Новости за 19.11.2021

Германия марихуананы мыйзамдаштырышы мүмкүн. Бул тууралуу азыр жаңы өкмөттү түзүү боюнча сүйлөшүүлөрдү жүргүзүп жаткан Бундестагдагы үч партия өз ара макулдашканын Politico басылмасы жергиликтүү басылмаларга шилтеме берип, жазып чыкты. Социал-демократтар, "Жашылдар" жана Германиянын эркин демократиялык партиясы колдонууну мыйзамдаштырып, аны атайын дүкөндөрдө чоңдор үчүн марихуана сатууга уруксат берүүгө макул болушту. Марихуананы сатуу укугу үчүн лицензия берилип, аны алуунун шарттары жана сапат кепилдиктери көзөмөлдөнөрү көрсөтүлдү. Читать дальше...

Беш жылдан бери жабык турган Улуттук тарых музейи оңдоп-түзөөдөн кийин кайра ачылды. Музей жетекчилигинин айтымында маданий мекеме дээрлик 70 пайыз жаңыланып, жаңы экспонаттар жана заманбап мультимедиалык жабдуулар менен толукталды. Учурда музейдеги байыркы палеолит доорунан баштап эгемендик доорго чейинки өлкө тарыхын чагылдырган жалпы экспонаттардын саны 100 миңге чамалайт.

Бүгүн, 19-ноябрда Борбордук шайлоо комиссиясы "Социал демократтар" партиясынан депутаттыкка талапкер Рыскелди Момбековдун диплому боюнча маселени карап, тергөө жана соттун жыйынтыгынан кийин чечим кабыл алууну чечти. БШКнын төрайымы Нуржан Шайлдабекованын мындай сунушун жумушчу топтун мүчөлөрү колдоду. Рыскелди Момбеков талапкер катары үгүт иштерин уланта берет. Улуттук коопсуздук боюнча мамлекеттик комитет (УКМК) 18-ноябрда Боршайкомдун жыйынында Рыскелди Момбеков "экинчи жогорку билимин биринчи... Читать дальше...

Добуш сатып алуу фактысы менен Жогорку Кеңештин депутаттыгына бир мандаттуу округдан талапкер Камчыбек Жолдошбаев шайлоодон четтетилди. Президент Садыр Жапаров "чыккынчылар кайсы убакта болбосун шайлоодон кийин жоопко тартыла турганын" билдирди. Германия Беларус-Польша чек арасындагы мигранттарды кабыл албайт.

Гонконгдогу технологиялык компания дүйнөдө санариптик акча катары тааныла баштаган биткоинди Тажикстанда иштеп чыгуу боюнча алдын-ала макулдашууга кол коюлганын жарыялады. Гонконгдук Lyon Holding Group 18-ноябрда Тажикстандагы Ganj Technology фирмасына ээлик кылган New Full Rich компаниясы менен биргеликте кызматташуу тууралуу меморандумга кол коюшту. Бул алдын-ала макулдашууга ылайык, тараптар санарип акча - биткоинди иштеп чыга турган керектүү технологиялык жабдуулар менен компьютерлерди Тажикстанга алып келип орнотот. Читать дальше...

Учурда Кыргызстандын жогорку окуу жайларында 200 миңден ашуун студент билим алат. Алардын ичинде окууга быйыл тапшырып, аймактардан шаарга жаңы келген, балалык кыялын орундатуу үчүн окууга тапшырган, өзү да окуп, башкаларды да окуткан студенттер бар.

№33 Нарын шайлоо округунан депутаттыкка талапкер болгон Шаршенбек Абдыкеримов парламенттик шайлоого катышуудан баш тартты. Ал бул тууралуу 19-ноябрда Нарын облусундагы Ат-Башы районунда эл менен жолугушканда билдирди. Абдыкеримов бул чечимин "ар ким өз иши менен алектенүүсү керек" деп түшүндүрдү. Азырынча БШК бул тууралуу комментарий бере элек.   Абдыкеримовдун талапкерлигин №33 Нарын шайлоо округунан өзү негиздеген "Кыргызстан" партиясы сунуштаган. Абдыкеримов Жогорку Кеңештин “Кыргызстан” партиясынан депутаты жана "Аю холдингдин" ээси. Читать дальше...

