Новости за 23.10.2021

د سره صلېب نړیواله کمیټه وایي، په یوازې سر نه شي کولی چې د افغانستان په بشري ناورین پسې ورسیږي. د رویټرز اژانس د راپور له مخې د دې کمېټې عمومي رئیس رابرت ماردیني پرون وویل، خلکو ته د اساسي خدماتو د رسولو په برخه کې د نړیوالې ټولنې ملاتړ مهم دی. دا په داسې حال کې ده چې د اروپایي ټولنې له لوري د ۲۸ ټنو یو بار چې درمل په کې دي کابل ته ورسېدل. د کړکېچونو د مخنیوي لپاره د اروپایي ټولنې کمېشنر یینز لینا رچیچ وویل، پر کابل د طالبانو له واکمنېدو وروسته دا د بشري مرستو درېیمه بسته ده چې د هوایي دهلیز له لارې افغانستان ته استول کیږي.

د پاکستان په لاهور ښار کې پرون د اسلامپالو معترضانو لاریون په اخ او ډب واوښت. د پولیسو یوه ویاند رانا عارف وویل چې دوه پولیس افسران د معترضانو له خوا د تیږو په ګوزارونو کې وژل شوي او یو بل ټپي دی. نوموړي زیاته کړه چې دوه تنه لاریونوال هم وژل شوي او څو نور ټپیان دي. تاوتریخوالی هغه مهال پیل شو چې د تحریک لبیک پاکستان زرګونه پلویانو له لاهوره د پلازمېنې اسلام اباد پر لور لاریون کاوه. دوی غواړي چې د دې اوږده لاریون په ترڅ کې اسلام اباد ته ولاړ شي او حکومت اړ کړي چې د تحریک لبیک د غیرقانوني ګوند مشر سعد رضوي خوشې کړي.

روسي او تاجکستاني ځواکونو پرون د افغانستان او تاجکستان ګډ سرحد ته نژدې پوځي تمرینات ترسره کړل. د تاجکستان دفاع وزیر شېرعلي میرزا د دې تطبیقاتو په اړه وویل چې د افغانستان وضعیت دوی داسې تطبیقاتو ته اړ کړي دي، میرزا وویل: "د پراخو تمریناتو پرېکړه په ګاونډي افغانستان کې د ژور بدلون له کبله وشوه، هلته د نړیوال ائتلاف له وتلو وروسته د پام وړ ناوړه تغیرات راغلي دي." دا تطبیقات د افغانستان له پولې شل کیلومتره لېرې د مامیرک په سیمه کې وشول.

د افغانستان د هوایي ځواکونو شااوخوا ۱۵۰ تنه به ډېر ژر له تاجکستانه بل ځای ته انتقال شي. دا خبره د امریکا د بهرنیو چارو د وزارت یوه ویاند هیل ورځپاڼې ته کړې ده، خو دا یې نه ده څرګنده کړې چې کله به دا کسان له تاجکستانه بهر کوي. د اګسټ په میاشت کې چې امریکا خپل پاتې پوځیان له افغانستانه ایستل دا پیلوټان او د افغانستان د هوایي ځواک غړي یې تاجکستان ته په دې تمه انتقال کړل چې بیا به یې د امریکا متحد ایالاتونو ته لېږدوي. د هوایي ځواکونو دغو غړیو بیا بیا له رسنیو سره په دې موده کې په تاجکستان کې د... Читать дальше...

د امریکا د مرکزي قومانداني په وینا په سوریه کې د القاعدې شبکې یو جګپوړی چارواکی ووژل شو. د امریکا د مرکزي قوماندانۍ ویاند تورن جان ریګزبي وویل چې عبدالحمید المطر پرون بې پیلوټه الوتکې په نښه کړ. د بې پیلوته ایم کیو-۹ الوتکې دا برید د سوریې په شمال لویدېځ کې وشو. ریګزبي څرګنده کړه چې داسې نښې نښانې یې نه دې ترلاسه کړې چې د دې حملې پر مهال دې ملکیانو ته زیان اوښتی وي.

