Новости за 22.04.2024

Бүген «Россия йөрәге» Бөтенроссия гаилә учагы актанышлыларга тапшырылды. Учакны Актаныш районы Киров совхозында яшәүче Венера һәм Алмас Сабитовлар гаиләсе кабул итеп алды. Бу хакта «Мөслим-информ» сайтында Фәридә Гайнетдинова яза.

Татарстанда Корбан бәйрәме вакытында колак тамгалары булган хайваннарны гына чалырга рөхсәт итәчәкләр. Аларда ветеринария таныклыклары булырга тиеш, дип хәбәр итә ТР Министрлар Кабинетының Баш ветеринария идарәсе матбугат хезмәте.

Балтач районы башлыгы Рамил Нотфуллин Россия Федерациясенең атказанган авыл хуҗалыгы хезмәткәре булды. Россия Президенты Владимир Путин имзалаган указ хокукый мәгълүмат порталында басылып чыкты.

Мәгариф һәм фән өлкәсендә күзәтчелек буенча федераль хезмәт (Рособрнадзор) БДИ расписаниесен яңартты. Кертелгән үзгәрешләр чыгарылыш укучыларына бер фәннән имтиханны яңадан тапшырырга мөмкинлек бирәчәк. Элегрәк мондый инициативаны Россия Президенты Владимир Путин Федераль Җыенга юлламасында тәкъдим иткән иде, дип хәбәр итә Мәгариф һәм фән өлкәсендә күзәтчелек буенча федераль хезмәт.

Россия Президенты Владимир Путин М12 «Көнчыгыш» федераль трассасын төзү проектында катнашкан татарстанлыларны билгеләп үтте. Указ хокукый мәгълүмат порталында бастырылган.

Татарстан Республикасы Милли музее филиалы — татар әдәбияты тарихы музее һәм Шәриф Камал мемориаль фатирында (Татар китабы йорты) язучы һәм журналист Марат Әмирханның Габдулла Тукай тормышына багышланган яңа китабы тәкъдим ителә. Бу хакта оештыручылар хәбәр итә.

Тукай районы башлыгы вазифаларын, Фаил Камаевка карата җинаять эше кузгатылу сәбәпле, ул булмаганда аның урынбасары Рөстәм Закиров башкарачак. Бу хакта «Чаллы хәбәрләре» газетасы яза.

Татарстан Дәүләт Советы миграция сәясәтен камилләштерү буенча закон чыгару инициативаларын әзерләде. Бу хакта ТР парламенты җитәкчесе, «Бердәм Россия»нең төбәк бүлеге секретаре Фәрит Мөхәммәтшин «ПолитСтарт» проекты кысаларында районнардан партиянең алдан тавыш бирүдә катнашкан яшь кандидатлары белән очрашуда хәбәр итте.

Узган төндә Әтнә районында яшен сугу сәбәпле янгын чыккан, дип хәбәр иттеләр «Татар-информ»га Россия Гадәттән тыш хәлләр министрлыгының ТР буенча Баш идарәсе матбугат хезмәтендә.

Чәршәмбе көнне Татарстанда аномаль эсселек кимиячәк - температура сизелерлек төшә. Татарстанның Гидрометеорология үзәгендә бу атнада татарстанлыларны нинди һава торышы көтүе турында сөйләделәр.

22 апрель көнне Халыклар дуслыгы йортында XX Ваһапов фестивале кысаларында үтүче Яшь башкаручылар бәйгесенең финал өлеше узды. Яшь башкаручылар конкурсы Рәшит Ваһапов исемендәге фестиваль кысаларында 2007 елдан бирле уздырылып килә.

Татарстанда «Бердәм Россия»нең алдан тавыш бирүенә 200дән артык кеше катнаша, шуларның 40ы, ягъни 20 проценты – яшь кандидатлар. Бу хакта ТР Дәүләт Советы Рәисе, партиянең төбәк бүлеге секретаре Фәрит Мөхәммәтшин яшьләрнең актив вәкилләре, булачак сәясәтчеләр белән очрашуда хәбәр итте.

20 апрельдә Новосибирскида «Минем татар гаиләм» өлкә конкурсы узды. Конкурс 5 этаптан торды, дип хәбәр итә Бөтендөнья татар конгрессы матбугат хезмәте.

