Новости за 19.12.2018

Президент Сооронбай Жээнбеков бир тууганы, Жогорку Кеңештин депутаты Асылбек Жээнбеков сөз болуудан коркуп парламенттин сессиясына келбей калганын айтты.  19-декабрда Бишкектеги "Ала-Арча" мамлекеттик резиденциясындагы басма сөз жыйынында "Апрель" телеканалынын журналисти "Асылбек Жээнбеков кадрдык маселеге кийлигишип жатканы" тууралуу берген суроосуна мамлекет башчы төмөнкүчө жооп берди: - Асылбек Шариповичтин кеңселери болсо, мага факт бергиле. Кеңсеси жок, үйдөн чыкпай отурат, сөз болот деп коркконунан сессияга да келбей калды... Читать дальше...

Кытайда Компартия “реформа жана ачыктык" саясатын баштаганынын кырк жылдыгы чоң салтанат менен белгиленди.

“Коопсуз шаар” долбоорунун алкагында 37 аппараттык комплекс келип түштү, анын ону Бишкек шаарынын көчөлөрүндөгү жолчырактарга орнотулат. Бул тууралуу биринчи вице-премьер-министр Кубатбек Боронов 19-декабрда Жогорку Кеӊеште билдирди: - 2012-жылдан бери болбой жаткан жумушту биз алты ай ичинде ишке ашырдык десек болот. 37 аппараттык комплекс келип түштү. Биринчи этапты сынактан утуп чыккан компания менен бирге май айына чейин толук ишке киргизели деп турабыз. Жаңы жылдан кийин орното баштайбыз. Өкмөттүн маалыматына караганда... Читать дальше...

Ирактын “Офок” телеканалы 18-декабарда өлкөнүн президенти Бархам Салех жакын арада Сирияга бараарын жарыялады.

“Өмүрбек Бабанов боюнча эч кандай сүйлөшүү болгон эмес” деп билдирди бүгүн 19-декабрда мамлекет башчысы Сооронбай Жээнбеков Бишкекте өткөн басма сөз жыйынында. - Мен Бабановду КТРКдагы дебаттардан көргөм, ошондон кийин көрө элекмин. Экс менен экөө эмне деп сүйлөштү, эмне макулдашуулар болду, аны билбейм. Бирок айтып коеюн, мен шайлоого кетип жатканда келечек боюнча эч кандай сүйлөшүү болгон эмес. Менин артымдан эмне деп сүйлөшүштү, эмне сценарий түзүштү - ал менин проблемам эмес, - деди ал. Жээнбеков “мени "саткын" деген атка кондурушту. Читать дальше...

Президент Сооронбай Жээнбеков "Атамбаевсиз КСДП" аттуу жыйындардын өтүшүнө, аны уюштурууга тиешеси жок экенин билдирди. 19-декабрда Бишкектеги "Ала-Арча" мамлекеттик резиденциясындагы басма сөз жыйынында бул тууралуу айтып жатып, ал Кыргызстан социал-демократиялык партиясынын азыркы абалына зээни кейип турганын белгиледи. - Мен бул партиянын катардагы мүчөсү эмес, оор мезгилде ошол партиянын башында турган жетекчилердин биримин. Бир кездеги абдан күчтүү, чоң, ийгиликтүү партиянын азыркы абалын көрүп, жүрөгүм ооруп жатат. Читать дальше...

Президент Сооронбай Жээнбеков жакында Кыргызстан социал-демократиялык партиясынын (КСДП) саясий технологу катары аты аталган Алексей Василивецкийди 2010-жылдагы апрель окуясынан кийин көргөнүн, башында анын чет элдик экенин билбегенин айтты:  - Бул киши Фарид Ниязовдун жакын адамы, кеңешчиси болгон. Мен премьер-министр болгондо деле мага телефон чалып, аны "жакшы кеңешчи" деп айтканынан кабыл алганмын. Менин эки кеңешчим бар эле, алар аны менен иштөөдөн баш тартышкан. Андан кийин деле эки-үч кат келген... Читать дальше...

