د نایجیريا په لاګوس ښار کې د یوه ښوونځي ودانۍ نړېدلې
د نایجیريا په لوی تجارتي ښار لاګوس کې د یوه ابتدائیه ښوونځي ودانۍ نړېدلې ده.
وېره ده چې ډېر ماشومان زده کونکي به تر خاورو لاندې شوي وي.
ښوونځی په داسې وخت کې نړېدلی چې ماشومان په صنفونو کې په زده کړه لګیا وو.
د تلفاتو په اړه هېڅ نه دي ویل شوي.
ویل کېږي چې د ژغورنې عملیات پیل شوي دي.
په ۲۰۱۶ میلادي کال کې په هغه هېواد کې د یوې کلیسا چت را ولوېد او ۱۰۰ تنه یې مړه کړل.