Казанда 1 майга Бөек Ватан сугышына багышланган истәлекле объектларны төзекләндерәчәкләр һәм ремонтлаячаклар. Бу хакта эшлекле дүшәмбедә шәһәр Башкарма комитеты җитәкчесе урынбасары Гүзәл Сәгыйтова әйтте. Һәйкәлләр, хәрби каберлекләр, бюстлар, кече архитектура формалары, стелалар һәм обелисклар тәртипкә китереләчәк, дип яза Казан мэриясе матбугат хезмәте.

Соңгы мәгълүматлар буенча, соңгы 50 елда иң көчле булган су басу нәтиҗәсендә Кытайның көньягында 83 меңнән артык кеше эвакуацияләнгән, дип хәбәр итә «Известия».

Бүген Казанда Хәтер көне үткәрелде. Татар халкы тарихында әлеге истәлекле дата республиканың төрле мәчетләрендә билгеләп үтелә. Төп чаралар аеруча зурлап башкалада – «Кол Шәриф» мәчетендә узды. Бу уңайдан җыелышка Татарстанның төрле почмакларыннан аксакаллар, мөхтәсибләр, имамнар килде. Әлеге чараны Нәзарәтнең Аксакаллар шурасы оештырды, дип хәбәр итә ТР Диния нәзарәте матбугат хезмәте.

Россия Мәгариф министрлыгы һәм Мәгариф һәм фән өлкәсендә күзәтчелек буенча федераль хезмәт (Рособрнадзор) быел БДИның яңа расписаниесен раслады. Боерыктан күренгәнчә, анда имтихан тапшыру елында бер фәнне яңадан тапшыру мөмкинлеге исәпкә алынган, дип хәбәр итә РИА Новости.Тиешле боерык норматив-хокукый актлар сайтында бастырылган.

Татарстанлылар социаль челтәрләрдә Бөек Ватан сугышында катнашкан туганнарының тарихлары белән уртаклаша ала. Аннары бу язмалар матбугат чаралары сюжетларында һәм яңалыкларда күренәчәк, дип хәбәр итә оештыручылар.

Казанда яшьләр автомобиль капотына һәм түбәсенә ятып йөргән. Соңрак видео Телеграм-каналларда чыкты. Бу кадрлар автоинспекторлар игътибарын җәлеп иткән.

«Ильдан» бию ансамбле Мәскәүдә концерт программасын тәкъдим итте - беренче тапкыр концертны коллективка нигез салучы, Татарстанның атказанган мәдәният хезмәткәре Рәдиф Яваевтан башка куйдылар. Бу хакта республиканың Россиядәге Тулы вәкаләтле вәкиллеге Телеграм-каналында хәбәр ителә.

Синоптиклар фаразлавынча, бүген төнлә һәм 23 апрельдә көндез Татарстанда яңгыр, боз һәм җилнең тизлеге секундына 23 метр булуы көтелә.

11-16 май көннәрендә Төмәндә уникаль конкурс - аккордеон һәм баян буенча Россиянең ачык чемпионаты була, ул Россиядән һәм башка илләрдән иң яхшы музыкантларны берләштерәчәк. Бу хакта Бөтендөнья татар конгрессы матбугат хезмәте хәбәр итә.

Татарстан Рәисе Рөстәм Миңнеханов Үзбәкстан Премьер-министры Абдулла Арипов белән очрашты. Алар хезмәттәшлек һәм яңа проектларны гамәлгә ашыру мәсьәләләре турында фикер алышты. Бу хакта ТР Рәисе матбугат хезмәте җитәкчесе Лилия Галимова хәбәр итте.

Дәүләт хезмәтләрендә электрон студент билетлары һәм «зачетка»лары барлыкка киләчәк, аларны кәгазь варианты белән беррәттән кулланырга мөмкин. Бу хакта Цифрлы үсеш, элемтә һәм массакүләм коммуникацияләр министрлыгы Телеграм-каналында хәбәр итте, дип яза РИА Новости.

Татарстан Рәисе Рөстәм Миңнеханов Төркия сәүдә министры урынбасары Мәхмүт Гюрджан белән очрашты. Очрашу Ташкентта «Иннопром. Үзәк Азия» күргәзмәсе кырында узды. Бу хакта ТР Рәисенең матбугат хезмәте җитәкчесе Лилия Галимова хәбәр итә.