د یوناما مشرې ډیبرالاینز په کابل کې د طالبانو د بهرنیو چارو له سرپرست وزیر امیرخان متقي سره وکتل. یوناما په ټویټر کې څرګندوي چې دا لیدنه کتنه د افغانستان په اړه د امنیت شورا تر راتلونکې غونډې مخکې شوې ده، خو یوناما د دې غونډې نېټه نه ده اعلان کړې. یوناما ویلي دي چې اغلې لاینز له امیرخان متقي سره د بشري مرستو، د اقتصادي پرمختګ مخې ته د پرتو خنډونو او ښوونځیو ته د ټولو نجونو او هلکانو د بیا ورتګ پر تیاریو خبرې کړې دي.
د سره صلیب نړیوالې کمېټې ویلي دي چې په افغانستان کې د تېر کال پرتله بشري مرستو ته دېرش په سلو کې اړتیا زیاته شوې ده. سره صلیب پرون په خپل ټویټر کې ولیکل چې د اوس لپاره په افغانستان کې ۲۴اعشاریه څلور میلیونه کسان بشري مرستو ته اړتیا لري چې دا تر پروسږکال دیرش فیصده زیاتوالی ښیي.
په شمالي سالنګ کې د یوه مسافر وړونکي بس د ټکر له امله په لسګونو کسان ژوبل شوي دي. د 'چوګګ' په سیمه کې پرون له ماسپښین وروسته دا بس له یوې ولاړې لارۍ سره ټکرشو چې لږ تر لږه دیرش تنه ټپیان شول. ټپیان روغتون ته انتقال شوي دي.
د طالبانو د حکومت د بهرنیو چارو سرپرست وزیر د ازبیکستان له یوه پلاوي سره د لېدو پر مهال وویل، د دوی حکومت نه غواړي چې افغانستان د لویو ځواکمنو د سیالۍ ډګر وي. امیرخان متقي زیاته کړه، د دوی پالیسي اقتصاد محوره ده او غواړي چې افغانستان د اقتصادي همکاریو او سیمه ییز اتصال په مرکز بدل کړي. د ازبیکستان د صدراعظم له مرستیال سردار عمر زاکوف سره پرون په ارګ کې د طالبانو رییس الوزرا، د بهرنیو چارو وزیر امیرخان متقي او یو شمېر نورو چارواکو وکتل.
ټاکل شوې ده چې نن د کابل په وخت د سهار نهه نیمې بجې د بنګله دېش په چیتاګانګ کې د افغانستان او د کوربه هېواد د کرکټ لوبډلو ترمنځ لوبه پیل شي. د کرکټ بورډ د رسنیو د برخې مشر فرید هوتک ازادي راډیو ته وویل، افغان لوبډلې د دې لوبو لپاره ښه چمتوالی نیولی دی: "د افغانستان د کرکټ ملي لوبډله به د بنګله دېش له ملي لوبډلې سره د پنځوس اوورېزو لوبو لړۍ پیل کړي، د افغانستان کرکټ بورډ د خپلو لوبغاړو لپاره په قطر کې تمریناتي کمپ ترسره کړ او له څو ورځو راهیسې په بنګله دېش کې دې لوبغاړو په تمریناتو کې برخه اخیستې... Читать дальше...
ملګري ملتونه لا هم هیله من دي چې د اوکراین لانجه به د خبرو له لارې حل شي. د ملګرو ملتونو د سرمنشي ویاند سټیفان ډوچارېک پرون سې شنبه (د کب ۳مه) په نیویارک کې وویل، که جګړه وشي ناورین به رامنځته شي. دوجارک زیاته کړه، ټاکل شوې وه د پنجشنبې په ورځ په جنیوا کې له مهالوېش سره سم د متحد ایالاتونو د بهرنیو چارو وزیر انتوني بلېنکن د روسیې له بهرنیو چارو وزیر سرګي لاوروف سره خبرې وکړي چې تراوسه دا مذاکرات نه دي لغوه شوي او هیله ده چې ترسره شي. وروسته تردې چې د روسیې ولسمشر ولادیمیر پوتین د اوکراین ختیځ... Читать дальше...
د متحد ایالاتونو ولسمشر په بالتیک کې د ډېرو ځواکونو د دېره کېدو خبر ورکوي چې د ناټو د متحدانو ساتنه وکړي. جوبایډن تېرماښام د دې اعلان ترڅنګ دا خبره هم وکړه چې د روسیې له لوري هر پوځي تحرک ته به امریکا او متحدان یې په ګډه ځواب ورکړي: "د امریکا د متحد ایالاتونو، متحدانو او شریکانو دروازې به د ډپلوماسۍ لپاره پرانېستې وي، په دې شرط چې جدي وي. د روسیې د خبرو له مخې نه، د هڅو له مخې یې قضاوت کوو. ګورو چې روسیه په راتلونکي کې څه کوي؟ هغې ته به په ګډه، ښکاره او ځپونکی ځواب ورکړو." ولسمشر بایډن زیاته... Читать дальше...
هند افغانستان ته د پاکستان له لارې د هغو غنمو لومړۍ برخه واستوله چې مخکې یې د هغې د ورکړې ژمنه کړې وه. د واګه بندر له لارې د پنځوس بار وړونکو موټرو کاروان پرون جلال اباد ته ورسېد. افغانستان ته د هند د غنمو لېږدېدل پیل شول. لومړی بار په پنځوسو موټرو کې و چې د پاکستان له لارې یې جلال اباد ته ۲۵۰۰ ټنه غنم انتقال کړل. د دې غنمو د لېږدېدو په مراسمو کې د هند د بهرنیو چارو وزیر وردن شرینګلا په نوي ډیلي کې د افغانستان له سفیر فرید ماموندزي او د خوراک د نړیوال سازمان له استازیو سره برخه لرله. شرینګلا... Читать дальше...
د پاکستان صدراعظم نن مسکو ته ځي. عمران خان د دې سربېره مسکو ته روان دی چې روسي ځواکونه د اوکراین ختیځ ته ننوتي دي او له روسیې سره د لویدیځ اړیکې له سړې جګړې را وروسته تر بل هر وخت ترینګلي شوي دي. د پاکستان د بهرنیو چارو وزارت په یوه بیان کې څرګنده کړه چې صدراعظم عمران خان به د یوه جګپوړي پلاوي په مشرۍ په دوه ورځني سفر د چهارشنبې په ورځ روسیې ته ورسېږي. په دې بیان کې وړاندې راغلي دي چې پر دوه اړخیزو اړیکو او د انرژۍ په برخه کې به په همکارۍ خبرې وشي. دا خبرې په داسې وخت کې ترسره کېږي چې لویدیځ... Читать дальше...
د پاکستان وزيراعظم عمران خان نن (فبرورۍ ۲۳مه) د روسيې په دوه ورځني سفر مسکو ته ځي. د پاکستان د بهرنيو چارو وزارت د فبرورۍ پر ۲۲مه په يو بيان کې ويلي چې نوموړي ته د دې سفر بلنه د روسيې ولسمشر ولاديمير پوتين ورکړې وه. د وزارت په وينا، دواړه مشران به د ليدو پر مهال د انرژۍ په برخه کې پر همکارۍ سربېره پر دوه اړخيزه اړيکو، مهمو سيمه ييزو او نړيوالو چارو او د افغانستان په اړه خبرې کوي. عمران خان په داسې حال کې روسيې ته سفر کوي چې د اوکراين پر سر د مسکو اړيکې د امريکا په ګډون له لوېديځو هېوادونو سره ترينګلي شوي دي. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости