ملګروملتونو وسله والوطالبانو ته ګواښ کړی چې انتخاباتو ته دې خنډ نه پېښوي. د سعودي ولیعهدمحمدبن سلمان ویلي د جمال خاشقجي د وژنې مسوولیت ده ته متوجه دی. ځوانه فعاله ګریتا تنبرګ د ملګروملتونو له اسمبلې وروسته له نیویارکه سویډن ته روانه شوه. ازادي سټوډیو د شپې په ۸ بجو له پیشګام ټلویزیون وګورئ.
د افغانستان د کورنیو چارو وزارت د ولسمشرۍ د انتخاباتو په درشل کې وايي چې د دې انتخاباتو کلک امنیت به ونیسي. له دې مخکې طالبانو ګواښ کړی و چې د انتخاباتو بهیر به ګډوډ کړي. د کورنیو چارو وزارت ویاند نصرت رحیمي نن ازادي راډیو ته وویل، دا ځل جدي تدابیر نیول شوي او طالبان نه شي کولی چې د انتخاباتو بهیر ګډوډ کړي. ښاغلي رحیمي وویل، طالبان او نورې ترورېستي ډلې ونه توانېدلې چې د هېڅ یوه کاندید کمپاین ته امنیتي ستونزې جوړې کړي، خو د شویو حملو په اړه د کورنیو چارو وزارت ویاند وویل چې ټولې دا حملې د کاندیدانو د کمپاین له غونډو بهر شوي دي.
افغان چارواکي وايي، د انتخاباتو په درشل کې د امنیتي تدابیرو په لړ کې یې د تورخم لاره د مسافرو او د باروړونکو موټرو په مخ بنده کړې ده. د ننګرهار د والي ویاند عطاالله خوګیاڼي له ازادي راډیو سره په خبرو کې په دې اړه وویل: د احتمالي پېښو د مخنیوي په موخه له نن څخه هېڅ ډول باروړونکي موټر تګ راتګ نه شي کولی، له سبا یعنې د انتخاباتو له ورځې یوه ورځ مخکې مسافرین هم تګ راتګ نه شي کولی، لاره به بنده وي. د ننګرهار د والي ویاند دا یادونه هم وکړه چې یوازې په استثنايي حالاتو کې به ناروغانو ته پر تورخم د اوښتو اجازه ورکړل شي. Читать дальше...
د فاریاب امنیتي چارواکي په پښتون کوټ ولسوالۍ کې له طالبانو سره په جګړه کې د اوو افغان سرتېرو د ودژل کېدو خبر ورکوي. سیمه ییز چارواکي وايي چې دا سرتېري تېره شپه د پښتون کوټ د دهن دره سیمې د اوبو په بند کې د طالبانو په حمله کې ووژل شول. د فاریاب د امنیې قوماندانۍ ویاند عبدالکریم یورش ازادي راډیو ته وویل چې په دې جګړه کې لس تنه وسله وال طالبان هم مړه او ټپیان شوي دي. دی وایي: د مرستندویو ځواکونو له رسېدو سره سم موږ د دښمن حمله په شا وتمبوله، په جګړه کې له لسو زیات طالبان مړه او ټپیان شول، اووه تنه سرتېري د هېواد د دفاع په خاطر شهیدان شول. Читать дальше...
افغانستان هغه هېواد دی چې یو شمېر ښځې یې ان د رأیې اچونې په برخه کې خپلواکې نه دي. خو یو شمېر یې بیا د خپل برخلیک ټاکلو لپاره رأیې ورکولو ته لېوالې دي. ټاکل شوې چې د میزان د میاشتې په شپږمه نېټه د دغه هېواد د ولسمشرۍ انتخابات ترسره شي. لیمې هادي په دې اړه راپور برابر کړی.
د افغانستان د ټاکنیزو شکایتونو کمېسیون وايي، د چوپتیا یا سکوت په دوره کې د کمپاین په توګه له هر ډول وسیلې کار اخیستل له انتخاباتي قانونه سرغړونه ده.
یو شمېر اتلس کلن ځوانان د لومړي ځل لپاره رأیې ورکولو ته خوشبین دي. خوا دا چې دوی ولې رأیه ورکوي او څرنګه احساس لري، په دې راپور کې چې شفیع کریمي برابر کړی،لیدلی شئ.
