افغان ولسمشر په کونړ کې ۲ پروژې پرانیستې او د څو نورو چارې پیل کړې
افغان ولسمشر اشرف غني نن په کونړ ولایت کې دوه پروژې پرانیستې او د څو نورو پروژو چارې یې رسماً پیل کړې.
ولسمشر غني نن سهار د کونړ ولایت د عامې روغتیا د ریاست ودانۍ او هم په سید جمالالدین افغان پوهنتون کې د نجونو لیلیه پرانیستله او د شپږو نورو پروژو د بنسټ ډبرې یې کېښودې چې تر ټولو مهمه پروژهیې د ۲۰۰ بستریز روغتون جوړول دي.
د دې پروژو ټولهییز لګښت ۷۷۷ میلیونه افغانۍ اټکل شوي دي.
ولسمشر دغهراز نن د کونړ د ښځو له استازو، مشرانو، عالمانو، د مدني ټولنو فعالانو او نورو ځایې چارواکو سره ولیدل.