په بادغیس کې په ۱۷۰ جریبه ځمکه باغونه جوړېږي
د کرنې او مالدارۍ وزارت ویاند اکبر رستمي نن ازادي ارډيو ته وویل چې د باغدارۍ او مالدارۍ د ملي پروژې په مرسته به په دغو باغونو کې مېوه لرونکې ونې وکرل شي.
نوموړي وویل، بڼوالو ته په دې هدف مېوه لرونکي نیالګي هم وېشل شوي دي.
د کرنې او مالدارۍ وزارت د معلوماتو په اساس، د بادغیس اقتصاد تر ډېره پر کرنیزو محصولاتو ولاړ دی او په دې سره به د خلکو په اقتصادي وضعیت کې ښهوالی راشي.