Новости за 30.04.2018

Во две експлозии во Кабул во близина на седиштето на разузнавачката служба загинаа најмалку 25 лица, меѓу кои и двајца новинари на Радио Слободна Европа, Абдулах Хананзаи и Мохарам Дурани, како и уште 5 медиумски работници. Во нападите повредени биле и 45 лица, меѓу кои и уште еден новинар на Радио Слободна Европа, Сабвун Какар. Според авганистанските власти, бомбаш самоубиец го активирал експлозивот додека се возел на моторцикл во близина на разузнавачката служба. Вториот напад се случил 20 минути потоа... Читать дальше...

Ерменскиот опозициски лидер Никол Пашинијан кој ги предводеше протести во земјата официјално е номиниран од неговата Јелк алијанса за премиер на земјата, еден ден пред гласањето во Парламентот за новиот шеф на Владата по оставката на Серж Саркисјан од функцијата. Пашинијан кој ја обезбеди поддршката на сите опозициски партии едногласно беше номиниран од Јелк. Неговата номинација доаѓа по протестите на неколку илјади луѓе на кои беше побарано владејачката Републиканска партија да ја предаде власта на Пашинијан и да го избере него за премиер.

Тројца палестинци биле убиени синоќа од израелски војници во два инцидента на границата меѓу Појасот Газа и Израел. Со тоа бројот на палестинците убиени од 30 март, кога почнаа нивните масовни протести по должината на границата се зголеми на 48. Протестите се против израелската блокада и за правото за враќање на палестинските бегалци на сегашната територија на Израел. Палестинците протестираат секој петок. Израелската војска е обвинета дека користела прекумерна сила.

Проектот за регионална депонија во општина Дебарца е со цел изградба на безбедна регионална депонија според европски стандарди, која нема да ја загрозува животната средина, велат од Министерството за животна средина, во услови кога жителите на Дебарца и општината се против ваквото решение.

Патријархот Кирил, поглаварот на Руската православна црква, отслужи богослужба во Тирана за време на неговата прва посета во главно муслиманската Албанија. „Ние православните христијани кои живееме во разни земји, ги делиме истите вредности и мора да ги следиме“, изјави тој пред стотици верници во православната црква во Тирана. Од околу 3 милиони албанци, според последниот попис, околу 7 насто се православни христијани. Патријархот Кирил денеска треба да се сретне со албанскиот претседател Илир Мета и со премиерот Еди Рама.

Курдските сили, поддржани од САД, соопштија дека повторно освоиле серија села неколку часа откако сириските сили ги заземале во регионот источно од реката Еуфрат, во близина на границата со Ирак. Вчера Сириските демократски сили, предводени од курдската милиција соопштија дека успешно спровеле контранапад против сириските трупи за кои тврдат дека биле поддржани од руските сили. Во изјавата не се наведува дали силите на американската коалиција учествувале во операцијата во областа во која има голем дел од резервите на нафта и гас во Сирија.

„За нуклеарниот договор меѓу Иран и шестте големи сили кој беше постигнат во 2015 година не може да се преговара на никаков начин“, изјави претседателот на Иран Хасан Рохани во телефонски разговор со претседателот на Франција Емануел Макрон. Рохани додаде дека Иран нема да прифати ниедно друго ограничување што е надвор од обврските во спогодбата. Американскиот претседател Доналд Трамп кој е жесток противник на овој договор рече дека на 12 мај ќе донесе одлука за останување или заминување на САД од договорот.

Црвените цветови ги нема, а полето на Мохамад Надир сега е зелено море на афион со вискозен сок, кој, кога се суши, станува опиум и се обработува за хероин и лекови. Статистиките покажуваат дека опиумот носи околу 1,39 милијарди долари годишно, што е околу 7 насто од бруто домашниот производ на Авганистан.

„Успеавме да добиеме досега најуспешен извештај од Европската комисија и ќе сториме се што можеме во јуни да го преточиме во политичка одлука“, изјави синоќа шефот на македонската дипломатија Никола Димитров на свеченото одбележување на Денот на Министерството за надворешни работи. Министерот оцени дека Македонија сега е модерна, стабилна и европска демократија која секогаш го бира патот на мирот и дијалогот. Предизвиците остануваат, рече Димитров, и потсети дека на 27 април беше одбележана една година од нападите во Собранието кога... Читать дальше...

Во Македонија ќе биде сончево и топло со умерена облачност. Попладне со локален пороен дожд и грмежи. Повеќе услови за нестабилност ќе има во западните и североисточните длови. Максималната темпертура ќе се движи од 23 до 29 степени. Во Скопје и околината слично време со температура до 29 степени.