د افغانستان د اسلامي جمهوریت د ملي مقاومت د عالي شورا له ادرسه په یو خپاره شوي بیان کې طالبانو ته خبرداری ورکړل شوی چې که د سولې له لارې د دوی غوښتنې ونه مني نو پوځي اقدام به وکړي.  په بیان کې چې د جمعیت اسلامي ګوند د انشعابي څانګې مشر عطا محمدنور او پخواني جهادي مشر عبدالرب رسول سیاف پر رسمي فیسبوکپاڼو خپور شوی راغلي دي چې له طالبانو سره د سولې د مذاکراتو بیا پیلول فوق العاده اهمیت لري.  په بیان کې غوښتنه شوې چې دا مذاکرات باید داسې دایمي سولې ته لاره اواره کړي چې نتیجه یې د جمهوریت پر اساس، د ټولو قومونو او ښځو په ګډون منتخب نظام وي. Читать дальше...

د اروپايي ټولنې د بشري مرستو یوه بله بسته، د هوايي دهلیز له لارې کابل ته واستول شوه.  په دې بسته کې ۲۸ ټنه درمل دي چې افغانستان ته له روغتیايي بحران سره د مبارزې د هڅو په هدف استول کېږي.  د کړکېچونو د مخنیوي لپاره د اروپايي ټولنې کمېشنر یینز لینارچیچ وویل چې پر افغانستان د طالبانو له واکمنېدو وروسته دا د بشري مرستو درېیمه بسته ده چې د هوايي دهلیز له لارې دې هېواد ته استول کېږي.  له اروپا د هوايي دهلیز له لارې د مرستو ترلاسه کول د روغتیا نړیوال سازمان WHO او نورو مرستندویو ټولنو ته دا امکان برابروي چې اړو خلکو ته بشري مرستې ورسوي.

د سالنګ لویه لاره پرون ماسپښین د خلکو د تګ راتګ لپاره خلاصه شوه.  د سالنګ د حفظ او مراقبت د ادارې چارواکي وايي چې د یوې شپې مخکې درنې واورې او سیلۍ له کبله دا لاره د بار وړونکو موټرو پرمخ بنده شوې وه.   د دې ادارې رییس عبدالله عبید پرون جمعه (د تلې ۳۰مه) ازادي راډیو ته وویل چې د لارو د پاکولو د موظفو کسانو د هلوځلو په نتیجه کې دا لویه لاره د خلکو پرمخ خلاصه شوه، خو ښاغلي عبید په عین حال کې له موټر چلوونکو وغوښتل چې پر دې لویه لاره د تګ راتګ پرمهال لازم تجهیزات لکه چَین له ځان سره ولري او همدا راز د وزن او سرعت کنټرول ته پاملرنه وکړي.

د افغانستان کرکټ بورډ وايي چې افغان لوبډله د کرکټ د شل اوورېزو لوبو په نړيوالو جام کې خپلې لومړۍ لوبې ته له پوره چمتووالي سره ځي.  د کرکټ بورډ ویاند فرید هوتک تېر ماښام ازادي راډیو ته وویل چې د افغان لوبډلې لومړۍ لوبه به د اکتوبر په ۲۵مه له سره وي: "د افغانستان د کرکټ ملي لوبډله به د نړیوال جام د سیالیو په لړ کې لومړۍ لوبه د اکتوبر په ۲۵مه د سکاټلنډ پر وړاندې ترسره کړي. د ویلو ده چې افغان لوبډله د دې سیالۍ لپاره پوره چمتووالی لري او انشاالله چې لوبغاړي به په ښې روحیې سره د لوبو ډګر ته ووځي."  ... Читать дальше...

د روسیې او تاجکستان پوځي ځواکونو پرون جمعه(د تلې ۳۰مه) یو ځل بیا د افغانستان او تاجکستان د ګډ سرحد په اوږدو کې پوځي تطبیقات وکړل.  دا تطبیقات د افغانستان له سرحده شل کیلومتره لېرې په مامیرک سیمه کې وشول چې زغرګاډو او د ماشینګڼو لرونکو هلیکوپترو برخه په کې لرله.  پروني تطبیقات د هغو اوږدو تمرینونو یوه برخه ده چې د روسیې، تاجکستان او د ډله ییز امنیت سازمان د غړو هېوادونو شااوخوا پنځه زره سرتېري او له ۷۰۰ زیات زغره وال ګاډي ګډون په کې لري.  په دې ټلواله کې چې روسیه په کې مخکښ رول لري د پخواني شوروي اتحاد څو جمهوریتونه شامل دي. Читать дальше...