Ош облусундагы Ноокат райондук ооруканасынын жетекчиси Асамидин Мариповдун ишмердүүлүгүн президенттин Оштогу өкүлчүлүгү текшерип баштады. Ага президент Садыр Жапаровдун атына жазылган арыз себеп болгон. Президенттин Ош облусундагы өкүлүнүн орун басары Данияр Жаныкуловдун айтымында, арыз ээлери дарыгерди добуш сатып алууга, админресурс колдонууга айыптаган. 19-ноябрь күнү атайын комиссия түзүлүп, Мариповдун аракетин текшерип баштады. "Мечиттерде, ооруканаларда үгүттөө иштерин жүргүзүп атат, оорукананын кызматкерлерин кыйнап атат... Читать дальше...

Бүгүн, 19-ноябрда Бишкектин Биринчи май райондук соту “Пара алуу” беренеси менен айыпталган Финансы полициясынын (бул кызмат быйыл март айында жоюлган) жетекчисинин мурдагы орун басары Эмил Жамгырчиевге байланыштуу ишти карап, аны актады. Сот Жамгырчиевди реабилитациялоо укугу менен кылмыштын курамы жоктугуна байланыштуу бардык айыптоолор боюнча толук актаган. "Э.Э.Жамгырчиев Кыргыз Республикасынын Жазык кодексинин 326-беренесинин 3-бөлүгү, 325-беренесинин 3-бөлүгүнүн 1-пункту жана 320-беренесинин... Читать дальше...

АКШда эки конгрессмен – Теннесси штатынан демократ Стивен Коэн жана Түштүк Каролинадан республикачы Жо Уилсон - Конгресстин Өкүлдөр палатасына "Орусиянын президенти Владимир Путиндин кызматта калуу аракетинин мыйзамдуулугун АКШ тараптан тааныбоо" боюнча резолюциянын долбоорун сунушташты. Анда Владимир Путиндин соңку президенттик мөөнөтү 2024-жылдын 7-майында аяктай турганы көрсөтүлгөн. Владимир Путиндин буга чейинки президенттик мөөнөттөрүн жоюу боюнча Орусиянын Баш мыйзамына киргизилген оңдоолор... Читать дальше...

Кыргызстандын Коопсуздук кеңешинин төрага орун басары Таалатбек Масадыков Өзбекстандын тышкы иштер министринин орун басары Фуркат Сидиков менен жолугуп, Ооганстандагы кырдаалды жана анын чөлкөмдүк коопсуздукка тийгизген таасирин талкуулашты. Бул тууралуу Өзбекстандын “Дүйнө” басылмасы жазды. Бул маалыматты “Азаттыктын” жеке булактары да ырастады. Маалыматка караганда, жолугушууда Ооганстандын чөлкөмдөгү өлкөлөр менен болгон экономикалык интеграциясын, учурда гуманитардык кооптуу кырдаалга кабылган... Читать дальше...

Өлкөнү өнүктүрүүгө жарандык коомдун салымы, бийлик менен алакасы, тобокелчиликтер ушул аптадагы жыйындарда кызуу талкууланууда. Жарандык коомдун калыптанышындагы процесстерде бейөкмөт уюмдардын орду кандай? Мамлекеттин алар менен кызматташуусунда кандай мүмкүнчүлүктөр, өксүктөр, көйгөйлөр бар? "Азаттык" кезектеги "арай көз чарай" талкуусунда ушул жана башка суроолорго жооп издеди. Ага саясат таануучулар Эмил Жороев жана Алмаз Кулматов катышты. - Кыргызстан өткөн 30 жылда жарандык коому күчтүү... Читать дальше...

