Новости за 09.10.2018

Во Кривичниот суд во Скопје денеска треба да продолжи судењето за настаните во Собранието на Република Македонија на 27 април минатата година. На минатото рочиште беа сослушани четворица сведоци, кои ги објаснија нивните дејствија за време на протестите пред Собранието, како и на критичниот 27 април минатата година. За случувањата во Собранието на 27 април 2017 година обвинети се вкупно 33 лица од кои 31 лице за терористичко загрозување на уставниот поредок на државата и двајца за поттикнување. Меѓу обвинетите се повеќе пратеници... Читать дальше...

Во Бугарија расте притисокот врз властите да ги откријат сторителите на убиството на новинарката Викторија Маринова. Телото на 30 годишната новинарка која беше водителка на програмата „Детектор“ за малата приватна ТВН телевизија во Русе, беше пронајдено во саботата. Нејзиното брутално убиство предизвика меѓународна осуда.

Сириските бунтовници го завршиле повлекувањето на своето тешко оружје од линијата на фронтот во северозападна сириска провинција Идлиб, објави турската новинска агенција Анадолија, цитирајќи сириски опозициски и турски официјални лица. Агенцијата не даде дополнителни детали за тоа повлекување, што е дел од руско-турскиот договор за демилитаризација на линиите на фронтот меѓу сириските владини сили и опозицијата во Идлиб кое е последното бунтовничко упориште во Сирија.

Вториот осомничен во обидот за труење на поранешниот руски шпион Сергеј Скрипал и неговата ќерка во март во Салсбери во Англија бил доктор на руската военаразузнавачката служба ГРУ, соопшти истражувачката веб страница Белингкат, наведувајќи: „Го идентификувавме Александар Петров како Александар Евгениевич Мишкин, воен лекар вработен од ГРУ“. Притоа се додава дека утврдувањето на идентитетот се потпира врз повеќе извори, вклучувајќи сведочењето на луѓе кои го познаваат, копии од лични документи, како пасоши и други датотеки. Читать дальше...

Меѓународни експерти сметаат дека Кремљ ќе го засили интересот за Македонија по референдумот за името, додека од Москва доаѓаат најави за нова тактика - Скопје да биде вовлечено во триаголникот на Русија, Турција и Кина.

Стејт департментот изрази загриженост поради изборниот процес во Босна и Херцеговина. Во соопштението се наведува дека постои загриженост, што ја изразија и мисијата на ОБСЕ, меѓународните посматрачи и локалните невлади ни организации, поради избирачките списоци, непристрасноста на изборните посматрачи, рамноправниот пристап на медиумите и злоупотребата на јавните ресурси. САД им изразија признание на граѓаните на БиХ поради учеството во изборите, наведувајќи дека остануваат посветени на стабилноста на БиХ.

Во Македонија ќе биде сончево, во западните делови со мала до умерена облачност. Ќе дува слаб до умерен северoисточен ветер. Максималната температура ќе се движи од 18 до 27 степени. Во Скопје и околината слично време со температура до 25 степени.