Новости за 09.04.2024

Теләче районы Олы Тиләҗе авылында Айрат Хәйруллин һәм Марат Нигьмәтуллин, аларның гаиләләре иганәчелеге белән 160 кешегә исәпләнгән зур ифтар мәҗлесе узды. Бу хакта «Теләче-информ» хәбәр итә.

Татарстанда мобилизацияләнгән гаиләләрдән 3,6 меңнән артык бала балалар бакчасы өчен түләүдән азат ителгән. Бу хакта ТР мәгариф һәм фән министрының беренче урынбасары Андрей Поминов ТР Дәүләт Советының Мәгариф, мәдәният, фән һәм милли мәсьәләләр комитеты утырышында хәбәр итте.

Бүген Татарстан Республикасы Рәисе Рөстәм Миңнеханов Россия — Кытай мәдәнияте елларын әзерләү һәм үткәрү буенча оештыру комитетының Россия өлешендәге беренче утырышында катнашты. Чара РФ вице-премьеры Татьяна Голикова җитәкчелегендә видеоэлемтә аша узды, дип хәбәр итә ТР Рәисенең матбугат хезмәте.

Татарстан татар теле һәм әдәбияты буенча тагын 32 дәреслекне федераль исемлеккә кертергә тәкъдим итте. Бу хакта ТР мәгариф һәм фән министрының беренче урынбасары Андрей Поминов ТР Дәүләт Советының Мәгариф, мәдәният, фән һәм милли мәсьәләләр комитеты утырышында хәбәр итте.

Күп балалы гаиләләрдә ата-аналарның берсенә кыскартылган эш атнасына хокук бирергә тәкъдим иттеләр. Леонид Слуцкий җитәкчелегендәге ЛДПР фракциясе депутатлары тарафыннан эшләнгән РФ Хезмәт кодексына төзәтмәләр проекты Дәүләт Думасының электрон базасында урнаштырылган.

Дәүләт Думасы пленар утырышта беренче укылышта махсус хәрби операциядә катнашкан әтисен я әнисен югалткан инвалид һәм бала чактан инвалид балаларга икеләтә пенсия түләнәчәк дигән закон проектын кабул итте. Алар туендыручысын югалту һәм инвалидлык буенча социаль пенсия яки иминият пенсиясен алачак. Бу хакта РИА Новости хәбәр итә.

Яшел Үзән районы Васильево бистәсеннән махсус операция хәрбиләренә 1,4 тонна авырлыктагы гуманитар йөк озатылган. Җибәрелгән йөктә төнге күрү җайланмасы, төзелеш материаллары, автозапчастьлар, маскировка челтәрләре, кием, мобиль мичләр, азык-төлек, медикаментлар салынган.

«Татар-информ» мәгълүмат агентлыгы журналистлары, мәдәният өлкәсе күзәтүчеләре Александр Попов һәм Оксана Романова Владимир Матвеев исемендәге «Искусный глагол» профессиональ тренингларда катнашу өчен конкурс җиңүчеләре арасына узды. Конкурс Дәүләт эрмитажы, Владимир Потанинның хәйрия фонды һәм Екатеринбург сынлы сәнгать музее тарафыннан оештырылган.

Галимҗан Ибраһимов исемендәге Тел, әдәбият һәм сәнгать институтының өлкән фәнни хезмәткәре, филология фәннәре докторы Ләйсән Надыршина шагыйрь Ләис Зөлкарнәйнең татар әдәбиятына алып килгән яңалыклары, иҗат стилен барлыкка китергән кайбер үзенчәлекләрен билгеләп үтте. Бу хакта ул Габдулла Тукай музеенда Тукай Дәүләт премиясенә әдәбият өлкәсендә булган кандидатларның иҗатлары турында фикер алышуда әйтте.

Иртәгә Бөтендөнья татар конгрессы Оренбург өлкәсенә бер фура белән эчә торган су җибәрәчәк. Суны Лениногорскидан озатачаклар.

Быел бәйге 6 нчы тапкыр үткәрелә.

Россия Президенты Владимир Путин Оренбург өлкәсе башлыгы Денис Пакслер белән сөйләшүдән соң РФ төзелеш һәм торак-коммуналь хуҗалык министры Ирек Фәйзуллинны табигать казасы зонасына командировкага җибәрү турында карар кабул итте. Бу хакта журналистларга Кремльнең рәсми вәкиле Дмитрий Песков сөйләде, дип хәбәр итә ТАСС.

