د کندهار چارواکي: د وسلهوالو د روزنې يو ستر مرکز لهمنځه وړل شوی
![د کندهار چارواکي: د وسلهوالو د روزنې يو ستر مرکز لهمنځه وړل شوی](https://gdb.rferl.org/481FBB3D-E833-45E1-BDB1-F90E3245C254_w800_h450.jpg)
په کندهار کې چارواکي وايي، نړيوالو ځواکونو په کندهار کې د وسلهوالو د روزنې يو ستر مرکز لهمنځه وړی.
پر ياد مرکز هوايي بريدونه وړمه شپه ترسره شوي دي.
نړيوالو ځواکونو د وسلهوالو ياد مرکز د کندهار د سپينبولدک ولسوالۍ د سرو څاهانو په سيمه کې لهمنځه وړی.
د کندهار د والي ویاند عزيز احمد عزيزي وایي چې په هوايي برید کې وسلهوالو ته درنه مرګ ژوبله اوښتې ده.
دی زیاتوي:
"وسلهوالو مخالفانو ته درنه مرګ ژوبله اوښتې. ۱۹ کسانیې وژل شوي دي، او ۱۱ نور یې ټپیان دي."
عزيزي وویل چې وسلهوالو له دغه مرکزه د ځانمرګو بريدګرو د روزنې او نورو ترورېستي فعاليتونو لپاره کار اخیست.
خپله نړيوالو ځواکونو او طالب وسلهوالو تر اوسه پهدې اړه رسنیو ته څه نهدي ویلي.