Татарстан Дәүләт Советы депутат Рәис Сөләймановның вәкаләтләрен вакытыннан алда туктатты
Татарстан Дәүләт Советы депутат Рәис Сөләйманов вәкаләтләрен вакытыннан алда туктатты. Карар парламентның 53нче утырышында кабул ителде. Бу турыда «Татар-информ» яза.
«17 апрельдә Питрәч районы Советының чираттагы сессиясендә Дәүләт Советы депутаты Рәис Сөләйманов бу муниципалитетның башкарма комитеты җитәкчесе вазифасын башкаручы итеп билгеләнде», - дип сөйләде Татарстан Дәүләт Советы Рәисе Фәрит Мөхәммәтшин.
Сөләйманов яңа вазифага билгеләнү сәбәпле, депутат вәкаләтләрен вакытыннан алда туктату турында гариза бирде, дип өстәде ул.
Шуннан соң Мөхәммәтшин аңа Татарстан Дәүләт Советы Рәисенең Рәхмәт хатын тапшырды.