پاکستان او هند، هندي سیکانو ته د بې وېزې پر تګ راتګ غږیږي
![پاکستان او هند، هندي سیکانو ته د بې وېزې پر تګ راتګ غږیږي](https://gdb.rferl.org/345EDC64-1556-4707-97F6-C699A9AD482D_w800_h450.jpg)
د پاکستان او هند چارواکي هغو هندي سیکانو ته د بې وېزې تګ راتګ لپاره د پولي پر پرانېستلو خبرې کوي چې غواړي په پاکستان کې د سیکانو مذهبي ځایونو ته لاړ شي.
د هند د بهرنیو چارو وزارت ویاند راویش کومار وویل، د دواړو خواوو ترمنځ د اتاري په سرحدي ښارګي کې خبرې وروسته له دې پیل شوي چې پاکستانی پلاوی نن د هند خوا ته واوښت.
د پاکستان د بهرنیو چارو وزارت ویاند محمد فیصل چې د پاکستاني پلاوي مشري کوي، خبریالانو ته وویل چې د دوو هېوادونو ترمنځ د پولي پرانېستلو هدف په دوستۍ د دښمنۍ بدلول دي.