Новости за 04.11.2022

د محمد صادق اڅګزي په نوم دغه سوداګر شل ورځې وړاندې له دوبۍ څخه کندهار ته تللی و چې د کندهار ښار او سپین بولدک ولسوالۍ پر لار لا درکه شو. د کندهار په ميوند ولسوالۍ کې د طالبانو یوه ځایي چارواکي ازادی راډیو ته تايید کړې چې د هغه جسد نن جمعه د دې ولسوالۍ په چشمو سیمه کې له یوه اندازه پیسو سره په یوه څاه کې موندل شوی. تر اوسه د پېښي انګېزه معلومه نه ده

د پاکستان تحریک انصاف له اعلان سره سم د جمعې تر لمانځه وروسته د هېواد په بېلابېلو برخو کې مظاهرې وشوې. دا تر هغې یوه ورځ وروسته ده چې د نومبر پر درېیمه د پنجاب په وزیراباد کې د تحریک انصاف پر حکومت ضد لاریون په ډزو کې یو کس ووژل شو او د ګوند د مشر عمران خان په ګډون ۱۳ کسان زخمیان شول. د پاکستان حکومت د ډزو پېښه غندلې او د پلټنو غږ یې کړی دی. ویډیويي رپورټ.

تر لنډو ویناوو وروسته د کلتوري ماښام دویمه برخه ازادې مشاعرې ته ځانګړې شوې وه چې پکې په مشاعره کې د خوست، پکتیا، پکتیکا، ننګرهار، کابل او د افغانستان له نورو برخو څخه ورغلیو شاعرانو خپل کلامونه وړاندې کړل.

د ټوېټر مالک ایلان ماسک به له دې ټولنیزې شبکې د کار کوونکو ډله‌ییز ویستل له نن څخه پیل کړي. ټوېټر پرون د یوه اېمیل له لارې خپل کارکوونکي له دې پرېکړې خبر کړی وو. په دغه اېمیل کې ویل شوي دي، چې په سم لوري د ټوېټر د روانولو لپاره به د جمعې په ورځ د نړیوالو کارکوونکو د راکمولو سخته پروسه پیل کړي. د ګارډین ورځپانې د راپور پر بنسټ؛ ماسک به د ټوېټر تر ۵۰ سلنه کاري ځواک راکم کړي چې به ورسره په زرهاو تنه بې‌روزګاره شي. ایلان ماسک تېره اوونۍ ټوېټر په ۴۴ ملیارده ډالرو وپېره او د دې شبکې څو لوړپورې چارواکي يې له دندو ګوښه کړل.

افغان لوبډله د جمعې په ورځ په خپل ګروپ کې له اسټرالیا سره د دې جام وروستۍ لوبه وکړه او ماتې يې وخوړله. ټاس افغان لوبډلې وګټه او لومړی یې د توپ اچونې پرېکړه وکړه چې اسټرالیا ورته په ټاکلو شلو اورنو کې د ۸ لوبغاړو په سوځېدو سره ۱۶۹ د منډو هدف وټاکه. افغان لوبډلې بیا دغه هدف پوره نه‌شو کړای او د ۴ منډو په توپیره یې لوبه وبایلله. سره له دې چې د کرېکټ یو شمېر مبصرین د افغان لوبډلې ورستۍ لوبه ډېره ښه یادوي خو د کرېکټ په نړیوال شل اوریز جام کې یې د مخکې تګ لاملونه په توپ وهنه کې جدي ستونزې بولي. ... Читать дальше...

په کابل کې د طالبانو له‌خوا د ښځو د حقونو د فعالې ظریفه یعقوبي نېونې، د بشري حقونو د ملاتړ و بنسټونو او د ښځو د حقونو د فعالانو سخت غبرګونونه را پورته کړي دي. د ظریفه یعقوبي یو شمېر همکارانې او د ښځو د حقونو ځینې فعالانې ادعا کوي چې طالبانو هغه تېره ورځ نېولې ده. له دوی یو مېرمن چې نه‌غواړي د امنیتي ستونزو له امله یې نوم راپور کې یاد شي ازادي راډیو ته وویل، ظریفه یعقوبي د پنج‌شنبې په ورځ نږدې څلور بجې "د برابرۍ لپاره د افغانستان د ښځو غورځنګ" له اعلان وروسته ونیول شوه. هغه غورځنګ چې د دې... Читать дальше...

