Новости за 06.04.2024

Әлмәт районы башлыгы Тимур Нагуманов су басу вакытында зыян күргән Оренбург өлкәсе Орск шәһәре халкына ярдәм итәргә чакырды. Бу хакта «Әлмәт таңнары» хәбәр итә.

Орск имам-хатыйбы Кадыйрҗан хәзрәт Тынаштыгулов әйтүенчә, кичә Урал елгасы ярындагы дамба җимерелеп, шәһәрне су басканда, су мәчеткә килеп җитми калган. Бу хакта имам-хатыйб «Татар-информ» хәбәрчесенә сөйләде.

Махсус хәрби операция башланганнан бирле Кукмара районы Ядегәр урта мәктәбендә хәрбиләргә ярдәм итү белән шөгыльләнәләр. Бүгенге көндә алар блиндаж шәмнәре, ипине турап киптереп сохари ясый, шулай ук махсус принтер ярдәмендә автомат магазинына патроннар кору өчен җайланмалар эшли. Бу хакта «Хезмәт даны» хәбәр итә.

Саба районы Эзмә авыл жирлегендә Зур ифтар мәжлесе үтте. Әлеге чараны җирлектә урнашкан оешмалар һәм эшмәкәрләр берлеге оештырды. Бу хакта https://saby-rt.ru хәбәр итә.

Оренбург өлкәсе Орск шәһәре татарларының «Мирас» милли-мәдәни автономиясе рәисе Азат Хәйретдинов «Татар-информ»га хәбәр итүенчә, татарлар күпләп яшәгән «Иске шәһәр» өлешен һәм шундагы борынгы татар зиратын су баскан.

Бүген, 6 апрельдә, һәм иртәгә, 7 апрельдә, Татарстанда кабат һава шартлары начарлануы көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Бүгенге көндә Х авыруы гипотетик авыру булып тора, белгечләр моны нәрсә икәнен әйтә алмый. Бу хакта биология фәннәре докторы, Татарстан Фәннәр академиясе секретаре-академигы Альберт Ризванов «Татарстан 24» сайтында «Интервью без галстука» тапшыруында сөйләде.

РФ Президенты Владимир Путин ире махсус хәрби операциядә һәлак булган хатыннарны бер ел эчендә эштән алуны тыя торган законга кул куйды. Документ хокукый мәгълүматны рәсми бастырып чыгару порталында урнаштырылган.

Россия Президенты Владимир Путин махсус хәрби операциядә катнашучыларга кредит каникуллары вакытында исәпләнгән процентларны гамәлдән чыгару турындагы законга имза куйды. Документ хокукый мәгълүматны рәсми бастырып чыгару порталында урнаштырылган.

26 апрельдә «Мин татарча сөйләшәм!» акциясе сәхнәсендә чыгыш ясарга теләүчеләр яңа җанлы музыка бәйгесендә катнаша ала.

Россия Президенты Владимир Путин Россия спортчылары Парижда узачак җәйге Олимпия уеннарында катнашу яки катнашмау турында карарны мөстәкыйль рәвештә кабул итә дип берничә тапкыр белдерде. Бу хакта дәүләт башлыгының матбугат сәркатибе Дмитрий Песков искә төшерде. РБК шул хакта хәбәр итә.

Татарстанда машина йөртүченең юлда хәле начарланган, ул кюветка төшеп киткән һәм үлгән. Бу хакта республика Дәүләт автоинспекциясендә хәбәр иттеләр.

Авыл хуҗалыгы өлкәсендә тармакны кадрлар белән тәэмин итү төп мәсьәләләрнең берсе булып кала. Кыр эшләре чорында дефицит ел саен кискенләшә. Бу хакта Татарстан авыл хуҗалыгы һәм азык-төлек министрының беренче урынбасары Ленар Гарипов ТР Хөкүмәте Йортында узган киңәшмәдә хәбәр итте. Аны Татарстан Рәисе Рөстәм Миңнеханов алып барды. Бу хакта республика җитәкчесенең матбугат хезмәте хәбәр итә.

