Новости за 16.04.2024

Бүген, 16 апрель көнне, Ялтада Советлар Союзы Герое, әлеге шәһәрнең Мактаулы гражданы Гали Мәҗитов бюстын ачу тантанасы узды. Чарада Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев катнашты, дип хәбәр итә конгресс матбугат хезмәте.

Ростов-Дон шәһәрендә «Тын Дон чәчәкләре» өлкә инновацион мәйданчыгында тәрбияви-патриотик этномәдәни татар милли конкурслар һәм уеннар үткәрелде. Бу хакта Бөтендөнья татар конгрессы матбугат хезмәте хәбәр итә.

Дәүләт Думасы депутаты Татьяна Ларионова «Татарстан онлайн» программасының туры эфирында ни өчен Россиядә яңадан Гаилә елы игълан ителүен аңлатты, ул 2008 елда узган иде.

Бүгенге көндә Татарстанда махсус хәрби операция ветераны таныклыгын 800дән артык кешегә биргәннәр. Бу хакта «Татар-информ»да матбугат конференциясендә Татарстан Хәрби комиссариатының гражданнар белән эшләү бүлеге җитәкчесе Сергей Котин хәбәр итте.

А.Н. Туполев исемендәге Казан илкүләм тикшеренү техник университеты колледжында «Мин, син, ул — бергә тату ил» исемле милләтләр дуслыгын данлаган, гаилә кыйммәтләрен пропагандалаган чара үткәрелде.

Татарстанда быел 433 мең тонна сөт җитештерелгән, бу 2023 елга караганда, 8 процентка күбрәк. Сөт җитештерү күләме буенча Россия төбәкләре рейтингында республика беренче урында тора. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

Татарстанның спорт министры Владимир Леонов республикада Алинә Заһитованың фигуралы шуу мәктәбе проекты турында сөйләде. Ведомство башлыгы аны стандарт булмаган дип атады - бу компактлы үзәк була, төзелеш вакытында олимпия чемпионкасының барлык таләпләре исәпкә алыначак.

«Татмедиа» АҖ делегациясе Мәскәүгә эш сәфәре кысаларында Татарстанның Россиядәге Тулы вәкаләтле вәкиллегендә, Татар мәдәни үзәгендә булды, шулай ук Габдулла Тукай һәйкәленә чәчәкләр куйды. Бу хакта вәкаләтле вәкиллек сайтында хәбәр ителә.

«Ватанны саклаучылар» фонды Татарстанда тиздән махсус хәрби операция инвалидлары ихтыяҗларына җайлаштырылган торакның үрнәген күрсәтәчәк. Бу хакта бүген «Татар-информ»да матбугат конференциясендә «Ватан саклаучылар» фондының Татарстна буенча филиалы җитәкчесе Гүзәл Удачина сөйләде.

Россия Саклану министрлыгы белән контракт төзегәндә, бер тапкыр түләнә торган акча 10 көн эчендә күчерелә. Бу хакта «Татар-информ»да матбугат конференциясендә Татарстан Хәрби комиссариатының гражданнар белән эшләү бүлеге җитәкчесе Сергей Котин сөйләде.

Татарстанда «Ватанны саклаучылар» фонды махсус хәрби операциядә катнашучыларга, хәрби хәрәкәтләр ветераннарына һәм аларның гаилә әгъзаларына эшкә урнашу, психолог-терапевт һәм юридик ярдәм күрсәтү мәсьәләләрен хәл итәргә ярдәм итә. Бу хакта бүген «Татар-информ»да матбугат конференциясендә «Ватанны саклаучылар» фондының Татарстан буенча филиалы җитәкчесе Гүзәл Удачина сөйләде.

«Россия - Ислам дөньясы: KazanForum» Халыкара икътисади форум 15 ел эчендә үзен Ислам илләре белән хезмәттәшлекнең ышанычлы мәйданчыгы буларак күрсәтте. Быел 6,3 меңнән артык чакыру җибәрелгән, 16 меңнән артык кеше катнашуы планлаштырыла. Бу хакта Мәскәүдә оештыру комитеты утырышында Татарстан Рәисе Рөстәм Миңнеханов белдерде.

Россиядә премияләрне һәм өстәмәләрне исәпкә алмыйча, хезмәт хакының минималь ставкасын минималь хезмәт хакы дәрәҗәсендә билгеләргә мөмкиннәр. Дәүләт Думасына бу закон проектын «Гадел Россия - Дөреслек өчен» партиясе кертте. РИА Новости документка сылтама белән шул хакта хәбәр итә.

