Новости за 19.12.2018

Түркиялык Якуп Мингсар эки жыл мурун Бишкекте “Анадолу” спорт клубун ачкан. Клубда жаш курагы төрттөн 14 жашка чейинки балдар спорттун ар кыл түрү менен машыгат. Түрк жараны түптөгөн клубдун негизги максаты Кыргызстандын атынан дүйнө кубогуна катышчу чебер оюнчуларды даярдоо болуп саналат.

Жалал-Абад шаарынын мэри Мураталы Тагаевдин шаардын 72 жаштагы тургуну Урниса Турдиевага мэрия имаратында кылган мамилеси териштирилет. Бул тууралуу президент Сооронбай Жээнбеков 19-декабрда Бишкекте өткөн басма сөз жыйынында журналисттин суроосуна жоп берип жатып билдирди: - Мэрдин бул аракетин териштирейин, эгерде 72 жаштагы адамга андай мамиле кылса мыйзам чегинде жооп бериши керек. Урниса Турдиева “Азаттык” радиосуна жиберген билдирүүсүндө 28-ноябрда шаар мэри Мураталы Тагаевге социалдык... Читать дальше...

Ош шаары 2019-жыл үчүн “Түрк дүйнөсүнүн маданий борбору” деп жарыяланды. Мындай чечим 18-декабрда Түркиянын Кастамону шаарында өткөн ТҮРКСОЙдун курамындагы өлкөлөрдүн Туруктуу кеңешинин 36-отурумунда бир добуштан кабыл алынды. Ош шаарынын “Түрк дүйнөсүнүн маданий борбору" болууга толук татыктуу экендигин эл аралык жыйында Ош шаарынын мэри Таалайбек Сарыбашов, Кыргызстандын Маданият, маалымат жана туризм министрлигинин статс-катчысы Бактыбек Секимов баяндама жасаганда айтып өтүштү. Алар бул сунуш... Читать дальше...

“Эркин Европа/Азаттык” радиосунун казак кызматы кабарлагандай, Казакстандын улуттук экономика министри Тимур Сулейманов Евразия Экономикалык Биримдигинде (ЕАЭБ) бирдиктүү электрондук валютаны киргизүүнү колдобой турганын журналисттерге бүгүн парламентте билдирди. “Бул менен жеке да, саясатчы катары да көз карашым. Гимн, желек, герб сыяктуу эле улуттук валюта биздин эгемендиктин символу. Биз аны ар тараптан коргоп, сактап, өнүктүрүшүбүз керек. Кандайдыр бир башка квази, прокси валюталарга жол бербешибиз керек”, - деди казак министри. Читать дальше...

Бишкек шаардык дене тарбия жана спорт комитети жыл ичинде өзгөчөлөнгөн спортчуларга, машыктыруучуларга, спорт ардагерлерине, баш калаадагы спорттук мектептерге “Жылдын мыктысы” наамдарын, ардак грамоталарды жана акчалай сыйлыктарды тапшырды. Бишкек шаардык спорт комитетинин тандоосу менен бильярдчы Дастан Лепшаков, жеңил атлет Дарья Маслова, оор атлет Ызат Артыков, балбан Жоламан Шаршенбеков, дзюдочу Эрлан Шеров, паралимпиадачы Жыргал Оросбаев, сууда сүзүүчү Владислав Шулико, шахматчы Шаадат Момуналиева... Читать дальше...

Кыргызстан социал-демократиялык партиясынын (КСДП) өкүлү Кундуз Жолдубева президент Сооронбай Жээнбеков "Өмүрбек Бабанов боюнча эч кандай сүйлөшүү болгон эмес" деп туура эмес сүйлөгөнүн билдирди.  Ал экс-президент Алмазбек Атамбаевдин, мамлекет башчы Сооронбай Жээнбековдун жана Өмүрбек Бабановдун ортосунда сүйлөшүү болгонун айтты:  -Муну экс-президент өзү интервьюсунда айткан, аны Бабановдун жакын партиялашы Руслан Казакбаев да тастыктаган. Демек, эки киши айтып жатса, үчүнчү киши "жок" десе, кимисине ишениш керек? Читать дальше...