په اسټرالیا کې د کرېکټ د شل اوورونو د سیالیو په لړ کې کوربه هېواد اسټرالیا افغانستان ته ماتې ورکړه. د لوبې پچه یا ټاس افغانستان وګاټه او د توپ نیونې یا فیلډنګ پرېکړه یې وکړه. اسټرالیا وتوانېد په ۲۰ اوورونو کې د ۸ لوبغاړو په سوځېدو سره ۱۶۸ منډې وکړي. افغانستان ونه توانېد هدف پوره کړي، یوازې یې ۱۶۴ منډې وکړې. دا په دغو مسابقو کې د افغانستان وروستۍ لوبه وه. نن تر دې مخکې په لومړۍ مسابقه کې نیوزیلنډ وتوانېد ایرلنډ ته ماتې ورکړي. نیوزیلنډ د ۶ لوبغاړو په سوځېدو سره ۱۸۵ منډې وکړې، خو ایرلنډ ونه توانېد دغه هدف چې نسبتاً لوړ هدف و، پوره کړي. Читать дальше...

تر دې مخکې په لومړۍ سیالۍ کې نیو زیلینډ د ایرلینډ لوبډلې ته په ۳۵ منډو ماتې ورکړه. نیو زیلینډۍ لوبډلې د ایډېلېډ په لوبغالي کې په لومړي بیټنګ کې د شپږو وېکټو په تاوان ۱۸۵ منډې جوړې کړې.

د ام ټي این ګروپ د افغانستان برخې سوداګري د ایم ون - نیو وینچورز په نوم په یوه بیروت مېشتي شرکت د ۳۵ میلیونو ډالرو په ارزښت پلوري. دا خبر د بلومبرګ امریکايي خپرونې په شمول څو رسنیو د ایم ټي این شرکت په حواله ورکړی دی. په خبر کې ویل شوي چې ایم ټي ایم په افغانستان کې خپل کاروبار په داسې حال کې پلورل غواړي چې د مخابراتي شبکو دا شرکت غواړې له خپلې کورنۍ لویې وچې افریقا بهر خپل حضور راکم کړي. د ایم ون ګروپ مالکیت د میکاتي په نوم د یوې لبنانۍ کورنۍ سره دی. دې کورنۍ په ۲۰۰۶ م کال کې د منځني ختیځ... Читать дальше...

د جرمني صدراعظم اولاف شولتس د چین ولسمشر شي جین پینګ سره نن په پیکنګ کې ولیدل. د اسوشیتد پریس د راپور پر بنسټ، چین ته د شولتس یوه ورځنی سفر د اوکراین په جګړه کې د روسیې څخه د پیکنګ د ضمني ملاتړ په سبب له ډېرو نیوکو سره مخ شوی دی. د جرمني صدراعظم چې له څو سوادګرو سره چین ته تللی دی د ولسمشر شي له‌خوا يې هرکلی شوی دی. د چین ولسمشر ویلي، شولتس په داسې وخت کې چین ته سفر کړی چې دا دواړه هېوادونه د خپلو ډپیلوماټیکو اړیکو پنځوس کلني لمانځي.

په دې ورځو کې په اوکراین کې د برښنا او اوبو د جریان پرې کېدا په یوه عادي چاره بدله شوې. په پلازمېنه کییف کې، د اوبو یوه نل ته نژدې په لسګونو کسان له لویو ګیلنو سره راټول شوي دي. یو یې هم سیرګې دی. نوموړی وايي: "له سهاره تر اوسه په کور کې اوبه نه‌لرو. په اوبو پسې دلته راغلي یو. اوبه نه‌شته، برښنا نه‌شته او مرکز ګرمي هم له فعالیته لویدلې." د ویتالي په څېر یو شمېر کسان چې له لیرې ځایونو د اوبو لپاره دلته راغلي وایي، اوه کیلو متره لاره یې وهلې او له اوبو ډکو دوو شل لیتره ګیلنو سره بېرته کور ته ځي. Читать дальше...

ملګري ملتونه وايي چې، په افغانستان کې په روان ميلادي کال کې د تارياکو له درکه د تارياکو ګټه له څلور سوه ميليونه ډالرو څخه تر يوه ميليارډ ډالرو ډېره لوړه شوې ده. دا سروې چې ملګرو ملتونو د امريکا متحده ایالتونو په مالي مرسته ترسره کړې او د سټلایټ په وسيله يې پايلې په تخميني ډول چمتو شوي، د ۱۴۰۰ شمسي کال له عقرب څخه بیا د ۱۴۰۱ شمسي کال د سرطان تر مياشتې پورې وخت ښيي. د ملګرو ملتونو له نشه يي موادو او جرمونو سره د مبارزې ادرې په راپور کې راغلي چې، په دې موده کې په افغانستان کې په (۲۳۳) هيکټارو ځمکو... Читать дальше...