د پاکستان په لاهور ښار کې پرون جمعه (د تلې ۳۰مه) د اسلامپالو معترضانو د مظاهرې په ترڅ کې تاوتریخوالی او مرګ ژوبله پېښه شول.  د پولیسو یوه ویاند رانا عارف وویل چې دوه پولیسو افسران د معترضانو له خوا د تیږو په ګوزارونو وژل شوي او یو بل ټپي دی. نوموړي زیاته کړه چې دوه تنه لاریونوال هم وژل شوي او څو نور ټپیان دي.  تاوتریخوالی هغه مهال پیل شو چې د تحریک لبیک پاکستان زرګونه پلویانو له لاهوره د پلازمېنې اسلام اباد پر لور لاریون کاوه. دوی غواړي چې د دې اوږه لاریون په ترڅ کې اسلام اباد ته ولاړ شي... Читать дальше...

د اروپايي ټولنې مشرانو پرون جمعه(د تلې ۳۰مه) پر بېلاروس د نوېو بندیزونو ملاتړ وکړ.  اروپايي ټولنه هیله لري چې د دې بندیزونو په نتیجه کې به د بېلاروس مستبد مشر الکساندر لوکاشینکا د دې هېواد له سرحده اروپايي ټولنې ته د غیرقانوني کډوالو له استولو لاس واخلي.  د اروپايي کمېسیون مشرې اورزولا وان دیرلین پرون د اکتوبر په ۲۲مه نېټه د اروپايي ټولنې له سرمشریزې وروسته وویل چې دا ټولنه به پر لوکاشینکا فشار ته دوام ورکړي. مېرمن وان دېرلین پر لاوکاشینکا تور ولګاوه چې له اروپايي ټولنې د غچ اخیستو په خاطر له کډوالو څخه د یوې وسیلې په توګه کار اخلي. Читать дальше...

کاسوو دوو روسي ډپلوماتانو ته د وتلو امر کړی او مسکو یې د بې ثباتۍ لپاره په فعالیتونو تورن کړی دی. ولسمشرې ویوسا عثماني پرون جمعه د (د تلې ۳۰مه) وویل چې په کاسوو کې د روسیې د اړیکو د دفتر دوه روسي ډپلوماتان نامطلوب کسان بلل شوي او ورته ویل شوي دي چې له دې هېواده ووځي. مېرمن ویوسا زیاته کړه چې د کاسوو حکومت د روسیې د ناوړه فعالیتونو او په سیمه کې د مسکو د نیابتي کړیو پرضد مقابلې ته ژمنه ده. د کاسوو ولسمشرې وویل، د دې کړیو هدف د کاسوو، متحدوایالاتونو، ناټو او اروپايي ټولنې د ګډو لاسته راوړونو زیانمنول دي.

د پاکستان په لاهور ښار کې پرون جمعه (د تلې ۲۹مه) د اسلامپالو معترضانو د مظاهرې په ترڅ کې تاوتریخوالی او مرګ ژوبله پېښه شول. دا تاوتریخوالی هغه مهال پیل شو چې د تحریک لبیک پاکستان په بلنه زرګونه کسانو له لاهور څخه د پلازمېنې اسلام اباد پر لور لاریون کاوه. دوی په پام کې لري چې د دې اوږه لاریون په ترڅ کې اسلام اباد ته ولاړ شي او حکومت دې ته اړ کړي چې د تحریک لبیک د غیرقانوني ګوند مشر سعد رضوي خوشې کړي. د پاکستان حکومت له لاهور څخه د دې لاریون د پیل د مخنیوي په مقصد د پولیسو او دولتي ملېشې سرتېري موظف کړي دي. Читать дальше...

د ناټو عمومي منشي د دې ټلوالې د دفاع وزیرانو د دوهمې ورځې له غونډې وروسته یوې خبري غونډې ته وویل چې ناټو اوس مهال له خپلو متحدانو او شریکانو سره په دې برخه کې سلامشورې کوي چې څنګه د طالبانو رژیم حساب کتاب ته کېنوي، څو پر خپلو کړو ژمنو عمل وکړي. ینس سټولټنبرګ په ځانګړي ډول د طالبانو د هغو ژمنو یادونه وکړه چې له امریکا سره د سولې په تړون کې یې کړې وې: "اوس موږ د ناټو له متحدانو او شریکانو سره په دې اړه سلامشورې کوو چې څنګه د طالبانو رژیم  د خپلو هغو ژمنو د عملي کولو لپاره حساب کتاب ته کېنوو چې د... Читать дальше...