2023 ел нәтиҗәләре буенча декларация кампаниясе тәмамланырга бер айдан да азрак вакыт кала. Быел 2 майга кадәр гражданнар салым суммасын мөстәкыйль исәпләргә һәм салым органына 3-НДФЛ формасы буенча декларация тапшырырга тиеш. Бу хакта Татарстан Республикасы Министрлар Кабинетында узган брифингта Федераль салым хезмәтенең Татарстан Республикасы буенча идарәсе җитәкчесе Марат Сафиуллин искә төшерде

Россия Президенты Владимир Путин белән очрашу вакытында Башкортстан башлыгы Радий Хәбиров аңа бүген махсус операция зонасында булган башкорт хәрбиләренең рухи остазлары турында сөйләде. Әңгәмә тексты Кремль сайтында урнаштырылган.

10 апрельдә Мәскәү өлкәсе мөселманнарының Дини җыены Мәскәү өлкәсе Хөкүмәте ярдәме белән башкала тирәсендәге 11 мәйданчыкта Ураза гаете хөрмәтенә бәйрәм намазлары үткәрә. Бу хакта Россия мөселманнары Дини җыены сайтында хәбәр ителә.

«Новосибирск өлкәсе татар мәдәни үзәге» һәм Новосибирск өлкәсе «Ак калфак» хатын-кызлар оешмасы 8 апрельдән 8 июльгә кадәр «Минем татар гаиләм» дип аталган фотопроект - Бөтенроссия акциясен башлап җибәрә. Бу хакта «Ак калфак» хатын-кызлар оешмасының «ВКонтакте»дагы сәхифәсендә хәбәр ителә.

Бүген Татарстан Республикасы Хөкүмәте Йортында Татарстан Рәисе Рөстәм Миңнеханов һәм РФ Президенты каршындагы Эшкуарлар хокукларын яклау буенча вәкаләтле вәкил Борис Титов очрашты. Бу хакта республика җитәкчесе матбугат хезмәте хәбәр итә.

Татарстан ике төп диннең якынаюын күрсәтә. Бу хакта «Татар-информ»га интервьюда Кыргызстанның Казандагы Генераль консулы Эрик Бейшембиев белдерде.

Казан мэры Илсур Метшин Оренбург халкы өчен эчә торган су белән өч машина җибәрергә кушты. Йөк составында 9,5 мең шешә су бар, шешәләр биш литрлы. Гуманитар ярдәм 9 апрельдә китте, дип яза шәһәр мэриясенең матбугат хезмәте.

РФ Президенты Владимир Путин Башкортстан Башлыгы Радий Хәбировның республика җитәкчесен чираттагы сайлауда үз кандидатурасын күрсәтү ниятен хуплады. Бу хакта «Интерфакс» агентлыгы хәбәр итә.

Татарстан Рәисе Рөстәм Миңнеханов белдергәнчә, республика язгы ташудан зыян күргән Оренбург өлкәсе халкына ярдәм күрсәтәчәк.

22 апрельдә Казанда Кәрим Тинчурин исемендәге Татар дәүләт драма һәм комедия театрында республиканың муниципаль берәмлекләре арасында «Татарстанның мәдәни башкаласы» бәйгесе башлана. ТР Рәисе Рөстәм Миңнехановның күрсәтмәсе нигезендә, 2024 елда конкурс Гаилә елы химаясендә узачак.

Узган ел Татарстанда реаль хезмәт хакы инфляцияне исәпкә алып 13 проценттан күбрәккә арткан. ТР икътисад министрының беренче урынбасары Олег Пелевин ТР Дәүләт Советының Икътисад, инвестицияләр һәм эшкуарлык комитеты утырышында шулай дип белдерде. Бу турыда «Татар-информ» хәбәрчесе Надежда Гордеева яза.

Россиядә яшьләр сәясәте һәм патриотик тәрбия өчен җавап бирә торган яңа министрлык булдырырга тәкъдим иттеләр. Ведомство 7 майдан соң, ягъни РФ Президенты Владимир Путинның инаугурациясе узгач һәм федераль хакимият органнарының яңа структурасы формалаштырылгач барлыкка килергә мөмкин. Бу хакта «Ведомости» газетасы яза.

Бүген Татарстан Республикасы буенча Эчке эшләр министрлыгында «Закон территориясе» конкурсына йомгак ясалды. Конкурста җиңүчеләрне бүләкләү тантанасында Татарстан Республикасы Премьер-министры Алексей Песошин катнашты. Бу турыда Татарстан Рәисенең матбугат хезмәте хәбәр итте.