Президент Сооронбай Жээнбеков Кыргызстанда Аймактарды өнүктүрүү жылында башталган аракеттер анын бийликтеги мөөнөтү аяктаганга чейин уланарын билдирди. 19-декабрда Бишкектеги "Ала-Арча" мамлекеттик резиденциясындагы басма сөз жыйынында бул тууралуу айтып жатып, ал 2018-жыл бул багыттагы иштердин башаты болгонун белгиледи.  Кыргызстанда 2018-жыл Аймактарды өнүктүрүү жылы деп жарыяланган. Коомчулукта бул жыл максатына жетпегени тууралуу сын пикирлер көп.  Басма сөз жыйынына жергиликтүү жана эл... Читать дальше...

Президент Сооронбай Жээнбеков бир жылдык ишине өзү баа берди. “Бул жыл саясаты көп жыл болду. Мамлекеттин өнүгүшү үчүн, өзүмдүн программамды ишке ашыруу боюнча чоң иштерди баштадык. "Алыскы туугандан жакынкы кошуна артык" деген принцип менен иштедик, көп сүйлөшүү болду, көп маселелерди чечтик. Мамлекет башчылар менен бардык деңгээлде ишенимдүү иштер болуп жатат" деди мамлекет башчысы 19-декабрда өткөн басма сөз жыйынында. Ошону менен катар мамлекет башчысы Кыргызстан Дүйнөлүк көчмөндөр оюндарын ийгиликтүү өткөрүп алганын белгилеп... Читать дальше...

Президент Сооронбай Жээнбековдун 2018-жылдын жыйынтыгы боюнча маалымат жыйыны өтүп жатат.

Жогорку Кеңештин “Республика Ата-Журт” фракциясынын депутаты Зарылбек Рысалиев Кыргызстандын мурдагы жана азыркы эки президентине кайрылуу жасады. Бүгүн 19-декабрда парламенттин жалпы жыйынында борбордук трибунадан сөз алган депутат экс-президент Алмазбек Атамбаевдин өлкө башчысы кезиндеги жакшы иштери катары “Үркүндү ордуна коюп кеттиңиз, Көчмөндөр оюндарын көтөрдүңүз, президенттик кызматты ыктыярдуу тапшырып эрдик кылдыңыз” деди. Ошону менен катар ал Атамбаевди башкарууну толук өткөрүп бергиси келбей жатат деп сындады... Читать дальше...

Иран, Орусия жана Түркия Сириянын Баш мыйзамы боюнча комитеттин алгачкы жыйынын 2019-жылдын башында уюштурууга макулдашышты.

Бишкекте 19-декабрда алыш күрөшүнөн эл аралык мелдеш башталды. Кожомкул атындагы спорт сарайында өтүп жаткан таймаш Кыргыз Республикасынын Эл баатыры Абсамат Масалиевдин элесине арналат.  Мелдешке Борбор Азия мамлекеттеринен, Монголиядан, Беларустан, Ирандан жана Орусиядан 300дөн ашык балбан келерин "Азаттыкка" Спорттун улуттук түрлөрү боюнча дирекциянын басма сөз катчысы Максат Кутманбеков билдирди.  Бир күндүк турнир жашы 18ден өйдө эркектер жана кыз-келиндер ар кандай салмакта күч сынашат. Читать дальше...

Жалал-Абад-Анжиян темир жол каттамын кайрадан жандандыруу аракети жүрүп жатат. Каттам ишке кирсе, Анжиян аркылуу Москва жана Самарага поезд менен барууга жол ачылат. 1999-жылдан бери Жалал-Абад темир жол бекетине жүргүнчү ташыган поезд келе элек. Станция учурда жүк ташуу менен гана алектенип калды.

Кыргызстанда Жогорку Кеңеш менен Конституциялык палата экс-президенттин кол тийбестиги боюнча мыйзамдан улам кайым айтышты.