Эл аралык Валюта Фондунун (ЭВФ) бул чечими президент Петро Порошенко үчүн келерки жылдагы президенттик шайлоо алдындагы чакан жеңиш деп эсептелүүдө.  ЭВФ 18-декабрда жарыялагандай, бул насыянын 1,4 миллиард доллар өлчөмүндөгү биринчи бөлүгү 25-декабрда, калганы кийинки жылдын май, ноябрь айларында берилет. 18-декабрда Дүйнөлүк банк да Украинанын өкмөтү эл аралык каржы базарынан бир миллиард доллар насыя ала алышы үчүн 750 миллион доллардык насыя кепилдигин бере турганын жарыялады.  ЭВФ насыясы... Читать дальше...

20-декабрда Кыргызстанда мезгил-мезгили менен кар жаайт. Жалал-Абад облусунун кээ бир райондорунда жана Ысык-Көл ойдуңунун чыгышында бурганак болушу мүмкүн. Чүй, Талас, Ош, Баткен, Жалал-Абад облустарынын кээ бир райондорунда туман түшөт. Жолдорго муз тоңот. Батыштан соккон шамалдын ылдамдыгы секундасына 2-7, Ысык-Көл акваториясында 15-20 метрге жетет. Абанын температурасы: Чүй өрөөнүндө түнкүсүн -5...-10, күндүз 0...-5, Талас жергесинде түнкүсүн -6...-11, күндүз -1...-6, Жалал-Абад, Баткен... Читать дальше...

“Талибан” менен АКШнын ортомчулугу астындагы сүйлөшүүлөргө катышканы кечээ Бириккен Араб Эмираттарына ооган өкмөтүнүн чабармандары да барды. 17-декабрда башталган үч күнкү сүйлөшүүлөр “Талибан” менен ооган өкмөтүнүн ортосунда расмий тынчтык жараянын баштоодогу маанилүү кадам деп каралууда. Бул ирет жолугушууларга “Талибанга” олуттуу таасири бар өлкөлөрдүн: Сауд Арабиясынын, Пакистандын, Бириккен Араб Эмираттарынын өкүлдөрү да катышууда. Алар 2001-жылы АКШ Ооганстанда аскердик операция баштаганга... Читать дальше...

Президент Сооронбай Жээнбеков азыркы кызматынан кеткенден кийин кайрадан бийликке талапкерлигин койбойт. Бул тууралуу ал бүгүн Бишкекте өткөн басма сөз жыйынында билдирди: - Мен кийин президенттикке, депутаттыкка талапкерлигимди койбойм. Партия лидери да болбойм. Алты жылдан кийин президенттиктен кеткенден кийин кызматымды эсен-аман тапшырып, эл арасында жакшы-жаманда чогуу болуп, аралашып жүргөндү каалайм. Ошону менен катар мамлекет башчысы өзүнөн кийин бийликке келүүнү каалагандарга бирдей... Читать дальше...

Жогорку Кеңештин мурдагы спикери Чыныбай Турсунбеков мамлекет башчы Өмүрбек Текебаев менен Өмүрбек Бабановдун маселесинде сүйлөгөн сөзүн колдойт. Мындай пикирин ал "Азаттык" радиосуна билдирди:  - Мыйзамга, Конституцияга таянып иш кылсак, анда туура айтты. Анткени мыйзам боюнча күнөөлүүлөрдү сот аныктайт жана атайын кызматтар бар. Бир сөз менен айтканда, Конституциянын негизинде абдан туура айтылды. "Баары мыйзамдын чегинде болушу керек" деген пикирге кошулам. Жээнбеков 19-декабрдагы басма сөз... Читать дальше...

Кыргызстанда сасык тумоо күчөп баратат. Бул тууралуу бүгүн Саламаттык сактоо министрлиги кабарлады. Мекеменин маалыматына караганда, 10-16-декабрда сасык тумоо менен катталган адамдардын саны 9077 болду, бул ага чейинки аптага караганда 16% көп. Санэпидкөзөмөл мекемесинин Жугуштуу ооруларды алдын алуу жана көзөмөлдөө бөлүмүнүн башчысы Динара Оторбаеванын айтымында, ооруканаларда кошумча орундар ачылып жатат. Оорунун көрсөткүчү былтыркыдан 1,6 эсе жогору болуп жатат. (RK)

