې وي. بل خوا د پوليسو وياند اندرياس بوده وويل، احتمال لري چې په پېښه کې نور کسان هم دخيل وي. دی وایي... Читать дальше...

په هنګري کې خلک په پارلماني انتخاباتو کې رأيه اچونه پيل کړې ده. دا ټاکنې به د دغه هېواد د اوسني ښي اړخي صدراعظم ویکټور اوربان قوت معلوم کړي. ښاغلي اوربان نن یکشنبه سهار د خپلې رأيې تر کارونې وروسته خبريالانو ته وويل:  "موږ د اروپايي ټولنې غړي او ټولو نړيوالو سازمانونو ته وفادار يوو، موږ به د خپل هېواد ګټو ته لومړيتوب ورکړو، ځکه له خپل هېواد سره مينه لرو او د ښې راتلونکې لپاره يې مبارزه کوو." د اوربان واکمن ملتپال ګوند هیله لري چې په انتخاباتو کې به نېږدې په سلو کې ۵۰ رأیې خپلې کړي. د هغو... Читать дальше...

د افغانستان په جنوب لوېديځه حوزه کې د ٢٠٥ اتل قول اردو چارواکي وايي، د ارزګان ولايت په خاص ارزګان ولسوالۍ کې په ځمکنيو او هوايي حملو کې څه باندې ٢٠ تنه «تروريستان» وژل شوي دي. د دې قول اردو وياند محمد صادق عيسى نن یکشنبه رسنيو ته وويل، دغه عمليات په تېرو ٢٤ ساعتونو کې د افغان ګډو ځواکونو له خوا شوي دي. دی زیاتوي: "په دغو عملياتو کې ٢٢ تنه وسله وال ترورېستان وژل شوي، ۱۰ تنه يې ټپيان دي؛ يو ميل پيکا، يو ميل کلاشينکوف د دفاعي او امنيتي ځواکونو لاس ته ورغلي او د دښمن په زياته پيمانه درنې وسلې له... Читать дальше...

له کله نه چې په کوزې پښتونخوا کې د حق غوښتنې پرلت پيل شو، په کابل او یو شمېر ولایتونو کې هم دا ناره په ...

د منظور پشتین په مشرۍ د پښتون ژغورنې د غورځنګ پراخه غونډه نن په پیښور کې جوړه شوه.

د افغانستان د جنګ د ګټلو په اړه د بهرنیو ځواکونو د مسؤلینو تر څرګندونو وروسته، د ولسي جرګې د د فاعي چارو ...

افغان چارواکي وايي، د پاکستان لخوا پر ډیورند کرښې د موانعو جوړول له ترورېزم سره په مبارزه کې مرسته نه کوي...

د سوریې پلازمینې دمشق ته نېږدې پریاغیانو د حکومتي ځواکونو له خوا د کیماوي وسلو د نویو حملو خبر ورکړل...

د افغانستان بانک وايي، دا وخت ډېرې پروژې په افغانۍ تطبیقېږي او د دغه پولي واحد ډېره عرضه د دې لامل شوی...

د افغانستان دفاع وزارت د ایران د دفاع د وزیر هغه څرګندونې رد کړې چې ګواکې په عراق او سوریه کې د...

د ارزګان اوسېدونکي وایي، فساد او خیالي پولیسو د ارزګان جګړه اوږده کړې ده،دوی وایي، د پولیسو په لیکو کې شته فساد او...

د هند د راجستان یوه عدالت د هند نومیالی اداکار سلمان خان د یوې تورې هوسۍ په مقدمه کې په ضمانت خوشې کړی دي. سلمان خان ته د جود پور عدالت د چهارشنبې پر ورځ د هوسۍ د ناقانونه ښکار په جرم د پينځو کلونو د بند سزا اورولې وه. سلمان خان د ضمانت ترلاسه کولو وروسته له جود پوره ممبۍ ته تللی دي.

د امريکا متحد ايالتونه وايي، په سوريه کې د کيمياوي وسلو د وحشتناکې کارونې د بل مورد په اړه راپورونه له نېږدې څاري. د امريکا د بهرنيو چارو وزارت وياندې هيدر ناويرټ پرون شنبه په يوه اعلاميه کې وويل، که چېرې دا راپورونه تأييد شي، روسيه به چې د بشار الاسد د رژیم په ننګه په سوریه کې جنګېږي، مسؤله وګڼل شي. په اعلاميه کې ويل شوي، د خپلو خلکو په وړاندې د کيمياوي وسلو د کارونې په برخه کې د سوريې د رژيم په تاريخچه کې د بحث ځاى نه شته. په سوریه کې ژغورونکي او طبي کارکوونکي وايي چې د دغه هېواد په دوما کې په یوه حمله کې لږ تر لږه ۷۰ تنه وژل شوي دي. Читать дальше...

د افغانستان مشرانو جرګه د کونړ پر دانګام ولسوالۍ د پاکستاني جېټ الوتکو بمباري غندي او پر دغه هېواد ...

د افغانستان دفاع وزارت ادعا کوي چې په بېلابېلو ولايتونو کې د پوځي عملياتو له کبله، د دولت ٦٦ مخالف وسله وال وژل شوي دي. دغه وزارت نن یکشنبه ويلي چې دغه تهاجمي او تعرضي عمليات په تېرو ٢٤ ساعتونو کې شوي او په وژل شويو کې د داعش ډلې ١٠ تنه غړي هم شامل دي. دفاع وزارت نن په يوه اعلاميه کې ويلي چې په دغو عملياتو کې ۵۷ نور سله وال ټپيان شوي او ٢ تنه يې نيول شوي دي. د وزارت په حواله، دغه پوځي عمليات د توپچي او هوايي ځواک په مرسته په ننګرهار، غزني، خوست، کندهار، ارزګان، زابل، هرات، فراه، بادغيس، فارياب، سرپل او هلمند ولايتونو کې شوي دي. Читать дальше...

د کندز د امام صاحب ولسوالۍ سیمه ییز چارواکي وايي چې دوی تېرکال د دغې ولسوالۍ په یو شمېر سیمو کې لسګونه د بیارغونې پراختیايي پروژې ګټې اخیستنې ته سپارلي دي. د امام صاحب ولسوال محبوب الله سعیدي ازادي راډیو ته وویل چې په دغو پروژو کې د اوبو کانالونه، د ښوونځيو تعمېرونه، د سیمه ییزو شورا ګانو ودانۍ او داسې نورې پروژې شامل دي چې په پلې کولو سره یې د خلکو ډېرې ستونزې هوارې شوي او د ژوند له اسانتیاو څخه برخمن شوي دي: "په امام صاحب ولسوالۍ کې امنیتي وضعیت نسباً ښه دي، نو له کبله یې موږ هم وتوانېدلو په... Читать дальше...