Новости за 29.11.2021

Нуржан Шайлдабекова шайлоого нааразы болуп митингге чыккан партиялардын өкүлдөрүнөн кечирим сурады. Алдын ала чыккан маалыматтар боюнча Жогорку Кеңешке 6-чакырылыштын 19 депутаты кайра шайланмакчы. Коронавирустун "Омикрон" деген жаңы түрү тездик менен жайылып баратат. Андан чочулаган айрым мамлекеттер чек арасын жапты.

28-ноябрда өткөн парламенттик шайлоого шаар тургундары кандай баа беришет? Шайлоо адилеттүү өттүбү? Бишкектиктер ой бөлүштү.

“Бийлик сырлары” берүүбүздүн бул жолку коногу Кыргызстандын мурдагы өзгөчө кырдаалдар министри Мамбетжунус Абылов болду.

Бишкектеги Гапар Айтиев атындагы көркөм сүрөт музейинде журналист Гулиза Урустамбек кызынын "Кыргызстандын элинин тынчсыздануусу жана үмүтү” аталышындагы сүрөт көргөзмөсү ачылды. Анын эмгектеринде ар кайсыл кесиптеги каармандардын бир күндүк турмушу чагылдырылат. Автор катаал шартка карабай, өз ишин сүйүп иштеген түрдүү кесип ээлеринин турмушун көргөзүп бергиси келген. Анын эмгектеринен күндүн ысык-суугуна карабай суу кечип алтын чайкаган адамдар, чек араны кайтарган аскерлер, тандыр жасаган... Читать дальше...

Коронавирустун "Омикрон" деп аталган жаңы түрү тездик менен жайылып жатканына байланыштуу Израил чек араларын толук жапты. АКШ, Британия баштаган бир катар мамлекеттер Африканын сегиз өлкөсү менен аба каттамдарын чектеди. Илимпоздордун айтымында, коронавирустун бул түрү канчалык кооптуу экенин жана ал азыркы вакциналарга канчалык туруштук бере аларын аныктоо үчүн эки апта зарыл. 28-ноябрда жарыяланган Дүйнөлүк саламаттык сактоо уюмунун баяндамасына ылайык, коронавирустун "Омикрон" деген түрүнүн жайылуу ыктымалдыгы жогору. Читать дальше...

Алматыда Кытай консулдугунун алдына чыккан алты кишини полиция кармап кетти. Шинжаңдагы жакындарын абактардан жана “кайра тарбиялоо лагерлеринен” бошотууну, Казакстанга келүүгө уруксат берүүнү талап кылган акциялар февралдан бери жүрүп жатат. Кармоо учуру тартылган видеону “Фейсбукка” жарыялаган активист Байболат Кунболатулун да кармап кетти. Кармалгандардын бири полиция алардын чөнтөк телефондорун тартып алышканын айтты. Акция катышуучулары “тынч жыйындарды өткөрүнүн тартибин бузган” деген негизде... Читать дальше...

Борбордук шайлоо комиссиясы (БШК) парламенттик шайлоодо берилген добуштарды кол менен санап жатат. БШКнын “ГАС-Шайлоо” автоматтык системасынындагы маалыматка караганда саат 15:30гө карата 364 добушканадан протоколдор келип түшкөн, бул жалпы протоколдордун 14,60% түзөт. Бирдиктүү шайлоо округу боюнча саат 15:00гө карата алдын ала алынган жыйынтыктар боюнча 2 494 автоматтык эсептөөчү урнанын 2 434үнөн маалымат алынды, бул 97,59% түзөт. БШКнын маалыматына караганда, добуш берүүгө укуктуу 3,7 миллиондон... Читать дальше...

Боршайкомдун төрайымы Нуржан Шайлдабекова БШКнын расмий сайтына чыккан техникалык ката үчүн кечирип сурап, бирок автоматтык эсептөө системасы так иштегенин билдирди. Ал БШКга нааразылык билдирип келгендердин алдында сүйлөп жатып, бул боюнча анык маалыматтар берилерин айтты. "Эң биринчи расмий сайтка чыккан таблицанын катасы үчүн кечирим сурайм. Бирок автоматтык эсептөө системасы так иштейт, мен буга кепилдик берем. Азыркы учурда биздин система так иштеп жатат. Ошол эле кезде бул маалыматтар юридикалык күчкө ээ эмес... Читать дальше...

