Новости за 22.09.2019

د افغانستان امنیتي سرچینې وایي، دولتي ځواکونو په عملیاتو کې د غزني ولایت د جغتو ولسوالي د طالبانو له ولکې آزاده کړې ده. د ۲۰۳ تندر قول اردو ویاند ایمل مومند نن (یکشنبه، وږي ۳۱مه) آزادۍ راډیو ته وویل، جغتو چې له دوو کلونو راهیسې د طالبانو په ولکه کې وه، د پوځي عملیاتو په لړ کې بېرته د دولت لاسته ولوېده. هغه زیاته کړه: "د مبین په نوم د عملیاتو په ترڅ کې دښمن ته ډېر تلفات اوښتي چې دقیقه شمېره به یې وروسته خپره شي. د جغتو ولسوالۍ له آزادېدو سره مالستان، جاغوري، اجرستان او ناور ولسوالۍ هم د غزني له... Читать дальше...

د ایران ولسمشر حسن روحاني ویلي، د فارس خلیج د امنیت خوندي کولو لپاره به یو پلان ملګرو ملتونو ته وړاندې کړي. تهران داسي مهال دا خبره کوي چې د عربستان پر نفتي تاسیساتو تر بریدونو وروسته په سیمه کې کړکېچ اوج ته رسېدلی.

هغه شرکت چې د بریتانیا د بیرغ لرونکې تېل وړونکې کښتۍ یې په جولای میاشت کې له سپرلیو سره ایران ولجه کړې وه وايي، د دوی کښتۍ ښايي په څو ساعتونو کې خوشې شي. د دغه سویډني شرکت اجراییه رییس ایریک هانیل په یوه بیان کې چې نن د سویډن یو ټلویزیوني چینل خپور کړ په دې اړه جزییات نه دي ورکړي خو ویلي یې دي، دوی ته داسې معلومات رسېدلي چې دا کښتۍ ښايي په څو ساعتونو کې خوشې شي. هانیل زیاتوي، دوی خبر ترلاسه کړی چې د دې کښتۍ د خوشې کولو سیاسي پرېکړه شوې ده. دا خبر څو ساعته وروسته له هغه خپرېږي چې د ایران ولسمشر... Читать дальше...

د افغانستان احصاییې او معلوماتو ملي ادارې د کابل ښار په کارته پروان کې د الکترونیکي تذکرو د وېش پنځم مرکز پرانست. د چارواکو په وینا تردې مهاله په ټول افغانستان کې ۲۸۷ زره کسانو ته الکترونیکې پېژندپاڼې وېشل شوي دي.

د افغانستان په جنوب ختیځ کې ولایت پکتیا کي امنیتي چارواکي وایی، په ډنډ پټان ولسوالۍ کې د سړک غاړې ماین چاودنې شپږ کسان وژلي دي. د پکتیا د پولیسو ویاند سردار ولي تبسم ازادي راډیو ته وویل چې چاودنه نن له غرمي مخکي شاوخوا لس بجي پر یوه سراچه ډوله موټر شوې. ښاغلي تبسم وویل چې په پېښه کې درې سرحدي پولیس او درې عام خلک وژل شوي دي. تراوسه د برید مسوولیت چا نه دی منلی.

د افغانستان د ازادو رسنیو ملاتړ اداره نی وايي، په افغانستان کې د ګوتو په شمېر رسنۍ دي چې خپلو کارکوونکو ته په منظم ډول معاشونه ورکوي.

د مصر د پلازمېنې قاهرې په ګډون په بېلابېلو ښارونو کې سلګونو کسانو د حکومت ضد مظاهرو په ترڅ کې د ولسمشر عبدالفتاح السیسي د استعفا غوښتنه وکړه.

ټټو یا خال وهل په دې وروستیو کې په افغانستان کې د پام وړ پرمختګ کړی. په کابل کې په لسګونه ټټو کاږونکي کار کوي او همدا يې ورځنۍ بوختیا ده. په دې اړه د خلکو او دیني عالمانو نظر څه دی؟ په دې اړه نور د تمیم اخګر په راپور کي چې ناجیه ساپۍ یې وړاندې کوي.

