Новости за 25.03.2022

د طالبانو د رژیم پر ضد د جوړې شوې ملي مقاومت جبهې مشر احمد مسعود وايي، طالبانو سره‌یې د سولې خبرو پایله نه‌درلوده او له همدې امله د جګړې د دوام اعلان کوي. ښاغلي مسعود د نوروز په مناسبت خپل وېډیويي پیغام کې چې تېره شپه خپور شو وویل، طالبان نه‌غواړي هغه‌ مېکانیزم او حل‌لار ومني چې د افغانستان ستونزه په بنسټیزه توګه پای ته رسوي. احمد مسعود خبرداری ورکړ، تر هغې چې طالبان یو ټول‌منلی او داسې حکومت چې د خلکو د رایو پر بنسټ منځ‌ته راغلی وي ونه‌مني، دوی به‌یې پر ضد خپلې مبارزې او مقاومت ته دوام ورکړي. Читать дальше...

د اوکراین ولسمشر ولادیمیر زلنسکي د ناټو له غړو وغوښتل چې اوکراین ته تهاجمي وسلې ورکړي. زلنسکي وویل، باید نور د ناټو غړي ونه‌وايي چې اوکرایني ځواکونه د ناټو په معیار برابر نه‌دي. د ناټو مشرانو د اوکراین په اړه په خپله فوق‌العاده غونډه کې پرېکړه وکړه چې اوکراین ته به نورې دفاعي وسلې ورکړي. پر اوکراین د روسیې د یرغل د یوې میاشتې له پوره کېدو سره هم‌مهاله د ناټو د مشرانو په فوق‌العاده غونډه کې د اوکراین ولسمشر ولادیمیر زلنسکي له خپل هېواد سره د نامحدودو پوځي مرستو غوښتنه وکړه. زلنسکي چې په بروکسل... Читать дальше...

د امریکا متحده ایالاتو او نورو غربي هېوادونو د طالبانو هغه پرېکړه وغندله چې په افغانستان کې یې تر شپږم ټولګي پورته د نجونو د تعلیم اجازه نه‌ده ورکړې. د بریتانیا، کاناډا، فرانسې، ایټالیا، ناروې او امریکا د بهرنیو چارو وزیرانو دغه‌راز د اروپايي ټولنې د لوړ رتبه استازي په پرونۍ ګډه اعلامیه کې له طالبانو غوښتنه شوې چې خپله دغه پرېکړه بېرته واخلي. په ګډه اعلامیه کې ویل شوي، د طالبانو دغه پرېکړه د دوی د مشروعیت لیدلوری او د افغانستان هغه هیله زیانمنوي چې غواړي د نړیوالې ټولنې باعزته غړی شي. غربي هېوادونو په خپله اعلامیه کې ویلي... Читать дальше...

سویس وايي، په تېره فبرورۍ میاشت کې له دغه هېواد څخه د پناه غوښتونکو اکثریت افغانان وو. د سویس د مهاجرت ادارې پرون (پنجشنبه) وویل، تېره میاشت په سویس کې ۱،۳۰۴ تنو د پناه غوښتنه کړې چې د تېر کال د ورته مودې په پرتله په سلو کې نږدې ۱۰ کم دي، خو اکثره پناه غوښتونکي افغانان او ورپسې تُرکان دي. د دې ادارې په وینا په فبرورۍ کې ۲۴۷ افغانانو پناه غوښتې ده.

د افغاني سرې میاشتې ټولنه وايي، ۹۰ تنه افغان ماشومان د درملنې لپاره جرمني ته ولېږل شول.  دې ټولنې پرون (پنجشنبه) وویل چې دا ماشومان چې سخت سوځېدلي وو او یا د هډوکو د ماتېدو د نرمېدو په ناروغیو اخته وو، د جرمني د سولې کلي مؤسسې په مرسته د درملنې لپاره جرمني ته لېږل شوي دي. په همدې حال کې ۱۹ افغان ماشومان چې وړاندې د درملنې لپاره جرمني ته لېږل شوي وو، له درملنې وروسته افغانستان ته ستانه او خپلو کورنیو ته وسپارل شول.  د جرمني د سولې کلي مؤسسې په تېرو څه باندې درې لسیزو کې څه باندې ۴،۵۰۰ افغان... Читать дальше...

د امریکا د بهرنیو چارو وزارت پرون وویل، تر ۵ زره ډېر افغان پناه غوښتونکي یې د کاناډا د مهاجرت پروګرام ته معرفي کړي دي.  د متحده ایالاتو د بهرنیو چارو وزارت په وینا دا افغانان د مهاجرت د ځانګړو ویزو یا (اېس ای وي) په پروګرام کې شامل وو. په همدې حال کې د کاناډا د مهاجرت، کډوالو او تابعیت اداره وايي، د امریکا له لوري ورمعرفي شوي افغانان به د متحده ایالاتو له خاورې څخه نه، بلکې له یوه درېیمګړي هېواد څخه کاناډا ته انتقال او هلته دېره کړل شي.