د افغانستان د انتخاباتو د خپلواک کمېسیون پخوانۍ غړې ملیحه حسن په ناوړه روغتیايي وضعیت کې د کابل په نظارت خونه کې ده.
په راتلونکو ولسمشریزو ټاکنو کې د پراخ ګډون په موخه په پکتیا کې د دې ولایت مېرمنو د ټاکنو د عامه پوهاوي غونډه وکړه.
چارواکي خبر ورکوي چې د غزني په ولایت کې یې په پوځي او هوايي عملیاتو کې له چاودېدونکو توکو ډک دوه موټر له منځه وړي او ۲۴ تنه وسله وال طالبان یې وژلي دي. د غزني والي وحیدالله کلیمزي د پنجشنبې په ورځ په دې اړه ازادي راډیو ته وویل: تېره شپه افغان کومانډو ځواکونو د ولایت په بېلابېلو سیمو کې د پوځي عملیاتو په ترڅ کې د طالبانو د یو مفتي عصت په ګډون ۲۴ تنه وسله وال وژلي دي. والي زیاته کړه: د هوايي ځواکونو په بریدونو کې په ده یک ولسوالۍ کې له چاودېدونکو توکو څخه ډک هاموی ټانک او ترڅنګ یې په اندړو ولسوالۍ... Читать дальше...
د افغانستان د ټاکنو د خپلواک کمېسیون د مهالوېش پر اساس د ولسمشرۍ د نوماندانو ترمنځ ټاکنیزې سیالۍ دوه میاشتې وړاندې د اسد په شپږمه پیل شوې وې.
د ارزګان ولایت امنیتي چارواکي خبر ورکوي چې تېره شپه یې د عملیاتو پرمهال ۱۶ تنه وسله وال طالبان وژلي دي. د دغه ولایت امینه قوماندان محمد خطاب خنجري ازادي راډيو ته وویل چې دغه وسله وال تېره شپه د مرکز ترینکوټ اوړند د جګې هدیرې په سیمه کې د افغان او بهرنیو ځواکونو په ځمکنیو او هوايي عملیاتو کې وژل شوي دي. نوموړی وايي، د یادو عملیاتو پرمهال افغان او بهرنیو ځواکونو او ملکي خلکو ته کوم زیان نه دی رسېدلی. وسله والو طالبانو تر اوسه په دې اړه څه نه دي ویلي.
د لوګر امنیتي چارواکي وایي، تېره شپه ناټو هوايي ځواکونو د لوګر ولايت بره کي برک ولسوالۍ د پندي په سيمه کې پر وسله والو طالبانو هوايي بريد کړی چې په پایله کې یې ۷ تنه وسله وال طالبان وژل شوي. په لوګر کې د څلورمې پلى لوا رسنيز دفتر ازادي راډیو ته په استولې خبرپاڼه کې ویلي چې په دې برید کې د وسله والو یوه عراده سراچه موټر او موټرسایکل هم له منځه وړل شوي. تر اوسه وسله والو طالبانو ددې برید په اړه رسنیو ته څه نه دي ویلي.
د کندهار په ميوند ولسوالۍ کې ۱۲ وسله وال له بريد وړاندې وژل شوي دي. د کندهار ولایت د رسنیو له مرکزه په خبره شوې خبرپاڼه کې راغلي چې يادو وسله والو تېره شپه غوښتل چې په ميوند ولسوالۍ کې پر يو شمېر امنیتي تاسيساتو بريد وکړي چې د هوايي ځواکونو هدف ګرځېدلي دي. سرچينه کاږي چې د هوایي ځواکونو په بريد کې د وسله والو يو شمېر وسلې او مهمات هم له منځه وړل شوي دي. طالب وسله والو تر اوسه په دې اړه رسنیو ته څه نه دي ویلي.