په داسې حال کې چې ولسمشریزو ټاکنو ته پنځه ورځې پاتې دي، د افغانستان په شمال ختیځ ښار کندز کې امنیتي وضعیت خلک اندېښمن کړي. ښاریان خبرداری ورکوي که امنیت ډاډمن نه شي، نو ډېر خلک به ټاکنو کې برخه وانخلي.

د لوګر امینتي چارواکي وایي چې تېره شپه د دې ولايت د محمداغې ولسوالۍ اړونده سیمه کې افغان امنيتي ځواکونو د حشمت په نوم د طالبانو يو مهم قوماندان له يو تن بل طالب سره وژلی.  د لوګر د پولیسو ویاند شاپور احمدزي ازادي راډیو ته په لېږلې خبرپاڼه کې ویلي چې حشمت د سړکونو په سر د چېک پاینټونو په اچولو او د خلکو په ښکته کولو کې مهمه ونډه لرله چې څه موده وړاندې یې د لوګر د ټرافيکو سرپرست مدير هم له موټره ښکته او بیا وژلی و.  تر اوسه وسله والو طالبانو په دې اړه رسنیو ته څه نه دي ویلي.

ډیپلومات لیکي، د امریکا ایډیالوژیک سیالان روسیه او چین هڅه کوي چې د سولې په پروسه کې هر ډول تشه ډکه کړي.

په هلمند کې یو شمېر روسۍ او ایرانۍ وسلې خبریالانو ته وښودل شوې چې چارواکي وايي، له وسله والو طالبانو څخه یې نیولي دي. د هلمند د ملي امنیت چارواکو پرون شنبه وویل چې د دوی ځواکونو د شپې د دوربینونو په شمول ۱۰۰ ډوله وسایل او ګڼې وسلې د دولت له وسله والو مخالفانو څخه نیولي دي. دوی همداراز وویل چې د وسلو ترڅنګ یې یو شمېر وسله وال مخالفان هم نیولي دي.

د مصر په څو ښارونو کې د حکومت پر ضد مظاهرې وشوې او له واک څخه د ولسمشر عبدالفتاح السیسي د لېرې کېدو غوښتنه یې وکړه. د مصر د اقتصادي او ټولنیزو حقونو مرکز پرون شنبه وویل، د ۲ خبریالانو په ګډون لسکونه تنه نیول شوي، خو د چا د مرګ ژوبلې راپور یې نه دی ترلاسه کړی. د بلوا ضد پولیسو له لوري د ډنډو او اوښلن ګاز د استعمال له کبله د تنګو کوڅو ګڼې مظاهرې ژر تیت او پرکې شوې.

په البانیا کې زلزلې لسګونه کسان ټپیان کړي او یو شمېر ودانیو ته یې زیان اړولی دی. د البانیا چارواکو او رسنیو پرون شنبه وویل چې دا له څو لسیزو وروسته په دغه هېواد کې تر ټولو زوروره زلزله وه. دولتي راډیو ټلویزیون پرون وویل، په زلزله کې ۳۷ تنه ژوبل شوي کسان په روغتونونو کې بستر شوي دي. په ځینو نورو راپورونو کې ویل شوي چې د ټپیانو شمېر شااوخوا ۵۰ تنو ته رسېږي. د البانیا د دفاع وزارت ویندوی وايي چې څوک مړه شوي نه دي. د دفاع وزارت په وینا، دا په ۳۰ کلونو کې د لوېدیځ بالکان په سیمه کې تر ټولو سخته زلزله وه. Читать дальше...

د افغانستان ولسمشر محمد اشرف غني ویلي، د شپې له خوا پوځي عملیات یې یوازې د داعش او القاعده د وسله والو لپاره محدود کړي دي.  ولسمشر اشرف غني پرون د سپټمبر په یویشتمه ماسختن له شمشاد ټلوېزیون سره په مرکه کې وویل چې د شپې په عملیاتو کې یې د ملکي افغانانو تلفات نه شول منلی چې له دې امله یې محدود کړل. هغه د امنیتي او دفاعي ځواکونو د موقف دفاع وکړه . اشرف غنی وویل، له زوره کار اخیستل هېڅ ستونزه نه شي حل کولی او قانون باید عملي شي.  محمد اشرف غني وویل: دا خپلواک او ولسواک وطن دی، باید په تدبیر ولاړ... Читать дальше...

