د خوست پوهنتون او په دې ولایت کې د لوړو زدکړو د نورو موسسو نوي فارغان غوښتنه کوي چې دوی ته دې له خپلو مسلکونو سره برابرې دندې ورکړل شي. دوی وايي، که چیرې د ځوانانو پر خپل راتلونکی باور پیدا شي او کاري فرصتونه ورته برابر شي، هغوی به په غیر قانوني او قاچاقي لارو نورو هیوادونو تګ ته زړه ښه نه کړي.
د چین پخوانی ولسمشر ژیانګ زیمین چې په ۱۹۸۹کال کې یې د تیانامین د اعتراضونو له ځپل کېدو وروسته د دې هېواد د کمونېست ګوند رهبري وکړه نن چهارشنبه د ۹۶ کلونو په عمر ومړ. دا خبر د چین دولتي رسنیو ورکړی دی. د چینايي رسینو د راپورونو پر بنسټ هغه د وینې سرطان له کبله نن په شانګهای کې ساه ورکړه.
د افغانستان د کرکټ ملي لوبډلې سریلانکا ته د درېیو یو ورځنیو لوبو په وروستۍ سیالۍ کې ۳۱۴ منډې هدف وټاکه. افغان لوبډلې د لوبې پچه ګټلې وه او د اتو لوبغاړو په سوځېدو یې دې هدف ته ځان ورساوه. اوس د سریلانکا لوبغاړي دغه هدف ته د رسېدو لپاره توپ وهنه یا بېټېنګ کوي. افغانستان د دغې لوبلړۍ لومړنۍ لوبه ګټلې او دویمه هغه یې د باران له کبله مساوي شوې ده.
تحریک طالبان پاکستان (ټي ټي پي) ډلې د نومبر پر ۲۸مه خپلو وسلوالو ته په پاکستان کې د حملو امر وکړ. دا تر هغې وروسته ده چې د هغې ناقانونه ډلې او اسلام اباد ترمینځ د جون له لومړۍ نېټې راهیسې اوربند برقرار وو خو پر دې سربېره حملې روانې وې. شنونکي وايي، ټي ټي پي پر افغانستان د طالبانو له واکمنېدو راهیسې بیا فعاله شوه او د خلکو ژوند یې اغېزمن کړی دی. د اې اېف پي له ویډیوګانو جوړ رپورټ.
په کويټه کې یوې ځان وژونکې چاودنې درې تنه وژلي او ۲۳ تنه نور یې ټپیان کړي دي. د ازادي راډیو د مشال څانګې د راپور لهمخې دا چاودنه نن سهار د پولیسو پر یوه موټر وشوه. د پولیسو یوه چارواکي خبریالانو ته وویل چې، په مړو کسانو کې یو پولیس او یوه ښځه هم شامل دي. د امنیتي چارواکو په وینا دا یوه ځان وژونکې حمله وه چې نژدې ۲۵ کیلوګرامه چاودېدونکې مواد پهکې کارول شوي وو. د دې برید مسوولیت د پاکستاني طالبانو تحریک یا TTP منلی دی.
د افغانستان لپاره د بشري حقونو، ښځو او نجونو په برخه کې د امریکا د متحده ایالاتو ځانګړې استازې رینا امیري د نړۍ، په ځانګړي ډول د ډېری مسلمان مېشتو هېوادونو له مشرانو غوښتي چې په ټولنه کې د افغان ښځو د مشارکت لپاره یو لاس او قوي پیغام ورکړي. رینا امیري تېره ورځ د نومبر په ۲۹ مه نېټه په خپله ټوېټر پاڼه ولیکل، د بشري حقونو په ښځو مدافعانو کې تر افغان ښځو او نجونو نور الهام بخښونکې نمونې نه شي موندل کېدای. نوموړې د ښځو د حقونو د ملاتړو د نړیوالې ورځې په مناسبت په خپل توېټ کې دا خبره لیکلې ده. رینا... Читать дальше...
تر هغې دوه ورځې وروسته چې ناقانونه وسلوالې ډلې تحریک طالبان پاکستان (ټي ټي پي) په هغه هېواد کې د حملو اعلان وکړ، د نومبر پر ۳۰مه په کوټه کې د پوليسو پر موټر بريد وشو چې پکې دوه پوليسان او يو ولسي وګړی ووژل شو او تر ۲۰ زیات ټپیان شول. د حملې ذمه واري ټي ټي پي منلې ده. د طالبانو د بريدونو اعلان د پاکستان مطبوعات د هغه دوه اړخیزه اوربند د ماتېدو په معنا اخیستی چې په جون مياشت کې تر نامعلومې مودې پورې غځېدلی وو. پر دې موضوع د مشال تر رڼا لاندې بحث د غږ په ځای کې اورېدای شئ.
