Новости за 13.12.2022

باختر اژانس چې د طالبانو تر واک لاندې ده خبر ورکړ چې د باميانو له پوهنتون څخه ٥٦٠ تنه ښځينه محصلانې فارغې شوې. خبر زیاتوي په بامیانو کې د طالبانو والي عبدالله سرحدي په دې اړه وویل چې، د طالبانو حکومت د اسلامي شریعت په چوکاټ کې د نجونو د تعلیم ملاتړ کوي. دا په داسې حال کې ده، چې واک ته د طالبانو له راتګ نږدې شپاړس میاشتې تېرې شوې، خو لا هم تر شپږم ټولګي پورته نجونې ښوونځيو ته له تلو منع دي. د طالبانو د حکومت د پوهنې وزارت بیا تېره چهارشنبه د دولسم ټولګي له ټولو نجونو څخه د فراغت ازموینه واخیسته.

د هغې د جنازې او تدفین مراسم پرون د کاناډا په انتاریو ښار کې وشول. د تدفین په مراسمو کې افغان هنرمند استاد شاه ولي وویل: "د هنر یوه الماس وه. بیا به داسې پیدا نه‌شي په ښځو کې. ټول افغانستان، شرق او غرب، جَنوب او شمال ټولو ولایتونو ته تللې. او ډېر په صداقت یې خدمت کړی دی." مېرمن قمرګله د جمعې په ورځ د ډسمبر په نهمه د ورپېښې ناروغۍ له امله ساه ورکړه. مېرمن قمرګل په افغانستان کې د کورنیو جګړو له امله لومړی پاکستان او وروسته له هغه ځایه کاناډا ته کډواله شوې وه.

یونېسف یا د ملګرو ملتونو د ماشومانو وجهي صندوق د پکتیا ولایت په مرکز ګردیز ښار کې د نویو زېږېدلو ماشومانو د پالنې یوه څانګه پرانیسته. د ملګرو ملتونو دې ادارې پرون په ټویټر کې وویل، د ژمي په رارسېدو سره په ماشومانو کې تنفسي ناروغۍ زیاتېږي چې ښايي د ماشومانو لپاره د مرګ خطر وي. یونېسف وايي، د دې ادارې د ډاکټرانو او روغتیايي کارکوونکو معاشونه د نړیوال بانک په مرسته ورکول کېږي. د دغه روغتون يو شمېر مراجعين وايي، چې د اقتصادي ستونزو له امله نه‌شي کولى خپل کورونه د ماشومانو لپاره ګرم وساتي. د... Читать дальше...

د چین دولتي خبري اژانس سینهوا په کابل کې له پروني خونړي برید وروسته په افغانستان کې د چین د سفارت د یوه چارواکي په حواله راپور ورکړی، چې دوی وضعیت له نږدې څاري او په اړه به یې لازم اقدامات وکړي. د طالبانو د حکومت وياند ذبيح الله مجاهد په خپل ټويټر کې ويلي، چې پرون ماښام پر يوه هوټل بريد د درېيو بريدګرو په وژل کېدو پای ته ورسېد. هغه زياته کړې چې د هوټل ټول مېلمانه ژغورل شوي او کوم بهرنی نه‌دی په‌کې وژل شوی. هغه بیا یوازې د دوو بهرنیانو د ټپي کېدو خبره تایید کړې چې په خبره یې له کړکیو یې ځانونه ښکته اچولي وو. Читать дальше...

یوناما د ظریفې یعقوبي له خوشې کېدو د هرکلي تر څنګ د نورو بندي افغان فعالانو په اړه له طالبانو مالومات غوښتي. په کابل کې د ملګرو ملتونو سیاسي استازولۍ دوشنبه ناوخته په خپل ټوېټر د یعقوبي د خوشې کېدو په اړه بیان ورکړی. په بیان کې راغلي چې یوناما په افغانستان کې په واکمنو چارواکو غږ کوي څو ژر تر ژره د نورو فعالانو د حال په اړه د دوی مکررې غوښتنې ځواب کړي. یوناما ویلي دا فعالان د خپل حق لپاره د غږ پورته کولو په خاطر نیول شوي. د افغانستان د بشري حقونو لپاره د ملګرو ملتونو ځانګړي راپور ورکوونکي... Читать дальше...

د روسیې سایبېریا د نړۍ له تر ټولو سړو سیمو یوه ده چې پکې په ډېسېمبر کې د تودوخې کچ اوسطاً منفي ۲۰ درجې سینټیګرېډه ته ټېټېږي. په ژمي کې د سایبېریا په اومسک ښار کې سیند کنګلېږي او خلک ورباندې پاس ګرځي. له دې پرته خلک د سیند یخ ماتوي او بیا پکې لامبو وهي چې پر انساني روغتیا ناسم اغېز کولای شي خو دا د سیمې د اوسېدونکو پخوانی دود دی. په اړه یې د رویټرز او فرانسې خبري اژانسونو له ویډیوګانو جوړ رپورټ.