د چاريکار ښار د شاه مست قلندر په سیمه کې د هاوان د مرمۍ د چاودنې له امله یوه ښځه وژل شوې او ۸ تنه زخمیان شوي دي. د پروان د امنیې قوماندانۍ د امنیت امر عبدالواسع ګلبهاري پرون د سپټمبر په یویشتمه ازادي راډیو ته وویل چې په زخمیانو کې ۶ کوچنیان دي. ګلبهاري وویل چې زخمیان روغتون ته لېږدول شوي دي.

د افغانستان دفاع وزارت وايي چې په قلات کې پر روغتون د وروستۍ حملې مشکوک طراحان او د حمله کوونکو ملګري ونیول شول. دفاع وزارت ویلي چې دا کسان د جمعې په شپه په غزني کې په پوځي عملیاتو کې نیول شوي دي. د دفاع وزارت ویاند روح الله احمدزي پرون د سپټمبر په یویشتمه ازادي راډیو ته وویل چې عملیات ځانګړو ځواکونو کړي او مشکوک کسان کابل ته لېږدول شوي دي. احمدزي وویل، له نیول شویو کسانو تحقیق کېږي. په قلات کې د پنجشنبې په ورځ د ملکي روغتون مخې ته چاودنه وشوه چې ۴۱ تنه په کې ووژل شول او تر سلو زیات زخمیان وو. Читать дальше...

د قزاقستان پولیسو د هغه هېواد په بېلابېلو ښارونو کې د اپوزیسیون د پلویانو پر لاریونونو حملې وکړې، لاریونونه یې مات کړل او لسګونه کسان یې ونیول. د ازادې اروپا راډیو خبریالان له قزاقستانه په رپوټونو کې وايي چې ګڼ شمېر پولیس په ښارونو کې د لاریون کوونکو د خورولو لپاره په دنده ګمارل شوي وو. لاریون کوونکو پرون د سپټمبر په یویشتمه د قزاقستان په پلازمېنه نورسلطان او نورو ښارونو کې د چین د پانګونې او چینايي شرکتونو د زیاتېدو پرضد شعارونه ورکول. لاریون کوونکو همدا راز د پخواني ولسمشر نورسلطان نظربایف د نفوذ پر ضد نارې وهلې. Читать дальше...

د البانیا د دفاع وزارت یوې بېړۍ پرون د سپټمبر په یویشتمه ۱۱۱ کډوال چې یونان ته روان وو او په اګین سمندر کې يې لاره ورکړه کړې وه، وژغورل.  د البانیا دفاع وزارت ویلي چې ټول کډوال د ترکیې حکومت ته سپارل شوي دي. د البانیا د دفاع وزیرې پرون پر فېسبوک ولیکل چې د سوریې، عراق او فلسطین کډوال د ترکیې او یونان ترمنځ په اوبو کې په درېیو جلا جلا عملیاتو کې ژغورل شوي دي. د البانیا د دفاع وزیرې زیاته کړې چې ژغورل شوي کډوال په کوچنیو بېړیو کې سپاره وو. البانیا له ۲۰۰۹ میلادي کال راهیسې د ناټو غړې ده. ... Читать дальше...

د امریکا د متحدو ایالاتو ولسمشر ډونالد ټرمپ ویلي چې د اوکراین له ولسمشر سره جنجالي شوې ټيليفوني مکالمه یې معمولي او مناسبه وه. د امریکا د جمهور رئيس پخواني مرستیال جوبایډن غوښتنه کړې چې جمهور رئیس ډونالد ټرمپ د اوکراین له ولسمشر ولادیمیر زيليسنکي سره د خپلې هغې ټيليفوني مکالمې متن خپور کړي چې د رپوټونو پر اساس، ټرمپ د اوکراین پر ولسمشر فشار راوستی چې د جوبایډن او د هغه د زوی په اړه تحقیقات وکړي. د جوبایډن زوی په اوکراین کې تجارتي معاملې درلودې. جوبایډن د سپټمبر په شلمه په یوه بیان کې وویل چې... Читать дальше...

د راتلونکې شنبې په ورځ به هغه افغانان چې د رأیې ورکولو په شرایطو برابر دي، د ولسمشر د ټاکلو لپاره رأیه ورکوي.

د سعودي عربستان چارواکو ویلي چې د خپلو تېلو پر تاسیساتو د وروستۍ حملې په ځواب کې به مناسب اقدام وکړي.