«Халык контроле» системасына сәламәтлек саклау һәм диспансеризация мәсьәләләре буенча яңа юнәлеш кертелде. Бу хакта бүген «Татар-информ»да матбугат конференциясендә Татарстанда Кеше хокуклары буенча вәкаләтле вәкил, ТР «Халык контроле» дәүләт мәгълүмат системасының баш модераторы Сәрия Сабурская хәбәр итте.

Татарстанда янгынга каршы махсус режим 22 апрельдән 12 майга кадәр гамәлгә кертеләчәк. Бу чорда төбәктә берничә чикләү гамәлдә булачак. Бу хакта бүген ТР Хөкүмәте йортында узган брифингта Татарстанның янгын күзәтчелеге буенча баш дәүләт инспекторы Максим Трущин хәбәр итте.

Татарстан Рәисе Рөстәм Миңнеханов гаилә ипотекасының чикле лимитын төбәктәге торак бәясенең һәм беренче кертемнең 20 проценттан артмавын исәпкә алып арттырырга тәкъдим итте. Бу хакта ул Мәскәүдә Россия Дәүләт Советының «Төзелеш, торак-коммуналь хуҗалык, шәһәр мохите» юнәлеше буенча комиссиясе утырышында әйтте. Республика җитәкчесенең матбугат хезмәте шул хакта хәбәр итә.

Казан циркы нәкъ 10 көннән Тукай әсәрләренә нигезләнгән беренче милли театраль-цирклы спектакль премьерасын тәкъдим итәчәк. Оештыручылар раславынча, бу спектакльне Казан циркында милли программаны торгызуның беренче үрнәге дип карарга мөмкин.

Күптән түгел ТР Дәүләт Советы Рәисе урынбасары Марат Әхмәтов гаиләле яшь (дөресрәге, урта буын) татар язучылары белән гаиләдә татар телен саклау турында сөйләште. Очрашуда катнашкан шагыйрә Лилия Гыйбадуллина үз фикерләрен җиткерде.

Махсус хәрби операциядә катнашучыларга ярдәм итү максатларында «Халык контроле» сервисында яңа төр мөрәҗәгатьләр барлыкка килде. Хәзер махсус хәрби операциядә катнашучылар һәм аларның гаилә әгъзалары гуманитар ярдәм, махсус хәрби операция зонасындагыларга ярдәм итү чаралары һәм башка юнәлешләр турында сораулар бирергә мөмкин. Бу хакта бүген «Татар-информ»да матбугат конференциясендә Татарстанда Кеше хокуклары буенча вәкаләтле вәкил, ТР «Халык контроле» дәүләт мәгълүмат системасының баш модераторы Сәрия Сабурская сөйләде. Читать дальше...

15 апрель көнне Казан шәһәре Совет районының 11 нче күппрофильле лицеенда «Телне өйрәнүнең нәтиҗәле алымнары» семинарлар циклының чираттагы чарасы узды. Бу хакта Казан мэриясе матбугат хезмәте хәбәр итә.

Россия Президенты Владимир Путин Үзәк сайлау комиссиясе башлыгы Элла Памфилова белән очрашты, дип хәбәр итә Кремльнең матбугат хезмәте.

Казанда БРИКС-2024 Уеннарында чыгыш ясаячак командаларның делегацияләре башлыклары очрашуы старт алды. Анда башлыча онлайн-форматта барлыгы 35 ил вәкиле катнаша. Булачак турнирның инфраструктурасы белән күреп танышу өчен алты дәүләттән кунаклар килгән: Бахрейн, Берләшкән Гарәп Әмирлекләре, Венесуэла, Әзербәйҗан, Сербия һәм Конго.

Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Кырым Республикасына килде. Биредә Милли Шура рәисе Симферополь шәһәренең Җәмигъ мәчетен карады. Бу хакта Бөтендөнья татар конгрессы матбугат хезмәте хәбәр итә.

Сәүдәгәр Әсәдуллаевның Мәскәүдәге йортын Татарстан Республикасы милкенә тапшыру карары турында бүген Татарстанның Мәскәү вәкиллегендә узган «Татмедиа» делегациясе белән очрашуда Татарстан Республикасы Тулы вәкаләтле вәкиле Равил Әхмәтшин хәбәр итте.

Тукай районының «Росинка» һәм «Родник» бакчачылык җәмгыятьләре эрегән кар сулары аркасында су астында калган. Су басу зонасына берьюлы берничә участок керә. Әлеге участокларда мунчалар, йортлар, хуҗалык блоклары, шулай ук теплицалар һәм бакчалар урнашкан. Күпчелеге пенсионер булган бакчачылар борчыла. Аларның сүзләре буенча, бу су инде бер атна тора.