Новости за 20.04.2018

Новиот американски советник за национална безбедност Џон Болтон на состанокот со рускиот амбасадор во САД Анатолиј Антонов порачал дека Москва мора да преземе нешто во врска со мешањето во изборите, нападот со нервен гас во Британија и ситуацијата во Украина и Сирија како услови за подобрување на односите меѓу двете земји. 69 годишниот Болтон кој порано беше амбасадор на САД во Обединетите нации се залагаше за предупредувачки напади врз Северна Кореја и за војна против Иран.

Претседателот на Турција Реџеп Таип Ердоган на средбата со претседателот на Собранието на Република Македонија Талат Џафери во Анкара ја изрази турската поддршка за интеграцијата на Македонија во НАТО. На средбата, како што јави МИА, Ердоган потенцира дека Турција беше една од првите држави што ја призна Македонија под нејзиното уставно име и оти таа прва отвори амбасада и назначи амбасадор во земјата. Турскиот претседател се осврна врз потребата за интензивирање на економската соработка, реафирмирајќи... Читать дальше...

Во Македонија ќе биде сончево со мала до умерена облачност и со умерен до засилен северен ветер. Попладне во источните делови ќе има краткотраен локален дожд и ретки грмежи. Дневната температура ќе се движи од 15 до 26 степени. Во Скопје и околината слично време со температура до 23 степени.