ارګ وايي، د انتخاباتي کمېسيونونو خپلواکۍ ته پوره درناوى لري
جمهوري رياست نن يکشنبه د ولسي جرګې انتخاباتو له نهايي لېست څخه د ځينو احتمالي کانديدانو د نومونو تر ليرې کېدو وروسته په يوه اعلاميه کې دا خبره کړې ده.
د انتخاباتي شکايتونو کمېسيون٣۵ کسان له نهايي لېست څخه لېرې کړي او ۴۵ کسانو ته يې خبردارى ورکړى دى.
په دغو ليرې کړل شويو کسانو کې ١٢ کسان د ولسي جرګې برحاله وکيلان دي.
ويل شوي دغه کسان له وسله والو ډلو سره د اړيکو د ادعاوو له کبله له نهايي لېست څخه لیرې کړاى شوي دي.
جمهوري رياست په اعلاميه کې ويلي، د ملي يووالي حکومت تل شفافو، عادلانه او پر وخت انتخاباتو ترسره کېدو ته ژمن دى.
په پام کې ده د ولسي جرګې انتخابات د تلې يا مېزان پر ٢٨مه وشي