Новости за 30.09.2018

په کوزوو کې خلکو له صربیا سره د ځمکې د تبادلې د امکان پرضد لاریون وکړ. اعتراض کونکي پرون شنبې د سېپټمبر ۲۹مه د کوزوو د پلازمېنې، پریشتینا سړکونو ته راوتلي وو. هغوی "په ملي خاوره چنې مه وهئ" شعارونه ورکول. د کوزوو ولسمشر هاشم تاچي په وروستیو کې د سرحدونو د اصلاح په نوم یوه طرح جوړه کړې ده. د دې طرحې پر اساس به د صربیا په جنوب کې د پریسیوو په نوم دره چې اکثر خلک یې البانیايي توکمي دي، د کوزوو د خاورې برخه شي. خو د جرمني حکومت او زیات سیاسي څارونکي دا طرحه سمه نه ګڼي او وايي چې دا کار په ټوله سیمه کې بیا د توکمیزې تفرقې اور بلولای شي. Читать дальше...

د مقدونیه خلک نن یکشنبه د سېپټمبر ۳۰مه، د خپل هېواد د نوم د بدلولو په اړه په ټول‌پوښتنه کې ګډون کوي. په ټول‌پوښتنه کې ګډونوال باید پرېکړه وکړي چې د دې هېواد نوم د شمالي مقدونیه جمهوریت ته بدل شي که نه؟ که رأی ورکوونکي دې پلان ته مثبت ځواب ورکړي، په اروپايي اتحادیه او ناټو کې د دې هېواد غړیتوب ته به لار پرانېستل شي. خو په مقدونیه کې د قانون له مخې باید په ټول‌پوښتنه کې د ګډون کوونکو شمېر تر ۵۰ فیصده زیات وي. مخکې له مخکې نظر پوښتنو څرګنده کړي چې په مقدونیه کې ۷۰ فیصده خلک د خپل هېواد د نوم د بدلېدو ملاتړ کوي. Читать дальше...

د هند يو وګړي له ټولې نړۍ سيکي او کرنسي راغونډوي. د اياز پيټېل کيسه د ملحيه اميرزاده په ويډيو کې وګورئ.

شمالي کوریا وايي، پر امریکا د باور تر پېدا کولو پورې به د خپلو اټمي وسلو پروګرام فعال وساتي. د شمالي کوریا د بهرنیو چارو وزیر ری یونګ-هو پرون شنبه د سېپټمبر ۲۹مه، په نیویارک کې د ملګرو ملتونو عمومي اسامبلۍ ته دا خبره وکړه. ری یونګ-هو وویل:  "کله چې د امریکا او شمالي کوریا ګډه اعلامیه عملي شي، د دواړو هېوادونو د اړیکو د ښه کولو لپاره هڅې به په سوله بدلې شي او په بشپړ ډول د کوریاګانو د اټمي خلع سلاح هدف ته به هم ورسېږو او د کوریا ټاپو وزمه به چې په نړۍ کې تر ټولو زیات حرارت لري، د سولې او ثبات... Читать дальше...