په نړیواله درجه بندۍ کې راشد خان بیا په لومړی درجه راغلی
![په نړیواله درجه بندۍ کې راشد خان بیا په لومړی درجه راغلی](https://gdb.rferl.org/8BA3AB9D-0299-4624-A6DF-175AD1771EE8_cx0_cy2_cw62_w800_h450.jpg)
د شل اوورېزو کرکټ سیالیو په نړیواله درجه بندۍ کې افغان لوبغاړی راشد خان یو ځل بیا په لومړی درجه راغلی دی.
دا درجه بندي چې د ایرلېنډ خلاف د افغانستان له بریاوو وروسته د کرکټ د نړیوالې شورا یا «ICC» له خوا اعلان شوي په کې د لوبډلو په کچه پاکستان لومړی، هندوستان دوهم او استرالیا درېیم ځای لري.
افغانستان بیا د سرېلانکا او بنګله دېش څخه مخکې په اتم نمبر راغلی.
د توپ وهنې په برخه کې بیا د اسټرالیا اروین فنچ په لومړی او د پاکستان څخه فخر زمان په دوهم نمبر کې راغلي دي.
د افغانستان ځوان اوپنر حضرت الله ځاځی هم په لومړي ځل په دغې درجه بندۍ کې شامل شوی، په داسې حال کې چې شهزاد محمد بیا ۱۳ غوره توپ وهونکي درجه ساتلي ده.