ټاکل شوې ده چې د افغانستان د فوټبال ملي لوبډله سبا (شنبه) د کوېټ له لوبډلې سره تمریني مسابقه وکړي. د افغانستان د فوټبال فدراسیون ویاند فېروز مشعوف ازادي راډیو ته وویل چې دا سیالي به د ترکیې په انتالیا ښار کې وشي. دی زیاتوي: "زموږ تمریني کمپ له درې ورځو راهیسې د ترکیې په انتالیا کې پیل شوی. څو نوي لوبغاړي زموږ له لوبغاړو سره یوځای شوي. ټاکل شوې ده چې یوه بله تمریني مسابقه د مارچ په ۲۹مه په انتالیا کې ولرو." د افغانستان او کوېټ مسابقه به له دې کبله چې تمریني ده، په ټلوېزیونونو کې خپره نه‌شي.

د اوکراین سمندري ځواک پرون (پنجشنبه) وویل چې په ازوف سمندرګي کې یې د روسیې یوه ستره جنګي بېړۍ له‌منځه وړې ده.  د روسیې دا جنګي بېړۍ چې اورسک نومېده او د ځواکونو او تجهیزاتو د وړلو لپاره وه، په تور سمندر کې د دغه هېواد تر ټولو ستره بېړۍ وه.  په رسنیو کې په خپرو شویو تصویرونو کې تور لوګي او اور لیدل کېږي چې له بېړۍ څخه پورته کېږي.

د پاکستان پوځ وايي، پرون سهار سخت‌دریځو د افغانستان له خاورې له اوښتو وروسته په پاکستان کې ۴ سرتېري ووژل.  د پاکستاني طالبانو تحریک د دې برید مسؤلیت په غاړه اخیستی دی.  د پاکستان د پوځ له خبرپاڼې سره سم، برید د شمالي وزیرستان په حسن‌خېل ښارګي کې وشو. دا ښار یو وخت د پاکستاني طالبانو او نورو سخت‌دریځو ډلو مرکز و.   د پاکستان پوځ ادعا کوي چې د سخت‌دریځو برید یې ناکام کړی او مرګ‌ژوبله یې وراړولې ده.  د پاکستان د پوځ په خبرپاڼه کې د پاکستاني طالبانو د مرګ‌ژوبلې د شمېر په شمول نور جزئیات نه‌دي څرګند شوي. Читать дальше...

فرانسې ته په وروستیو میاشتو کې د وړل شویو افغانانو د حالت په اړه د بشري حقونو د څارونکو راپور پرون (پنجشنبه) خپور شو. د دې ډلې په راپور کې راغلي، په داسې حال کې چې فرانسې له دغو افغانانو سره مهمې مرستې کړي، خو د روحي او اجتماعي ملاتړ له نظره د پام وړ تشه لیدل کېږي.  راپور وايي، د تېر کال د اګسټ په ۱۵مه د طالبانو لاس ته د کابل له لوېدو وروسته فرانسې له افغانستانه د ۲ زره ۶۳۰ افغانانو په شمول تر ۳ زره ډېر کسان وایستل. د بشري حقونو څارونکي وايي، دا افغانان فرانسې ته له رسېدو او مېشتېدو وروسته د پناه د غوښتنې په عمومي سیستم کې داخل شول. Читать дальше...

په افغانستان کې د طالبانو حکومت وايي چې دوی د چین د بهرنیو چارو وزیر ته ډاډ ورکړ چې د افغانستان له خاورې به دغه هېواد ته هېڅ راز خطر نه‌پېښېږي. د چین د بهرنیو چارو وزیر د پاکستان له دوه ورځني سفر او هند ته تر تګ مخکې پرون ناببره کابل ته لاړ او د طالبانو د رئیس‌الوزرا له مرستیال ملا عبدالغني برادر او د بهرنیو چارو له سرپرست وزیر امیر خان متقي او د کورنیو چارو وزارت سرپرست سراج‌الدین حقاني سره وکتل.  د سیاسي چارو کتونکي وايي، چین له افغانستانه د اویغور بېلتون غوښتونکو له درکه اندېښنه لري، خو طالبانو د چین د بهرنیو چارو وزیر ته ډاد ورکړ. Читать дальше...

بي اېن اېن-بلومبرګ کاناډایۍ خپرونې (بي اېن اېن-بلومبرګ) کابل ته د چین د بهرنیو چارو د وزیر پر سفر لیکنه خپره کړې ده. دا خپرونه لیکي چې د وانګ یي سفر اعلان شوی نه‌و، دی له اسلام‌اباده د پنجشنبې په ورځ کابل ته ولاړ او د پاکستان په پلازمېنه کې یې د اسلامي همکارۍ د سازمان د بهرنیو چارو د وزیرانو په غونډه کې برخه اخیستې وه. خپرونه وړاندې لیکي چې تېر ځل په ۲۰۱۸ کال کې د چین دا جګپوړي ډیپلومات افغانستان ته تللی و او هغه وخت‌یې د امریکا د ملاتړي حکومت له ولسمشر اشرف غني سره کتلي و.  د خپرونې په باور... Читать дальше...