د چاودنې ذمه واري لا چا نه ده منلې خو تر دې مخکې د څه د پاسه یو کال په موده کې د افغانستان په جوماتونو، مدرسو، ښوونیزو مرکزونو او نورو عبادتځایونو کې د یوشمېر بریدونو ذمه واري اسلامي دولت (داعش) وسلوالې ډلې منلې ده.
په کوټه کې د پولیسو پر یوه ګاډي په برید کې لږترلږه درې کسان وژل شوي او تر ۲۰ زیات ژوبل دي. حمله د نومبر پر ۳۰مه د کوټې په بلیلي سیمه کې شوې ده چې ذمه واري یې تحریک طالبان پاکستان ډلې منلې ده. د اسوشیېټېډ پرېس اژانس له ویډیو جوړ رپورټ.
د سره صلیب نړۍواله کمېټې (ICRC) د افغانستان په ګډون له یو شمېر نورو هېوادونو سره چې بشري مرستو ته ډېره اړتیا لري، تمه ښودلې چې په ۲۰۲۳ کال کې هم خپلو مرستو ته دوام ورکړي. د سره صلیب نړۍوالې کمېټې د نومبر په ۲۹مه په خپل راپور کې، چې د دې ادارې په رسمي وېبپاڼه کې خپور شوی، ویلي چې په افغانستان، سومالیا، یمن او کانګو هېوادونو کې د میلیونونو وګړو ژوند په بشري مرستو روان دی او له دې لارې د دوی ژوند ژغورل کېږي. د ICRC په وینا د روسيې او اوکراین جګړه لامل شوې چې تر بل هر وخت د خوړو او انرژۍ بیې لوړې... Читать дальше...
د افغانستان په شمالي ولایت سمنګان کې چاودنې لس تنه وژلي او یو شمېر نور یې ټپیان کړي دي. د طالبانو د کورنیو چارو وزارت ویاند عبدالنافع ټکور وایي، چاودنه له غرمې وروسته د ایبک ښار په یوه دیني مدرسه کې شوې ده. ټکور ازادي راډیو ته وویل چې د دوی کشفي او استخباراتي ادارو د پېښې د څرنګوالي پلټنې پیل کړي دي. هغه زیاته کړه: "په خواشینۍ سره باید ووایم چې نن ماسپښین د سمنګان ولایت د ایبک ښار په یوه دیني مدرسه کې چاودنه شوې چې له کبله یې شاوخوا لس تنه زده کوونکي په شهادت رسېدلي او یو شمېر نور هم زخمیان دي. Читать дальше...
د ملګرو ملتونو د سازمان د بشري چارو د همغږۍ دفتر (اوچا) په کلني راپور کې د افغانستان د سخت راتلونکي په اړه وړاندوینه شوې ده. د اوچا کلنی راپور چې تازه خپور شوی پهکې راغلي دي، اقلیمي وړاندوینه دا ښيي چې راتلونکی کال به وچکالي وي. په دې راپور کې راغلي دي چې خلک به په ښارونو کې له پور او مالي ستونزو سره مخ کېږي او خدمتونو ته هم لاسرسی کمېږي چې په دې کې به د څښاکو اوبو ته هم لاسرسی کم شي. اوچا دغهشان ویلي دي چې د اوکراین جګړه او د پاکستان سېلابونه هم د بیو په لوړوالي کې رول لري. د ملګرو ملتونو... Читать дальше...
د ۲۰۲۲ز کال د فوټبال نړیوال جام سیالیو کتلو لپاره د کراچۍ په لیاري سيمه کې هر ماښام زرګونه خلک په یو میدان کې راغونډېږي او پر لوی سکرين په قطر کې روانې دا لوبې ګوري. د نومبر پر ۲۸مه په لياري کې د فوټبال په زرګونو مينه والو د برازیل او سويټزرلېنډ تر مينځ لوبه وکتل.
د کوټې د پولیسو مرستيال مشر غلام اظفر مهیسر تر پېښې وروسته له رسنیو سره د خبرو پر مهال ویلي، د پولیسو د ځواک هغه ګاډی په نښه شوی چې د پولیو يا ګوزڼ د روان کيمپېن د امنیت ساتلو لپاره یې سرتېري لېږدول.