Россия Президенты инаугурациясендә Aurus Senat рестайлинг версиясе тәкъдим ителәчәк. Бу хакта ТАСС вице-премьер - сәнәгать һәм сәүдә министры Денис Мантуровка сылтама белән хәбәр итә.

Бу язда хәрби хезмәткә чакырылучыларга кәгазь һәм электрон рәвештә берьюлы ике повестка килергә мөмкин. Бу хакта РИА Новости Дәүләт Думасының оборона комитеты башлыгы Андрей Картаполов сүзләренә сылтама белән хәбәр итә.

Төрек галиме Әхмәт Канлыдәрә күренекле сәясәт һәм җәмәгать эшлеклесе, галим Йосыф Акчураның Россиядә яшәгән чоры турында фәнни хезмәт бастырып чыгарды. Әлеге басма «Йосыф Акчура һәм Русия төркичелеге» дип атала.

2024 елда авыл хуҗалыгы җирләрендә кипкән үлән януга юл куйган хуҗалыклар 2025 елда федераль субсидияләрдән мәхрүм ителәчәк. Бу хакта Татарстан авыл хуҗалыгы һәм азык-төлек министрының беренче урынбасары Ленар Гарипов ТР Хөкүмәте Йортында киңәшмәдә белдерде. Аны Татарстан Рәисе Рөстәм Миңнеханов үткәрде. Бу хакта республика җитәкчесенең матбугат хезмәте хәбәр итә.

Якындагы көннәрдә Россиянең күпчелек төбәкләрендә һава температурасы 2-6 градуска климатик нормадан югарырак булыр дип фаразлана. Бу хакта РИА Новости Россия Гидрометеорология үзәгенең фәнни җитәкчесе Роман Вильфандка сылтама белән хәбәр итә.

Россиядә һәр икенче кеше 4 көнлек эш атнасына күчү турында хыяллана. Еш кына бу идеяне 34 яшькә кадәрге хезмәткәрләр хуплый. SuperJob сервисы шул хакта хәбәр итә.

Бүген Пенза өлкәсе Варежка шәһәр тибындагы бистәсендә мәчет ачылды. Бу хакта «Татар-информ» хәбәрчесенә Пенза өлкәсенең күпфункцияле ислам үзәге рәисе Нурулла хәзрәт Әхтәмов хәбәр итте.

Быел Татарстанда язгы кыр эшләре 3 апрельдә башланды. Бу хакта Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов ТР Хөкүмәте Йортында узган киңәшмәдә хәбәр итте. Аны республика Рәисе Рөстәм Миңнеханов алып барды. Бу хакта республика җитәкчесенең матбугат хезмәте хәбәр итә.

Татарстанның Болгар шәһәрендәге Ак мәчет Россиянең 30 истәлекле урыны исемлегенә керде. «Көньяк диңгезләрдән поляр крайга кадәр» конкурсында катнашучылар бөтен март дәвамында локацияләр өчен тавыш бирде, алар Яшьләр эшләре буенча федераль агентлыкның «Сәяхәткә караганда күбрәк» программасының туристик маршрутларына кертеләчәк.

Узган төндә Казан үзәгендә җитди юл-транспорт һәлакәте булган. Бу хакта шәһәр Дәүләт автоинспекциясендә хәбәр иттеләр.

Татарстан Рәисе Рөстәм Миңнеханов Хөкүмәт йортында шимбә киңәшмәсендә Татарстан мөселманнары Диния нәзарәтенә һәм республиканың муниципаль берәмлекләренә Ураза гаетендә бәйрәм гыйбадәтләрен һәм чаралар уздыру өчен кирәкле барлык шартларны булдырырга кушты. Видео республика җитәкчесе сайтында чыкты.

25 марттан 1 апрельгә кадәр Татарстанда АИ-95 маркалы бензин бәясе арзанайган. Аның бәясе 8 тиенгә төшкән, хәзер литры 53,14 сум тәшкил итә. Бу хакта Татарстанстат хәбәр итә.