د عراق په انبار ولایت کې ځانوژونکي برید ۱۱ کسان ووژل
د عراق په لوېدیځ انبار ولایت کې نن چهارشنبه یوه ځانوژونکي برید چې د موټر پواسطه شوی، لږترلږه ۱۱ کسان ووژل او ۱۶ نور يې ژوبل کړل.
د انبار د والي په وینا، دا برید د امنیتي ځواکونو د تالاشۍ پر پوسته شوی دی .
په وژل شویو او ټپیانو کې امنیتي افراد او ملکي وګړي شامل دي.
تر اوسه کومې ډلې د عراق د نن ورځې د ځانوژونکې چاودنې مسؤلیت پر غاړه نه دی اخيستی.
عراقي ځواکونو په تېره ډسمبر میاشت کې په انبار ولایت کې داعش ډله وځپله، خو له هغې راهیسې داعش په دې ولایت کې ځانمرګي بریدونه او هدفي وژنې کوي.