په کويټه کې یوې ځان وژونکې چاودنې درې تنه وژلي او ۲۳ تنه نور یې ټپیان کړي دي. د ازادي راډیو د مشال څانګې د راپور لهمخې دا چاودنه نن سهار د پولیسو پر یوه موټر وشوه. د پولیسو یوه چارواکي خبریالانو ته وویل چې، په مړو کسانو کې یو پولیس او یوه ښځه هم شامل دي. د امنیتي چارواکو په وینا دا یوه ځان وژونکې حمله وه چې نژدې ۲۵ کیلوګرامه چاودېدونکې مواد پهکې کارول شوي وو. د دې برید مسوولیت د پاکستاني طالبانو تحریک یا TTP منلی دی. نوموړې ډلې د دوشنبې په ورځ اعلان وکړ چې د پاکستان له حکومت سره د افغان... Читать дальше...
پنټاګون اعلان کړی چې د متحدو ایالتونو د بهرنیو چارو وزارت د یو میلیارد ډالرو په ارزښت قطر ته د میزایل ضد توغندیو د ورکولو احتمالي معامله تایید کړې. پنټاګون په یوه بیان کې ویلي چې د دې معاملې د احتمال په اړه کانګرس ته خبر ورکړل شوی دی. د امریکا ولسمشر جو بایډن د روان کال په جنوري میاشت کې د قطر له امیر شیخ تمیم بن حمد آل ثاني سره په کتنه کې دا هېواد له ناټو بهر د امریکا لوی متحد وباله او په دې ناآرامه سیمه کې یې قطر ته د ځانګړي ملګري موقف ورکړ.
روسیې له متحدوایالتونو سره د اټومي وسلو د کنټرول په اړه مذاکرات د هغه څه په خاطر وځنډول چې د مقابل لوري په چلند کې جدي اختلاف او د اوکراین د جګړې پرسر کړکېچ بلل شوی. د روسیې د بهرنیوچارو وزارت مرستیال سیرګي ریابکوف پرون ادعا وکړه چې امریکا غواړي یوازې د نوي سټارټ په نوم د تړون په رڼا کې د اټومي وسلو پر تفتیش تمرکز وکړي. نوموړی وايي، امريکا د مسکو هغه غوښتنه یې، د ده په وینا له پامه غورځولې ده چې غواړي د همدې موافقې په اساس د وسلو د شمېرنې د اړوندو مشخصو مسایلو په اړه بحث وشي. د امریکا د بهرنیوچارو... Читать дальше...
د ناټو غړو هېوادونو ژمنه کړې چې د اوکراین د انرژۍ د هغو تاسیساتو په بیا رغونه کې مرسته وکړي چې د روسیې په حملو کې سخت زیانمن شوي. اوکراین له خپلو لوېدیځو متحدانو غوښتي چې د برښنا د لېږد د ځانګړو تجهیزاتو د چمتو کولو په برخه کې مرسته ورسره وکړي څو خپل د برښنا سیسټم بیا ورغوي. د ناټو د غړو هېوادونو د بهرنیو چارو وزیرانو پرون د رومانیا په پلازمېنه بخارست کې په خپله غونډه کې وویل چې د اوکراین د انرژۍ د تاسیساتو د ترمیم په هدف د اړتیا وړ تجهیزاتو په ګډون له دې هېواد سره په خپلو مرستو کې زیاتوالی راولي. Читать дальше...
په قطر کې د فوټبال د ۲۰۲۲م کال نړیوال جام سیالیو په ګروپي پړاو کې نن څلور مسابقې کېږي. لومړی د کابل پر وخت د ماښام اووه نیمې بجې تونس له فرانسې او اسټرالیا له ډنمارک سره د مسابقې میدان ته وځي. د کابل پر وخت د شپې یوولس نیمې بجې بیا د پولنډ او ارجنټاین دغه راز سعودي عربستان او مکسیکو ترمنځ مسابقه کېږي. په پرونۍ مسابقه کې هالنډ دوه د صفر په وړاندې له قطر لوبه وګټله او سینیګال وتوانېد دوه د یو په وړاندې ایکوادور ته ماتې ورکړي. انګلنډ وتوانېد درې د صفر په وړاندې له وېلز مسابقه وګټي. په بله... Читать дальше...
د اسرائیل پولیسو یو فلسطینی سړی وروسته له هغې په ډزو وواژه چې لومړی هغه، خپل موټر پر یوې اسرائیلۍ ښځې وربرابر کړ او سخته یې ټپي کړه. پېښه پرون سې شنبه په اشغال شوې لوېدیځه غاړه کې شوې او دا څلورم فلسطینی وګړی و، چې پرون د ورځې په جریان کې په څو پېښو کې ووژل شو. وروسته له هغې چې تېره اوونۍ پر بیت المقدس بمباري وشوه او له کبله یې دوه اسرائیلیان ووژل شول او د اسرائیل او فلسطینیانو ترمنځ د تاوتریخوالي زیاتېدو تازه نښه ګڼل کېږي.