له بامیانو به سږکال ۳۷۰ زره ټنه کچالو نورو ولایتونو او هېوادونو ته صادر شي. د دغو کچالو اقتصادي ارزښت ۵ ميلیارده افغانۍ اټکل شوی دی. د دې ولایت د کرنې او مالدارۍ رئیس عبدلوهاب محمدي وايي، په دې ولایت کې د وروستیو ورښتونو له امله د کچالو په محصولاتو کې د تېرکال په پرتله ۲۰ په سلو کې زیاتوالی راغلی دی. د ښاغلي محمدي په خبره، په تېرو کلونو کې به د بامیانو کچالو د افغانستان یو شمېر ولایتونو او ګاونډي هېواد پاکستان ته صادرېدل، خو سږکال ټاکل شوې چې اذربایجان ته هم صادر شي.
د هلمند ولایت مسؤلین وايي چې په دغه ولایت کې د لومړي ځل لپاره د نباتي افتونو د مخنیوي د تشخیص او وقایې د لابراتوار مرکز جوړېږي. د دغه ولایت د کرنې ریاست د برنامو مسؤل رفیع الله قلم نن ازادي راډيو ته وویل چې په دې وروستیو کې د دغه ولایت بزګران د نباتي ناروغیو له ستونزو سره مخ وو. د نوموړي په وینا، دغه مرکز به په نوي او عصري وسایلو سمبال شي چې په فعالیت سره به یې د دغه ولایت د بزګرانو ستونزې راکمې شي او د کرنیزو محصولاتو له ډېر والي سره به مرسته وکړي.
وسله والو طالبانو د روغتیا نړیوال سازمان (WHO) ته بېرته په هغو سیمو کې چې د دوی ترکنټرول لاندې دي، د فعالیت د پیلولو اجازه ورکړې ده. طالبانو پرون په یوه خپره کړې خبرپاڼه کې ویلي چې رامنځته شویو ستونزو او د طالبانو او د روغتیا د سازمان د پلاوو ترمنځ د پرله پسې غونډو او خبرو په نتیجه کې یې بېرته د دې سازمان بشري او روغتیایي فعالیتونو ته اجازه ورکړې ده. طالبانو د روان میلادي کال په اپرېل میاشت کې د دغه روغتیایي نړیوال سازمان او د سره صلیب د نړیوالې کمېټې فعالیتونه په خپلو کنټرول لاندې سیمو کې منعه کړي وو. Читать дальше...
د افغانستان د ولسمشرۍ لپاره د کاندیدانو انتخاباتي مبارزه تېره شپه ۱۲ بجې پای ته ورسېده او نن او سبا د چوپتیا دوره ده. د انتخاباتي شکایتونو د کمېسیون غړي محمد قاسم الیاسي پرون ازادي راډیو ته وویل چې که هر کاندید د چوپتیا اصل مراعات نه کړي، له پنځو زرو تر یو لک افغانیو نغدي جریمه کېدای شي. د دغې دورې له پیلېد سره د ولسمشرۍ ټول کاندیدان مکلف دي چې خپل عکسونه او نور کمپایني بیلبورډونه له ښارونو لېرې کړي او د رأیې ورکولو د مرکزونو په سل مترۍ کې هم باید د هېڅ یوه کاندید عکس ونه لیدل شي. ټاکل شوې بل سبا د شنبې په ورځ د ولسمشرۍ انتخابات ترسره شي.
د امریکا د متحدو ایالتونو ولسمشر ډونالد ټرمپ پر تهران د فشارونو د زیاتوالي په ترڅ کې د بهرنیو چارو وزارت ته امر کړی چې یو شمېر جګپوړي ایراني چارواکي او د هغوی د کورنۍ غړي متحدو ایالتونو ته له ننوتو منع کړي، که هغوی د کډوالو په توګه یا له هغې پرته غواړي متحدو ایالتونو ته ولاړ شي. د سپینې ماڼۍ په اعلامیه کې چې پرون چهارشنبه خپره شوې، د ولسمشر ټرمپ له قوله ویل شوي چې ویلې یې دي، د دغو کسانو له محدودیت پرته کډوال یا غیر کډوال که د متحدو ایالتونو خاورې ته داخلېږي، هغه به د متحدو ایالتونو د ګټو په ضرر... Читать дальше...
واشنګټن پوسټ لیکي، وسله والو طالبانو روان کال د پروسږکال په پرتله ډېر ملکیان په افغانستان کې وژلي دي، خو طالبانو پخوا هڅه کوله چې هغه ملکیان په نښه نه کړي چې رأیه ورکوي.