Кочкордун аймактык ооруканасынын жандандыруу бөлүмүнүн жабдуусу жаңыланды. Бул тууралуу Саламаттык сактоо министрлиги кабарлады. Мекеменин маалыматына караганда, бул үчүн бюджеттен 610 миң сом бөлүнгөн. 250 адам иштеген оорукана бир жылда 6-7 миң бейтапты тейлейт. Учурда төрөт, балдар, инфекциялык илдеттер бөлүмдөрү жаңыланып жатат. Кыргызстанда медицина тармагындагы абал каржылоонун жетишсиздигинен эң көйгөйлүү маселелердин бири болуп эсептелет. (RK)

Кыргызстанга Орусиянын дагы бир базасын ачуу тууралуу сүйлөшүүлөр жүргөн жок. Бул тууралуу бүгүн президент Сооронбай Жээнбеков Бишкекте өткөн басма сөз жыйынында билдирди. - Орусия Федерациясынын президенти Владимир Путин буга өзгөчө маани берет. Азыр Канттагы базаны бекемдөө жана кеңейтүү жагы каралып жатат. Бизге Орусиянын бир эле базасы жетиштүү го деп эсептейм, - деди ал.  Канттагы авиабаза 2003-жылы Кыргызстан менен Орусиянын ортосундагы келишимдин негизинде 23-октябрда расмий ачылган. ... Читать дальше...

Жогорку Кеңештин азыркы курамы мөөнөтү бүткөнчө иштеши керек. Президент Сооронбай Жээнбеков бүгүн Бишкекте өткөн басма сөз жыйынында ушундай пикирин билдирди. Президент Жогорку Кеңештеги партияларды эл шайлаганын айтып, парламенттин сапаты бара-бара жакшырарын, буга убакыт керек экенин белгиледи. - Табыгый жол менен кетишибиз керек. Азыркы жолубуз эң туура жол, - деди Жээнбеков. Жогорку Кеңештин азыркы, алтынчы чакырылышы 2015-жылы беш жылдык мөөнөткө шайланган. Анда 120 депутат бар. (EBM)

Президент Сооронбай Жээнбеков Кыргызстан менен Америка Кошмо Штаттарынын ортосундагы кызматташтык тууралуу макулдашуу боюнча иш жүрүп жатканын билдирди. Президенттин айтымында, бул маселе АКШнын Кыргызстандагы элчиси Дональд Луга ишеним грамотасын тапшыруу учурунда талкууланган. - Тапшырма берилди. Иш жүрүп жатат. Убакыт керек. Улуттук кызыкчылык эске алынышы керек, - деди президент.  Кыргызстан АКШ менен кызматташтык тууралуу 1993-жылы кабыл алынган эки тараптуу макулдашууну 2015-жылы бир тараптуу токтоткон. Читать дальше...

Кыргызстанда жазага тартылышы керек болгон коррупционерлердин тизмеси дагы узарат. Бул тууралуу бүгүн президент Сооронбай Жээнбеков Бишкекте өткөргөн басма сөз жыйынында билдирди. Журналисттер ага шайлоо маалында 35 адамдан турган коррупционерлердин тизмеси бар экендиги тууралуу сөзүн эске салышты. Анда Райымбек Матраимов канчанчы орунда экени боюнча суроо берилди. Жээнбеков бул тизме узара турганын айтты. Бирок анда Матраимов бар же жок экенин айткан жок. (EBM)

Кол тийбестик боюнча мыйзам Атамбаевге каршы жазылган эмес. Мындай пикирин бүгүн Бишкекте өткөн пресс-конференцияда мамлекет башчысы Сооронбай Жээнбеков билдирди: - Бул Конституцияга шайкеш келтирүү боюнча мыйзам. Ал мага да тиешелүү. Ар адам кийинкисин ойлош керек. Менин атам “мамлекеттин укуругу узун” деп айтчу. Баарыбыз мыйзам алдында бирдей болушубуз керек. Экс-президентти кандай учурда жоопко тартуу жобосу даана ,так жазылышы зарыл. Мен эч кимди жоопко тартпайм, мыйзам, тиешелүү органдар жоопко тартат. Читать дальше...

