د روسیې دفاع وزیر: روسیه به راتلونکې میاشت لوی پوځي تطبیقات وکړي
د روسیې خبري اژانسونه وایي چې شویګو ویلي چې په دغو تطبیقاتو کې به چې هغه د وستوک ۲۰۱۸ په نوم یاد کړي، تقریباً درې سوه زره پوځیان او له زرو زیاتې الوتکې ګډون وکړي.
دغه پراخ پوځي تمرینونه به د روسیې په مرکزي او ختیځو هغو سیمو کې چې پوځي سیمې بلل کېږي، ترسره شي او د روسیې د پاسفیک او شمال بحري ځواکونه او د دې هېواد ټول هوایي جزوتامونه پکې برخه اخلي.
دغه اعلان په داسې حال کې کېږي چې د روسیې او لوېدیځ اړیکې د سړې جګړې له وخته راهیسې په ۲۰۱۴ میلادي کال د کریمیا د الحاق، د اوکراین په ختیځ او د سوریې په جګړو کې د دې هېواد د مداخلې او هم د امریکا او اروپا په انتخاباتو کې د مسکو د مداخلې د ادعاوو پرسر ترینګلې شوې دي.