"Академ Эксперт" деп аталган көз карандысыз соттук экспертиза борбору Кыргыз мамлекеттик юридикалык университетинин (КМЮУ) алдындагы Ганс Гросс атындагы криминалисттик комплексинде түзүлдү. Борбордун түптөлүшүнө ПРООН каржылык колдоо көрсөттү. Маалыматка ылайык, “Академ Эксперт” окуу жайда студенттерге жана мугалимдерге кесипкөйлүгүн жогорулатуудан тышкары түрдүү иштерде соттук экспертиза кызматын да көрсөтөт. “Көз карандысыз соттук экспертиза келечекте өнүгөт, заманбап жабдуулар менен толукталат... Читать дальше...

Кыргызстандын аймагында 30-ноябрда жаан-чачын болбойт. Шамалдын багыты өзгөрүлүп турат. Абанын температурасы: Чүй облусунда түнкүсүн -1...-6, күндүз 2…7; Талас жергесинде түнкүсүн -3...-8, күндүз 6…11; Баткен, Ош, Жалал-Абад дубандарында ​түнкүсүн -3…+2, күндүз 10…15; Ысык-Көл облусунда түнкүсүн -3…-8, күндүз 2…7; Нарын облусунда түнкүсүн -14…-19, күндүз -2…+3; Бийик тоолордо түнкүсүн -19…-24, күндүз -5…-10; Бишкекте жаан-чачын жаабайт. Абанын температурасы түнкүсүн -3…-5, күндүз 7…9 градус.

Ички иштер министрлигинин басма сөз кызматы жекшембидеги шайлоодо 126 мыйзам бузуу фактысы катталганын кабарлады. Маалыматка караганда, арыздардын көбү добуш берүү тартибин бузууга байланыштуу (38) түшкөн. Мындан сырткары ички иштер органдарына 36 кайрылуу үгүткө, добуш сатып алууга байланыштуу 21, шайлоочуларды ташып келүүгө байланыштуу 19 арыз-даттануу келген. Добуштарды сатып алуу боюнча эки факты Чүй облусунда катталып, учурда тергелип жатат. Мындан сырткары жоруктар, административдик ресурс... Читать дальше...

28-ноябрда Тажикстандын Хорог шаарында 4 күндөн бери уланып жаткан нааразылык акциясы токтоп, чогулгандар тарады. Маалыматты Тоолуу Бадахшан автоном облусунун жергиликтүү бийлиги жана активисттер бышыктады.  Коомдук тартип тажик бийлиги менен жарандык коом өкүлдөрүнүн сүйлөшүүлөрүнөн кийин калыбына келтирилди. Мекеме аралык штаб Хорогдо ушу тапта коомдук транспорт, соода түйүндөрү, калкты тейлөө борборлору иштеп жатканын кабарлады. Бир күн мурун шаар тургундары аскердик блокпосттордун көбү алынганын айтышкан. Читать дальше...

Борбордук шайлоо комиссиясынын алдында 28-ноябрдагы парламенттик шайлооонун жыйынтыгына нааразы партиялардын өкүлдөрү акцияга чыкты. 29-ноябрга караган түнү Бишкекте “Ата Мекен”, Социал-Демократтар, “Азаттык” жана “Улуттар Биримдиги” партияларынын өкүлдөрү чукул маалымат жыйын өткөрүп, күндүз БШКнын алдында нааразычылык акциясына чыгарын билдирген. Чогулгандар парламенттик шайлоонун жыйынтыгын жокко чыгарып, эмне себептен БШКнын сервери 40 мүнөт иштебей турганы боюнча атайын иликтөө жүргүзүүнү талап кылышууда. Читать дальше...