د امریکا متحدو ایالتونو اوکراین ته د برښنا د تجهیزاتو رانیولو لپاره د ۵۳ ملیارد ډالرو مرستې اعلان وکړ. د دې کار هدف له کییف سره مرسته کول دي، چي وکړای شي د روسیې د هغو حملو مقابله وکړي، چې د اوکراین د انرژۍ سکټور په نښه کوي. په وروستیو کې د اوکراین د برښنا پر تاسیساتو د روسیې حملې د دې سبب شوې چې په ملیونونو کسان له برښنا او د کورونو له تودولو بې برخې شي. د امریکا د متحدو ایالتونو د بهرنیو چارو وزارت پرون په یوه اعلامیه کې وویل: دغه تجهیزات به په بېړني ډول اوکراین ته ولېږدول شي، چې اوکرایینیان د ژمي پر مهال ورڅخه کار واخلي. Читать дальше...
ټاکل شوې د افغانستان او سرېلانکا د کرېکټ ملي ټیمونه نن په خپلو کې درېیمه یو ورځنۍ یا ۵۰ اووره مسابقه وکړي. نننۍ مسابقه د کابل پر وخت د ماسپښین یوه نیمه بجه د سرېلانکا په پالیکیلي (Pallekele) لوبغالي کې ترسره کېږي. افغانستان خپله لومړۍ لوبه تېره جمعه د ۶۰ منډو په توپیر ګټلې وه او دویمه لوبه تېره یکشنبه مسابقه د باران له کبله بشپړه نهشوه. د کرېکټ نړیوالې شورا ویلي، د دویمې لوبې له کبله افغان لوبډلې ته ۵ امتیازونه ورکړل شول، چې ورسره دغه ټیم وتوانېد په هند کې د راروان میلادي کال نړیوال جام ته لار پیدا کړي.
د کډوالو په چارو کې د ملګرو ملتونو لویه کمېشنري وايي، د روان میلادي کال له پیله یې له یو لک او پنځه اتیا زره کورنیو سره چې یو ملیون او درې لکه کسان کېږي د بشري مرستو رسولو لپاره کتلي دي. د دې ادارې د افغانستان څانګې پرون په یوه ټویټ کې ویلي، له دغو کسانو سره یې د افغانستان په لیرو پرتو سیمو کې هم کتلي او د دوی وضعیت یې ارزولی دی. د کډوالو په چارو کې د ملګرو ملتونو لویه کمېشنري وايي په افغانستان کې یې ماموریت له راستنېدونکو، داخلي بېځایه شویو او نورو هغو ټولنو سره مرسته ده، چې د دغسې کسانو کوربهتوب کوي. Читать дальше...
د افغان نجونو، ښځو او بشري حقونو لپاره د امریکا د متحدو ایالتونو ځانګړې استازې رینا امیري د افغان نجونو او ښځو زړورتیا وستایله. هغې تېره شپه په ټویټر کې لیکلي، د ښځو د بشري حقونو د مدافعانو په نړیواله کچه تر افغان ښځو او نجونو نور الهام بخښونکې نمونې نهشي موندل کېدای. د هغې په خبره افغان ښځې او نجونې د تعلیم، کار او خپلو کورنیو ته د ازادیو لپاره مبارزه کوي. د مېرمن امیري په خبره افغان مېرمنې او نجونې واقعي اتلانې دي، چې له ګواښونو، تاوتریخوالي او زنداني کېدو سره- سره د مبارزې لپاره ولاړېږي. Читать дальше...
د ایران رهبر ایت الله علي خامنه اي، پرون سې شنبه په تهران کې د عراق له نوي صدراعظم محمد شیاع السوداني سره په خبرو کې د بغداد پر هغه تعهد شک وښود، چې د دواړو هېوادونو پر پوله یې د امن د ټینګښت په برخه کې کړی و. د فرانسې خبري اژانس د راپور لهمخې په وروستیو کې د ایران او عراق اړیکې د ایران له قلمرو دباندې د کردانو پر تبعید شویو ډلو د تهران د حملو له کبله ترینګلې شوې دي. تهران د کردانو دغه ډلې په ایران کې ناکراریو ته په لمن وهلو تورنې کړې دي. د ایران رهبر ایت الله علي خامنه اي د السوداني د دې... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости