جاپان له قطر سره د اسیا د فوټبال په پای لوبه کې سره مخ کېږي
دا لوبه به په دُبۍ کې په شیخ زاهد سټډیم کې وشي.
جاپاني ټیم د دوشنبې په ورځ په نیمه پای لوبه کې ایران ته درې د صفر په وړاندې ماته ورکړه.
په بل سیمي فاینل کې قطر کوربه هېواد متحد عربي امارات څلور د صفر په مقابل کې مات کړ او فاینل ته ووت.
د اسیا د فوټبال جام لوبې له ۱۹۵۶ څخه پیل شوې دي او هر څلور کاله وروسته کېږي، قطر تر اوسه دا جام نهدی خپل کړی او جاپان څلور ځله د اسیا د فوټبال لوبو اتل شوی دی.