امریکا: په څو اوونیو کې به د عوامو لپاره د مولر راپور خپور شي
د امریکا د عدلیې وزارت مشرتابه ویلي چې په څو اوونیو کې به د ځانګړي مفتش رابرټ مولر د څېړنې هغه راپور چې د عوامو لپاره برابر شوی، خپور کړي.
رابرټ مولر په دې اړه چې ایا روسیې په ۲۰۱۶ میلادي کال کې د امریکا د جمهوري ریاست په ټاکنو کې مداخله کړې او ایا روسیې د دې لپاره د ټرمپ د انتخاباتي کمپاین سره جوړجاړی کړی و، تحقیق کاوه.
مولر په دې اړه په راپور کې دا خلاصه کړې چې د جمهور رئیس ډونالد ټرمپ انتخاباتي کمپاین په ۲۰۱۶ میلادي کال کې له روسیې سره جوړجاړی نهدی کړی.
د امریکا لوی څارنوال ویلیم بار رابرټ مولر د تحقیقاتو یوه خلاصه چې په څلورو پاڼو کې برابره شوې، د مارچ په ۲۴مه نېټه کانګرس ته سپارلې ده.
خو د امریکا لوی څارنوال ویلي، په دې اړه چې د مولر د راپور څومره برخه د امریکا له ولس سره شریکه کړي، لا پرېکړې ته نهدی رسېدلی او د دې لپاره وخت ته اړتیا لري.