د روسیې د بهرنیو چارو وزیر سرګي لاوروف پرون د سپټمبر په ۲۵مه د ملګرو ملتونو امنیت شورا ته په وینا کې ویلي چې افغانستان د ګواښونو د مخنیوي لپاره بهرنۍ مرستې ته اړتیا لري. سرګي لاوروف ویلي چې په غیر صورت کې به د افغانستان شمالي سیمې یو وار بیا د نړیوالو ترورېستي سازمانونو د خېز په زینه بدلې شي. لاوروف ویلي چې د ګډ امنیتي تړون سازمان او د شانګهای د همکاریو سازمان هغو ګواښونو ته متوجې دي چې د افغانستان له لوري پېښېدای شي. دا خبر د روسیې خبري اژانس تاس خپور کړی دی. د روسیې د بهرنیو چارو وزیر... Читать дальше...
د جرمني پولیسو پرون د سپټمبر په ۲۵مه وویل چې یو افغان ګډوال د محکمې د پرېکړې پر اساس بېرته جرمني ته ستون شوی دی. د مسترد شوي افغان هویت نه دی څرګند شوی. د افغانستان دا پناه غوښتونکی د جرمني پولیسو د روان کال د مې په میاشت کې د جرمني او اتریش پر ګډه پوله نیولی و او یونان ته یې استولی و. د اروپايي اتحادیې د قوانینو پر اساس، هغه کډوال چې لومړی د یونان خاورې ته رسېږي او هلته يې معلومات ثبتېږي، له هره بله اروپايي هېواده باید په ۴۸ ساعتونو کې بېرته یونان ته مسترد شي. د جرمني د خبري اژانس په... Читать дальше...
د افغان ښځو د حقونو یو شمېر فعالانو غوښتنه کړې چې د ټاکنو په ورځ دې له رأیې ورکوونکو ښځو د عکس اخیستلو اجبار لېرې کړي. د روېټرز خبري اژانس پرون د سپتمبر په ۲۵مه په یوه رپوټ کې ویلي چې په افغانستان کې د ښځو د حقونو د ملاتړ اتلسو ادارو د افغانستان د انتخاباتو خپلواک کمېسون ته جلا جلا لیکونه استولي او غوښتنه یې کړې چې د ښځو په مرکزونو کې دې د عکس اخیستلو ضرورت لغوه کړي. د افغانستان د حکومت د پرېکړې پر اساس، دا وار په انتخاباتي مرکزونو کې پرمختللي ماشینونه د رأيې ورکوونکو بایومټریک معلومات ثبتوي. Читать дальше...
په افغانستان کې د امریکا د متحدو ایالاتو سفیر جان بس په کندهار کې وروستۍ چاودنه چې د یوه ژورنالېست په ګډون ملکي وګړي په کې ووژل شول، غندلې ده. جان بس په هلمند کې وروستۍ حمله هم په کلکو ټکو غندلې او پر ټوېټر یې لیکلي چې د خبریالانو او ماشومانو په ګډون د ملکي خلکو تلفات او د ملکي خلکو پر وړاندې تشدد هېڅ ډول توجیه نه لري. په کندهار کې د سې شنبې په ماښام چاودنه وشوه چې د چاودنې له امله د هېواد راډیو خبریال عبدالحمید هوتکي او څلور نور ملکي وګړي ووژل شول. د افغانستان د کورنیو چارو وزارت وویل چې... Читать дальше...
د امریکا د متحدو ایالاتو ولسمشر ډونالد ټرمپ د اوکراین له ولسمشره غوښتنه کړې چې د هغه د سیاسي رقیب جوبایډن په اړه څېړنې وکړي. دا د امریکا د کانګرس د استازو د مجلس هغو غړو ته چې د جمهور رئیس استیضاح غواړي، د بحث اساسي مسئله ده. په نیویارک کې پرون د سپټمبر په ۲۵مه د جمهور رئیسانو ټرمپ او زيلينسکي تر کتنې څو ساعته مخکې د هغوی د یوې ټيليفوني مکالمې یاداښت یا نوټ خپور شو. د خپاره شوي یاداښت په حواله، جمهور رئيس ټرمپ د جولای په ۲۵مه ولادیمیر زيلينسکی ته په ټيليفوني خبرو کې ویلي چې که د اوکرائین... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости