Новости за 19.10.2021

ډېلي مېل ډېلي مېل ورځپاڼې په افغانستان کې له طالبانو څخه د ملالې یوسفزۍ د هغې غوښتنې په اړه د فرانسې خبري اژانس هغه لیکنه خپره کړې چې ویلي یې دي نجونې باید ښوونځیو ته لاړې شي.  په دې مقاله کې راغلي د نوبل جایزې ګټونکې ملاله یوسفزۍ چې یو وخت خپله پاکستاني طالبانو ښوونځي ته د تګ پر مهال په ډزو ټپي کړې وه، اوس په افغانستان کې له طالبانو غواړي چې د نجونو پر مخ د ښوونځیو دروازې پرانیزي. ورځپاڼه زیاتوي چې پوره دوه میاشتې وشوې چې طالبان پر افغانستان واکمن دي، خو له هغه راهیسې د بلخ، سمنګان او کندز... Читать дальше...

اروپايي ټولنه په پام کې نه لري چې پنجشنبه په بروکسل کې د ایران د اټمي پروګرام په اړه خبرې وکړي. مخکې ایران ویلي و چې د پنجشنبې لپاره خبرې پلان شوي، خو د اروپايي ټولنې د بهرني سیاست مشر جوزېپ بورېل پرون د اروپايي ټولنې د بهرنیو چارو وزیرانو سره تر غونډې وروسته وویل چې له ایران سره ناسته نه ترسره کېږي. هغه ویلي، ایران ته یې په ډاګه کړې چې ښه ده ژر د خبرو میز ته حاضر شي. له دې مخکې د ایران د بهرنیو چارو وزارت ویاند سعید خطیب زاده ویلي و چې د ایران د اټمي چارو مخکښ مرکچي علي باقري پنجشنبه له اروپايي ټولنې سره د خبرو لپاره بروکسل ته ځي. Читать дальше...

د افغانستان د کرکټ ملي ټيم د شل اووریز نړیوال جام په درشل کې خپله دویمه تمریني لوبه سبا د ویسټ انډیز پر وړاندې ترسره کوي. افغانستان او ویسټ انډیز دواړو خپلې لومړنۍ تمریني لوبې بایللي دي. افغانستان وړمه ورځ اوله تمریني لوبه پر سویلي افریقا باندې د ۴۱ منډو په توپیر وبایلوده. ویسټ انډیز هم پرون لومړنۍ تمریني لوبه کې د ۷ لوبغاړو د سوځېدو په توپیر د پاکستان پر وړاندې ماته ومنله. د ویلو وړ ده چې د تمریني لوبو ګټل او بایلل د نړیوال شل اووریز جام په اصلي لوبو او نمرو هېڅ اغېز نه لري او یوازې مرسته... Читать дальше...

د کام ایر هوايي شرکت سر له سبا د کابل او ابوظبۍ ترمنځ پروازونه بېرته پيلوي. دا خبره په دوبۍ کې د افغانستان لویې قونسلګرۍ په خپله فیسبوک پاڼه کړې ده. قونسلګرۍ ویلي چې له ډېرو هڅو وروسته یې د دغو پروازونو پيل ته زمینه برابره کړه. په دې اړه افغان جنرال قونسل مسعود احمد عزيزي د کام اير هوايي شرکت له ريس تيمورشاه سره ليدلي. د قونسلګرۍ په اعلامیه کې زیاته شوې چې په دې لیدنه کې دواړو لوریو موافقه وکړه، څو په اماراتو کې د ځینو وفات شوېو افغان مسافرو د جنازو انتقال ته لومړیتوب ورکړل شي. قونسلګرۍ... Читать дальше...

ملګرو ملتونو ویلي، هوډ لري چې راتلونکي میاشت په ټول افغانستان کې د پولیو یا د ماشومانو د ګوزڼ واکسیناسیون پيل کړي. په ټول افغانستان کې د پولیو د لوی واکسین پیل ډېره مخینه نه لري، ځکه پخوا به نا امنو سیمو کې د کمپاینونو مخه نیول کېده. د ملګرو ملتونو د ماشومانو وجهي صندوق او د روغتیا نړیوال سازمان پرون په یوه ګډه اعلامیه کې په درېیو کلونو کې به دا لومړی وار وي چې ټولو درې میلیونه او درې لکه ماشومانو ته د پولیو واکسین ولګول شي. دغو دواړو ادارو د طالبانو له ملاتړه هم هرکلی کړی دی. طالبانو ژمنه... Читать дальше...

زلمي خلیلزاد د افغانستان لپاره د امریکا د بهرنیو چارو وزارت د ځانګړي استازي له دندې استعفی ورکړې. بېګا د امریکا د بهرنیو چارو وزیر انتوني بلېنکن دا اعلان وکړ. بلېنکن له خلیلزاده مننه کړې چې د ده په خبره لسیزې یې د امریکا متحده ایالاتونو لپاره نه ستړی کېدونکی خدمت وکړ. بلېنکن دا هم ویلي چې توماس ویسټ به د افغانستان لپاره د ځانګړي استازي دنده مخته وړي. زلمی خلیلزاد په افغانستان کې د امریکا د پوځي ماموریت تر رسمي پای ته رسېدو شااوخوا دوه میاشتې وروسته خپله دنده پرېښې. ښاغلی خلیلزاد ۲۰۱۸... Читать дальше...

تمه ده د مسکو فارمټ په غونډه کې سبا د اکتوبر په شلمه د چین، پاکستان او کوربه روسیې استازي له طالبانو سره خبرې وکړي. له دې مخکې د امریکا د استازي د ګډون خبره هم شوې وه، خو بېګا د امریکا د بهرنیو چارو وزارت ویاند نېډ پرایس خبریالانو ته وویل چې امریکا د مسکو په غونډه کې ګډون نه کوي. پرایس زیاته کړه: "موږ به د مسکو په خبرو کې ګډون ونه کړو. ترویکا + جمع یو موثر او رغنده فوروم دی. موږ په راتلونکي کې له دې فوروم سره د اړیکو د پاللو لېوالتیا لرو خو اوس دې موقعیت کې نه یو چې دا اوونۍ په کې ګډون وکړو.ّ"... Читать дальше...

د پاکستان د واکمن ګوند تحریک انصاف مخالف ګوندونه په ټول هېواد کې د مظاهرو هوډ لري. د اپوزیسیون د ګوندونو ګډ ایتلاف پاکستان ډموکراټيک خوځښت اعلان کړی چې د دوو اوونیو لپاره به مظاهرې روانې وي. د 'پي.ډي.اېم' مشر مولانا فضل الرحمن په دې اړه په یوه غونډه کې وویل: "د راتلونکو دوو اوونیو لپاره په ټول هېواد کې د مظاهرو اعلان کوو. له نولسم تاریخ وروسته سمدستي په ټول هېواد کې له ګوندي دفترونو مظاهرې پيلېږي. په هېواد کې د بیو د لوړېدو یا ګرانۍ، بې روزګارۍ او ستونزو څخه د ژغورنې لپاره باید خلک له کورونو بهر راووځي. Читать дальше...