Кыргызстанда жыл башынан бери онго жакын келин өз жанын кыйган жана кыюуга аракет кылган. Адистер мындай жагдайга түрткөн себептердин бири катары үй-бүлөлүк чыр-чатакты, ата-эне жана жакындардын түшүнбөстүгүн, социалдык абалды айтып келет. "Күйөөм менен таптакыр жашай албайм, жашагым да келбей жатат. Кайнене - кайнатамдан ушунчалык көңүлүм калды. Билем, өзүмдө да күнөө бар. Карыз ала коем деп, күнөөлүү болдум. Депрессиядан чыга албай жатам. Кайнатам ар бир ишиме киришип, кайненемден өтүп кетти...... Читать дальше...

Кыргызстандын саламаттык сактоо тутуму 2020-жылы башталган дүйнөлүк пандемиядан үч оор сабак алган. Үчөө тең өздөштүрүлбөй калган. Биринчи сабак - жергиликтүү бийлик эпидемияга каршы иш-чараларын уюштурганга, калкты мобилизациялоого даяр эмес экенин аныктады. Бирок ар кандай өзгөчө кырдаалды ошол замат чечүүгө даяр болуу - жергиликтүү бийликтин милдети. Экинчи сабак - саламаттык сактоо тутумунун негизин саламаттык сактоонун баштапкы тармагы: үй-бүлөлүк дарыгерлер тобу, үй-бүлөлүк медицина борборлору... Читать дальше...

Дээрлик беш жыл жабык турган Улуттук тарых музейи 19-ноябрда салтанаттуу түрдө ачылды. Музей 20-ноябрдан баштап көрүүчүлөрдү кабыл алып баштайт. Алгачкы он күндө кирүү акысыз болот.

Ооганстанда быйыл 15-августта бийликти басып алган "Талибан" (Кыргызстанда ишмердигине тыюу салынган) өкмөтүндөгү тышкы иштер министринин милдетин аткаруучу Aмир Хан Moтаки Германиянын атайын өкүлү Жаспер Вик жана Нидерландынын атайын өкүлү Эмиел де Бонт менен бейшембиде Кабулда жолукту. Жолугушууда гуманитардык жардам жеткирүү жана саясий кызматташтыктын келечеги талкууланды. "Талибан" кыймылы бийликке келген августтун ортосунан бери Батыш өлкөлөрү өз банктарындагы оогандардын каражатын чектеп, финансылык жардамды бууп салган. Читать дальше...

Нобел сыйлыгынын ээлери - СССРдин мурдагы президенти Михаил Горбачев жана орусиялык "Новая газета" гезитинин башкы редактору Дмитрий Муратов Орусиянын Башкы прокуратурасын "Мемориал" укук коргоо уюмун жоюу" боюнча сотко өтүнүчүн кайтарып алууга чакырышты. Бул адам укугун коргоо уюму Орусияда "чет элдик тыңчы" деп жарыяланган. Горбачев менен Муратов биргелешкен кайрылуу жасашты. "Мемориалдын узактан берки ишмердиги ар дайым тарыхый адилеттүүлүктү калыбына келтирүүгө, репрессия жылдарында курман... Читать дальше...

Австрия Евробиримдиктин ичинде өз жарандарын милдеттүү эмдөөдөн өткөрүүнү жарыялаган биринчи өлкө болду. Өкмөттүн жаңы буйругуна ылайык, жашоочулар 2021-жылдын 1-февралына чейин толук эмдөөдөн өтүшү керек. Бул тууралуу 19-ноябрда Австриянын өкмөтү билдирди. Мындан тышкары, бийлик 10 күнгө жалпы карантиндик чектөө киргизди. "Ал эң көп дегенде дагы 20 күнгө узартылышы мүмкүн", - деди канцлер Александр Шалленберг. 14-ноябрдан тарта коронавируска чалдыккандардын саны көбөйгөнүнө байланыштуу Австрия... Читать дальше...

Кыргызстанда качкындарды кабыл алуу, жайгаштыруу жана ар тараптан колдоо боюнча Жарандык коргонуунун мамлекеттик тутумунун атайын машыгуулары башталды. Өзгөчө кырдаалдар министрлигинин маалыматына караганда, Жалал-Абад облусунун Сузак районундагы Жаңы-Жер айылында, Баткен облусунун Лейлек районундагы Маргун айылында жана Ош облусунун Алай районундагы Бор-Дөбө айылында үч чатыр шаарчасы жайгаштырылып, ага 3000ден ашуун качкынды кабыл алуу боюнча тажрыйбалык иш-чаралар өткөрүлөт. Окутуулар 19-20-ноябрда болот. Читать дальше...