Оштогу бир мандаттуу №8 Төлөйкөн шайлоо округунан шайлоого катышкан Шайлообек Атазов добуш берүүнүн жыйынтыгына нааразылыгын билдирүүдө. Атазов округдагы добуш берүүнүн жыйынтыгы боюнча сотко кайрыларын "Фейсбуктагы" баракчасына жазды. "Ош Төлөйкөн №8 бир мандаттуу шайлоо округу боюнча шайлоо одоно мыйзам бузуулар, ыплас технологиялар менен өттү. Бул боюнча бизде тиешелүү видео, аудио фактылар бар. Элибиздин аруу тилектерин тебелешти. Мага добуш берген 17 миңге чукул карапайым элимдин ар бир добушу үчүн күрөшөм", - деди ал. Читать дальше...

Иран менен дүйнөлүк алты державанын өкүлдөрү Тегерандын өзөктүк программасы боюнча келишимди жандандыруу жолдорун талкуулоо үчүн Венада чогулганы жатышат. Ирандын тышкы иштер министринин орун басары Али Багери 28-ноябрда Кытай, Орусия делегациялары жана Еврошаркеттин чабарманы Энрике Мора менен жолугушту. Багери жергиликтүү маалымат каражаттарына билдиргендей, тараптар сүйлөшүүлөрдүн мөөнөтүн жана алкагын аныкташат. Орусиянын Улуттар Уюмунун Венадагы өкүлчүлүгүндөгү элчиси Михаил Ульянов расмий... Читать дальше...

Борбордук шайлоо комиссиясынын шайлоо жыйынтыгы тууралуу маалымат жыйыны түштөн кийинкиге жылдырылды. Буга чейин Министрлер кабинетинин төрагасынын орун басары Эдил Байсалов Боршайкомдун төрайымы Нуржан Шайлдабекова саат 11:00дө басма сөз жыйынын өткөрөрүн "Твиттердеги" баракчасына жазган. БШК маалымат жыйыны саат 12:00гө белгиленгенин билдирген. Бирок убактысы дагы өзгөргөнү белгилүү болду. БШКнын басма сөз кызматы маалымат жыйыны качан өтөрү азырынча белгисиз экенин, кошумча маалымат бериле турганын билдирди. Читать дальше...

Кыргызстанда парламенттик шайлоо жыйынтыкталды. БШКнын автоматташтырылган электрондук үкөктөрдөгү жыйынтык боюнча алгачкы маалыматындагы өзгөрүүлөр кызуу талкууга түшүп, суроолорду жаратты. Шайлоонун жыйынтыгы боюнча алгачкы маалымат эмнени көрсөттү? Күмөн саноого негиз болгон өзгөрүүлөргө эмне себеп болду? Бул суроолор «Эксперттер талдайт» көрсөтүүсүндө талкууланды. Талкууга Министрлер кабинетинин төрагасынын орун басары Эдил Байсалов, «Ата Мекен» партиясынан талапкер Клара Сооронкулова, «Азаттык» партиясынан талапкер Бактыбек Калмаматов... Читать дальше...

Бир мандаттуу №20 Манас шайлоо округунан депутаттыкка талапкерлигин койгон Мирлан Назарбеков шайлоонун алдын ала жыйынтыгын тааныбай турганын билдирди. Назарбеков шайлоо жапырт добуш сатып алуу, одоно мыйзам бузуу менен өткөнүн айтууда. "Бардык жерде жапырт добуш сатып алуу болду. Бардык далилдер бар. Экинчи себеп, аймактык шайлоо комиссияларынан жыйынтыктар келбей жатат. Биздин байкоочулар кол менен саноого катышпай калган. Биз добуштарды кайра санап чыгуу талабын коебуз". Борбордук шайлоо комиссиясынын... Читать дальше...

Улуттук коопсуздук боюнча мамлекеттик комитет (УКМК) 100% акциясы мамлекетке тиешелүү болгон "Айыл Банк" ачык акционердик коомунун ишмердүүлүгүндөгү коррупциялык көрүнүштөрдү текшерди. Бул тууралуу аталган мекеменин басма сөз кызматы кабарлады. Расмий маалыматка ылайык, текшерүүнүн жыйынтыгында "Айыл Банк" тарабынан айрым компанияларга өтүмсүз мүлктү күрөөгө коюп, ири өлчөмдөгү кредиттерди мыйзамсыз жана туура эмес бөлүп берүү фактылары тастыкталган.  Фактылар боюнча Кылмыш-жаза кодексинин 319-беренесинин... Читать дальше...