تر اوسه روښانه نه ده چې دواړه هېوادونه، چې لا یې د طالبانو حکومت په رسمیت نه دی پېژندلی، به څنګه سیپیک تر افغانستانه غځوي او په اعلامیه کې هم په اړه نور معلومات او تفصیل نه شته.

په اسټرالیا کې د کرېکټ د شل اورونو د سیالیو په لړ کې اسټرالیا افغانستان ته د ۱۶۹ منډو هدف وټاکه. د لوبې پچه یا ټاس افغانستان وګاټه او د توپ نیونې یا فیلډنګ پرېکړه یې وکړه، چې اسټرالیا وتوانېد په ۲۰ اوورونو کې د ۸ لوبغاړو په سوځېدو سره ۱۶۸ منډې وکړي. نن تر دې مخکې په لومړۍ مسابقه کې نیوزیلنډ وتوانېد ایرلنډ ته ماتې ورکړي. نیوزیلنډ د ۶ لوبغاړو په سوځېدو سره ۱۸۵ منډې وکړې، خو ایرلنډ ونه توانېد دغه هدف چې نسبتاً لوړ هدف و، پوره کړي. د کرېکټ د نړیوال جام لوبې د اکټوبر میاشتې پر ۱۶مه پیل شوې، چې پایلوبه یې د نوامبر پر ۱۳مه ده.

په خبرونو کې ویل شوي، چې په کندهار کې په یوه ټرافیکي پېښه کې یوه ښه او خاوند له خپلو دوو ماشومانو سره مړه شوي دي. باختر اژانس چې د طالبانو په کنټرول کې دی، نن خبر ورکړی، چې دغه پېښه پرون هغه وخت شوې چې یو بار وړونکی موټر له موټرسایکل سره، چې دغه کورنۍ ورباندې روانه وه- ټکر شو. په وروستیو کې د افغانستان له بېلابېلو برخو په ټرافیکي پېښو کې د خلکو د مرګ‌ژوبلې خبرونه ورکول کېږي. د ټرافیکي اصولو نه رعایت، تر حد زیات سرعت او د لارو سړکونو خرابوالی د اکثرو ټرافیکي پېښو عمده علت بلل کېږي.

د اوکراین د بهرنیو چارو وزارت پرون په یوه بیان کې وویل، د روسیې له‌خوا اشغال شوې د خیرسون د سیمې ادارې د دنیپر سیند له کین اړخې سیمې د خلکو اجباري ایستل او په نورو سیمو کې ځای پر ځای کېدل پیل کړي دي. په بیان کې ویل شوي، اوکرایني اتباع له دې سیمې ایستل کیږي او کریمیا ټاپووزمې یا د روسیې په فدراسیون پورې تړلو نورو سیمو ته لېږدول کیږي. د خلکو ورته ډیپورټي یا اجباري ایستل د روسيې له‌خوا په نورو اشغال شويو سيمو زاپوریژیا، لوهانسک او دونیڅک کې هم روانه ده. په خیرسون کې د روسیې له‌خوا ګومارل شوي چارواکي... Читать дальше...

کندهار کې د کندن کارۍ کسب ښځينه کار کوونکې کار ځای ته بودیجه او خپلو توکو ته بازار غواړي. د شادوخت په نامه د کندن کارۍ او لاسي صنایعو دغه ښځینه تولیدي مرکز چې دا مهال د بودیجې د کمښت له امله د تړل کېدو له ګواښ سره مخ دی، کار کوونکې یې د بازار موندنې، نندارتونو جوړولو او نورو برخو لپاره د همکارۍ غوښتنه کوي. د لاسي صنایعو دا مرکز په کندهار کې له کوره بهر د مېرمنو د څو محدودو کار ځایونو څخه شمېرل کېږي چې د طالبانو د حکومت له‌خوا پر ښځو د کاري محدویدیتونو سره سره فعالیت کوي. په دې اړه نور تفصيل... Читать дальше...

تمه ده د روانې نومبر میاشتې په نیمايي کې د افغانستان په اړه روسیه کې غونډه وشي، خو دې غونډه کې د ګډون لپاره طالبانو ته بلنه نه‌ده ورکړل شوې. د روسیې تاس خبري اژانس د افغانستان لپاره د دې هېواد د ځانګړي استازي ضمیر کابلوف له قوله لیکي، دا غونډه د مسکو د مخکنیو ناستو دوام دی. خو دا ځل په دې توپیر کېږي چې طالبانو ته په کې د ګډون بلنه نه‌ده ورکړل شوې، داسې مهال چې د دې چارچوب په مخکنۍ غونډه کې چې د ۲۰۲۱ کال په اکټوبر کې شوې وه، طالبانو ته د ګډون بلنه ورکړل شوې وه. اوس ضمیر کابلوف وايي، روسیه، چین،... Читать дальше...

