د امریکا چارواکي: د اوکراین دفاعي برخې باید پیاوړې شي
جنرال کورټېس سکاپاروتي د سې شنبې په ورځ دا خبره د امریکا د سنا مجلس د پوځي خدماتو کمېټې ته کړې ده.
هغه زیاته کړه چې د اوکراین دفاعي برخې هم د دې هېواد په ختیځ او هم په تور سمندرګي کې باید پیاوړې شي.
جنرال سکاپاروتي وایي، د امریکا متحده ایالاتو وار له مخه د ټانګ ضد توغندي پر اوکراین پلورلي دي.
هغه همداراز سناتورانو ته سپارښتنه وکړه چې واشنګټن کولای شي چې نور پوځي تجهیزات لکه سنایپر او مهمات د اوکرایني ځواکونو د پیاوړتیا لپاره برابر کړي.