"Ордо" партиясынын лидери Мирбек Мияров 28-ноябрдан бери дайынсыз болууда. Бул тууралуу анын жакын тууганы билдирди. “Кечээ түштө № 44 мектепке добуш берүү үчүн кеткен экен. Ошол бойдон байланышка чыккан эмес, телефону өчүк. Аялы дагы каякта экенин билбей жатат”, - деди Мияровдун жакын тууганы Мирлан Мамытов. Мамытовдун айтымында, саясатчыны Улуттук коопсуздук комитети (УКМК) кармап кетиши мүмкүн.  Улуттук коопсуздук комитетинин басма сөз кызматы бул тууралуу маалыматты тактап жатышканын билдирди. Читать дальше...

Ислам кызматташтык уюмунун байкоочулар миссиясынын башчысы Адамо Бабакар 29-ноябрдагы маалымат жыйынында Кыргызстандагы парламенттик шайлоо таза өтүп, ага жарандар активдүү катышты деген пикирин билдирди.  "Шайлоо процесси бардык мыйзамдарга жана эл аралык нормаларды эске алуу менен өткөрүлдү. Шайлоо участоктору добуш берүүнүн заманбап техникалары менен жабдылган. Шайлоого аялдар да активдүү катышты, мындан ары да ушундай активдүүлүгүнөн жазбаса дегим келет. Бул шайлоолордун жыйынтыгы ийгиликтүү болду". Читать дальше...

Нарын шаарынын мэри болуп Жаныш Курбанов дайындалды. Тиешелүү буйрукка президент Садыр Жапаров кол койгонун президенттин басма сөз кызматы кабарлады. Нарын шаарынын мурдагы мэри Самарбек Болотбеков сентябрь айында өз арызы менен кызматтан кеткен. Ал “Жогорку Кеңештин мурдагы депутаты Руслан Чойбеков 2020-жылдагы парламенттик шайлоодо 300 миң доллар алган” деп тергелип жаткан иштин алкагында 18-сентябрда шектүү катары камакка алынып, кийин Башкы прокуратуранын өтүнүчү менен тышка чыкпоо жөнүндөгү тилкаттын негизинде камактан бошотулган. Читать дальше...

Борбордук шайлоо комиссиясынын (БШК) добуштарды санаган автоматташтырылган системасында мүчүлүштүк болгон эмес. Бул тууралуу бүгүн, 29-ноябрда Министрлер кабинетинин төрагасынын орун басары Эдил Байсалов өзүнүн "Твиттердеги" баракчасына жазды. "Эртең менен Президенттик администрация кечээ, шайлоонун жыйынтыгын чыгарган учурда эмне болгонун иликтеди. БШКнын автоматтык системасынында эч кандай мүчүлүштүктөр болгон эмес. Бул жерде жарыялоо таблицасында ката бар. Бул баракчадагы формула туура эмес болгон", - деген Байсалов. Читать дальше...

Кыргызстанда 28-ноябрда өткөн парламенттик шайлоого эл аралык байкоочулар өз баасын бере баштады. КМШнын Аткаруу комитетинин төрагасы, аткаруучу катчы Сергей Лебедев шайлоо Кыргызстандын мыйзамдарына ылайык өткөнүн белгиледи. Ал Борбордук шайлоо комиссиясынын добуштардын алда ала жыйынтыгын көрсөткөн сервериндеги мүчүлүштүктөргө токтолуп, добуштарды ачык-айкын эсептөөгө мүмкүнчүлүк түзүлөөрүнө ишеним билдирди.  "КМШнын байкоочулар миссиясынын техникалык мүчүлүштүктөрдү көзөмөлдөө мумкүнчүлүгү жок... Читать дальше...