باچله: له چینه به د ایغوریانو په اړه د څېړنې اجازه ترلاسم کړم
![باچله: له چینه به د ایغوریانو په اړه د څېړنې اجازه ترلاسم کړم](https://gdb.rferl.org/4AF40B4E-7248-4329-91CC-2EBF84C88EBC_w800_h450.jpg)
د ملګرو ملتونو د بشري حقونو د شورا مسوول میچل باچله وایي، په پام کې لري له چین څخه اجازه تر لاسه کړي، څو په شینجن کې د اویغور توکمو سیمې په ګډون په دې هېواد کې د ډلهییزو نیولو د خبرونو په اړه څېړنې وکړي.
څه باندې یو میلیون کسان چې ډېری یې مسلمانان دي د چین په هغو ځایونو کې ساتل کېږي چې د چین حکومت یې تعلیمي او تربیوي مرکزونه بولي، خو فعالان وایي دا د ډلهییزو توقیفونو مرکزونه دي.
باچله چې نن یې په ژنیو کې د ملګرو ملتونو د بشري حقونو شورا ته خپل کلنی راپور وړاندې کړ، وویل چې په شینجن کې ارامي او پرمختیا هغه مهال راتلای شي چې د چین چارواکي د خلکو حقونو ته درناوی وکړي.