Вашингтондо, Колумбия округунун федералдык сотунда судья АКШ президенти Дональд Трамптын мурдагы кеңешчиси Майкл Флиннге карата чечим чыгарган жок. Маселени кийинкиге калтырды.   Буга чейин Американын атайын прокурору Роберт Мюллер Майкл Флиннди эркинен ажыратпоону сотко сунуштаганы кабарланган. Айыптоо тарап Флинн тергөөгө Орусиянын 2016-жылда АКШда өткөн президенттик шайлоого киришкени тууралуу маанилүү маалымат бергенин билдирди.   Атайын прокурор көрсөткөн документтерде Флинн он тогуз жолу суракка алынганы жазылган. Читать дальше...

Оюндагы кызыктуу ирмемди көрүүчүлөрдүн бири видеого тартып алган.

Орусиянын Мамлекеттик думасы 18-декабрда жашы жете электерди  каршылык акцияларына тарткандар үчүн жаза камтыган мыйзам долбоорду үчүнчү окууда кабыл алды.  Документте өспүрүмдөрдү акцияга катышууга чакырган уюштуруучуларга 50 миң рублга чейин айыппул салуу, он беш күнгө чейин камакка алуу каралган.   Мыйзам долбоор оппозициялык саясатчы Алексей Навальныйдын коррупцияга каршы митингдеринен кийин Мамлекеттик думага киргизилген. Байкоочулар бул митингдерге өспүрүмдөр көп катышканын билдиришкен. Читать дальше...

Мелдешке 300дөн ашык спортчунун келиши күтүлүүдө.

Кыргызстандын Башкы прокуратурасы мамлекеттик сатып алуулар боюнча 125 кылмыш ишин козгоду. Мындай маалымат 18-декабрда башкы көзөмөл органынын координациялык жыйынында айтылды. Маалыматка караганда, мамлекеттик сатып алуулар боюнча мыйзам бузуулардан казынага 43 миллион сомдон ашык каражат кайтарылган. Кыргызстанда буга чейинки көз карандысыз иликтөөлөр жемкордук мамлекеттик сатып алуулар тармагында көп экенин көрсөткөн. (NT)

Парламенттин басма сөз кызматы билдиргендей, бул маселе бүгүн, 19-декабрдагы сессиянын күн тартибине биринчи болуп киргизилди. Депутаттар долбоорду ишке ашыруу тууралуу өкмөттүн маалыматын угушат.  Буга чейинки сессияларда долбоорду талкуулоо күн тартибиндеги эң акыркы маселе болуп, улам артка жылып келаткан. Ага чейин долбоор тууралуу учкай гана сөз болуп, депутаттар арасында бул маселе "атайын акыркы болуп коюлуп, кенен талкуулоого мүмкүнчүлүк берилбей жатат" деген нааразылык чыккан. Ошондой... Читать дальше...

Президент Сооронбай Жээнбеков 2018-жылдын жыйынтыгы боюнча бүгүн, 19-декабрда маалымат жыйын өткөрөт. "Ала-Арча" мамлекеттик резиденциясындагы бүгүнкү жыйында жергиликтүү жана эл аралык маалымат каражаттарынын өкүлдөрү каттоодон өткөн. Президент быйылкы иштер тууралуу айтып, андан соң журналисттердин суроолоруна жооп бермекчи. Жээнбековдун бийликке келгенине бир жылдан ашык убакыт өттү. Ал 2017-жылдын 15-октябрындагы президенттик шайлоодо алдыга чыгып, ошол эле жылы 24-ноябрда ант берип, расмий түрдө кызматка киришкен. Читать дальше...

Бишкекте бүгүн, 19-декабрда “Ата Мекен” партиясынын камактагы лидери, мурдагы депутат Өмүрбек Текебаевге арналган сүрөт көргөзмө болот. "Манас" кинотеатрындагы иш-чараны "Ата Мекен" партиясы жана саясатчынын тарапкерлери анын туулган күнүнө карата уюштуруп жатышат. Текебаев өткөн аптада №47 колониядан Улуттук кардиология борборуна которулган.  “Ата Мекен” партиясынын лидери Өмүрбек Текебаев жана анын партиялашы, мурдагы өзгөчө кырдаалдар министри Дүйшөнкул Чотонов орус жараны Леонид Маевскийден... Читать дальше...