Шевченко кыргызстандыктар менен жолугушууну чыдамсыздык менен күтүп жатканын белгилеген. Ал Бишкекке машыктыруучусу менен келет.

Президент Владимир Зеленский Украинанын Коопсуздук жана коргонуу кеңешинин Орусиянын чалгын кызматында иштеген 28 кишиге жана Крымда адам укугун бузууга аралашкан деген кине коюлган алты адамга карата чечимин ишке ашыруу боюнча жарлыкка кол койду. Август айында Украинанын Улуттук коопсуздук жана коргонуу кеңеши Крымдагы телекөрсөтүү, маалымат агенттиктери жана интернет сайттары сыяктуу 12 юридикалык тарапка санкция киргизген. Аларга Украинага каршы маалыматтык "согушка" катышкан деген негиздеме менен чара көрүү чечими чыккан. Читать дальше...

Кыргызстанда 18-ноябрга карата көмүрдүн орточо баасы тоннасына 5 миң 706 сомду түзүп, бир айда 10,1% кымбаттады. Бул тууралуу Улуттук статистика комитети билдирип, баа былтыркыга салыштырмалуу дээрлик 20% өскөнүн маалымдады. Эң кымбат баа Ноокатта (10 039 сом), Баткенде (9 718 сом) жана Исфана шаарында (9 091 сом) катталган. Эң арзан көмүрдү Нарындын Чаек айылынан (2500 сом) жана Балыкчы шаарынан (4049 сомдон) алса болот. Кыргызстанда суук түшөрү менен энергетикалык каатчылык сезиле баштады. Өлкөдө электр энергиясы чоң таңкыстыкка учурап... Читать дальше...

Президент Садыр Жапаров Баткен облустук медиа борборуна маек куруп, шайлоодон кийин "чыккынчыларды" жоопко тарта турганын билдирди. Ошол эле учурда президент кайсы чыккынчылар жөнүндө сөз болуп жатканын жана алар кандай кылмыштары үчүн жоопкерчиликке тартыларын тактаган жок. Интервьюнун тексти 19-ноябрда президенттик админстрациянын сайтына жарыяланды. Баарлашуу учурунда журналист Министрлер кабинетинде эмне үчүн Баткен облусунан өкүлдөр жок жана Жогорку Кеңештин депутаттарынын арасында бул аймактан келгендер аз экенине кызыкты. Читать дальше...

Польша менен Беларустун чек арасындагы миграциялык кризисти жөнгө салуу маселеси боюнча Германия жалгыз аракеттенбей турганын немис өкмөтүндөгү жашыруун булак "Рейтер" маалымат агенттигине билдирди. Буга чейин Германиянын ички иштер министри Хорст Зеехофер анын өлкөсү чек арада турган мигранттарды кабыл албай турганын билдирген. Ал Ангела Меркел менен Александр Лукашенконун ортосунда бул тууралуу макулдашуу болбогонун жана Минск жалган сүйлөгөнүн ашкерелеген болчу. Александр Лукашенконун басма... Читать дальше...

"Клооп Медиа" коомдук фондунун кызматкерлери парламенттик шайлоодо "Коомар Медиа" уюмунун атынан байкоо жүргүзөт. Бул тууралуу аталган фонддун шайлоолорго байкоо салуу боюнча координатору Айзирек Алмазбекова билдирди. "Биздин юридикалык каттоодон өткөн экинчи уюмубуз бар. Ал "Коомар Медиа" деп аталат. Себеби, Кыргызстандын мыйзамдарына ылайык, шайлоо тилкесине бир уюмдан бир гана байкоочу көз сала алат. Кызматкерлерибиздин коопсуздугуна байланыштуу буга чейинки шайлоолордо да биз эки уюмдун атынан байкоочуларды жөнөткөнбүз", - деди ал. Читать дальше...