Татарстан Палестинадан эвакуацияләнгән 100 кешене кабул итәчәк
Палестинадан Россиягә эвакуацияләнгән 100 кешене Татарстанга җибәрәчәкләр. Бу хакта Премьер-министр Михаил Мишустин имзалаган Хөкүмәт боерыгында әйтелә.
Илгә Палестинадан килгәннәрне Россия Гадәттән тыш хәлләр министрлыгы урнаштырачак. Гомумән алганда, документта 1447 граждан турында әйтелә.
Татарстаннан тыш, эвакуацияләнгәннәрне Идел буе федераль округында Башкортстанга җибәрәчәкләр — 250 кеше. Үзәк федераль округта аларны Липецк, Рязань, Тверь, Тула һәм Ярославль өлкәләрендә, Төньяк-Кавказ федераль округында Дагестанда, Ингушетиядә, Кабардино-Балкариядә, Карачай-Черкесиядә һәм Чечняда кабул итәчәкләр.