Мамлекет башчы Сооронбай Жээнбеков Кытайдагы кыргыздар боюнча маселеге этият мамиле кылыш керек деп эсептейт. Бул тууралуу ал бүгүн Бишкекте өткөн басма сөз жыйынында айтты. - Ал жердеги биздин туугандарыбыз - Кытай мамлекетинин жараны, ал мамлекеттин мыйзамдарына баш ийет. Ачык айтпаганыбыз менен биз буга байланыштуу тиешелүү иш-аракетибизди жүргүзүп жатабыз. Мунун өзүнүн эрежеси бар. Эки тараптуу келишимдер бар, ошонун негизинде иштеп жатабыз. Коңшулар менен жакшы мамиледе болуп, маселени сүйлөшүү жолу менен чечиш керек, - деди ал. Читать дальше...

Президент Сооронбай Жээнбековдун басма сөз жыйынына журналисттердин тегиз чагырылышын саясатчы Равшан Жээнбеков жакшы көрүнүш катары баалады:  - Оппозициялык маанайдагы экс-президент Алмазбек Атамбаевдин "Апрель" телеканалынын журналисттери чакырылганы маанилүү. Экинчиден, курч, ага жакпаган суроолор берилип жатат. Анын баарын угуп жатканы, мүмкүнчүлүгүнө жараша жооп берип жатканы жакшы көрсөткүч. Мурдагы президенттердин учурунда да баштапкы жылдары журналисттер тандалбай, баарына суроо узатканга мүмкүнчүлүк берилчү. Читать дальше...

Бишкекте “Ата Мекен” партиясынын камактагы лидери, мурдагы депутат Өмүрбек Текебаевге арналган сүрөт көргөзмөсү өтүп жатат. "Манас" кинотеатрындагы иш-чараны партия жана саясатчынын тарапкерлери анын декабрь айындагы туулган күнүнө карата уюштурду.  Текебаев өткөн аптада №47 колониядан Улуттук кардиология борборуна которулган. “Ата Мекен” партиясынын лидери Өмүрбек Текебаев "орусиялык ишкерден пара алган" деген айып менен былтыр февралда камалган. Ошол жылы августта Бишкектин Биринчи май райондук... Читать дальше...

“Азаттык” радиосунун Мамлекеттик бажы кызматынын төрагасынын мурунку орун басары Райымбек Матраимовдун байлыгы тууралуу телеберүүсүндө келтирилген жүйөлөр текшерилет. Бул тууралуу бүгүн Бишкекте өткөн басма сөз жыйынында президент Сооронбай Жээнбеков билдирди. Коомчулукта "Раим миллион" деген каймана ат менен таанылган Райымбек Матраимов былтыр ноябрь айында ошол кездеги премьер-министр Сапар Исаковдун буйругу менен кызматтан алынган.  Өткөн айда "Апрель" телеканалындагы маегинде мурдагы президент... Читать дальше...

Ош шаарында Кыргызстан менен Өзбекстандын чектеш облустарынын башчыларынын кеңешинин жыйыны эки өлкөнүн өкмөт башчыларынын төрагалыгы алдында өттү.

Өзбекстандын мамлекеттик мекемелеринде иштегендер мындан ары күн сайын дене тарбия менен алектенүүгө тийиш. Президент бул боюнча жарлыкка 18-декабрда кол койгонун "УзА" агенттигине таянып "Азаттыктын" өзбек кызматы кабарлады.  Аталган жарлык "Жугуштуу эмес оорулардын профилактикасын, сергек жашоону колдоо жана элдин кыймыл-аракетин арттыруу" деп аталат.  Жарлыкка ылайык, мамлекеттик мекемелерде күн сайын гимнастика сааттары, жумасына бир жолу "саламаттык күнү" уюштурулат.  Кызматкерлер чуркоо... Читать дальше...

Президент Сооронбай Жээнбеков Өмүрбек Текебаевди абактан бошотуу маселесине кийлигише албайт, бирок мыйзам боюнча мунапыс бере алат. Бул тууралуу ал бүгүн Бишкекте өтүп жаткан басма сөз жыйынында айтты.  - Бардык соттук инстанция бүткөн, - деди ал. - Жогорку сот караган, бул боюнча өзүнүн чечимин чыгарган. Мен аны буза албайм. Мыйзам боюнча менин бир гана укугум бар – мунапыс берүү. Жазса берейин. Башка укугум жок. Сот чечими мага чейин эле чыккан да. ​ "Ата Мекен" партиясынын лидери, Жогорку... Читать дальше...