فرهاد خان د افغانستان اوسېدونکی دی او وايي چې هنري نوم یې شاه رخ خان دی. دی وايي، پخوا به یې په فلمونو کې کار کاوه خو پر افغانستان د طالبانو له واکمنېدو سره سم کراچۍ ته کډه شو او هلته سینګار توکي خرڅوي. په اړه یې ویډیويي رپورټ.

د طالبانو د حکومت ویاند ذبیح الله مجاهد د نومبر پر درېیمه مشال راډیو ته وویل، روغتیايي مرکزونو ته ښځینه روغتیاپالانې په ډېر مصوون شکل ځي او له هېڅ ډول برخورد سره نه مخامخ شوي او نه مخامخېږي.

د پاکستان د تحریک انصاف ګوند په عمران خان باندې په برید کې حکومت او پوځ ښکېل بللي. د پاکستان حکومت د تحریک انصاف دا تور رد کړی دی چې پر عمران خان په شوي برید کې حکومتي او پوځي چارواکي ښکېل دي. د پاکستان د کورنیو چارو وزیر رانا ثنا الله د نومبر پر درېیمه ناوخته خبري غونډې ته وویل چې، دوی نه یوازې دا تور ردوي بلکې تر پلټنو وړاندې د داسې بیان غندنه هم کوي. نوموړي زیاته کړه چې حکومت د صدراعظم په امر د پنجاب له حکومت څخه په سمدستي توګه د دې پېښې په اړه ريپوټ غوښتی دی. نوموړي ويلي: "مرکزي حکومت... Читать дальше...

د نومبر پر درېیمه د پنجاب په وزیراباد کې د تحریک انصاف پر لاریون په ډزو کې یو کس ووژل شو او د ګوند د مشر عمران خان او سېنېټر فیصل جاوېد په ګډون ۱۳ کسان ژوبل شول. هغه ګوند وايي چې یو وسلوال پر لاریون ډزې وکړې او دا یې پر عمران خان "قاتلانه برید" بللی دی.

د ملګروملتو د ماشومانو د ملاتړ اداره، یونېسف وايي، د افغانستان په بېلا بېلو سیمو کې یې ۱۱۳ زره بې‌وزلو ښځو ته مالي مرسته رسولې ده. یونېسف پرون (پنجشنبه) پر خپله ټویټرپاڼه کښلي چې دا نغده مرسته به، چې برېتانیا ورسپارلې وه، د ښځو پر ژوند مهم اغېز ولري. یونېسف غواړي چې په را روان ژمي کې له ۱۰ زره نورو کورنیو سره ژمنۍ مرستې وکړي. د دغه پروګرام لپاره ۵۷ میلیون ډالره بودجه په پام کې نیول شوې ده. نړیوالو مؤسسو خبرداری ورکړی چې راروان ژمی به د بې‌وزلو افغانانو لپاره له کړاونو ډک وي.

د ملګروملتو د کډوالو لویه کمېشنري وايي، د پکتیکا ولایت د برمل ولسوالۍ د زلزله ځپلو لپاره یې ۱۰۰۰ کورونه جوړ کړي دي. دې کمېشنرۍ پرون (پنجشنبه) اعلان وکړ، دا کورونه به، چې د زلزلې په وړاندې مقاومت لري، مخکې تر دې چې د ژمي واورې و اوري او د لېرې پرتو سیمو لارې بندې شي، هغو کسانو ته وسپاري چې کورونه یې د سږ کال د دوبي په زلزله کې ویجاړ شوي دي. د سرطان د میاشتې په شدیده زلزله کې په پکتیکا اوخوست ولایتونو کې تر زرو ډېر کسان مړه او زرګونه کورونه ویجاړ شول. تر دې مخکې يو شمېر نورو بنسټونو هم زلزله... Читать дальше...

د افغانستان لپاره د ملګروملتو ځانګړې استازې روزا اتونبایوا په کابل کې له یو شمېر متشبثو افغان ښځو سره ليدلي. نوموړې په دې کتنه کې ويلي، د افغان ښځو د سوداګرۍ ملاتړ د افغانستان پر راتلونکې د پانګونې معنا لري. د یوناما له خبرپاڼې سره سم، په افغانستان کې د ملګروملتو د مرستندوی دفتر مشرې له فعالو ښځو سره په خبرو کې همدا راز وویل، ملګري ملتونه په اقتصادی چارو کې د کاري ځواک په توګه د افغان ښځو د ګډون ملاتړ کوي او د ښځو کار د افغانستان د راتلونکې لپاره د پانګونې په معنا ده. نوموړې تر دې مخکې هم د افغان سوداګرو مېرمنو پر ملاتړ ټينګار کړی دی.