Новости за 24.12.2020

Дар ҳоле “Барқи тоҷик” лимити барқро бекор кард, сокинони Вилояти Мухтори Куҳистони Бадахшон аз ҷорӣ шудани маҳдудият дар интиқоли барқ ба хонаҳояшон шикоят доранд.

Абдуҳалим Ғаффорзода, раиси Ҳизби сотсиалистӣ ва вакили порлумон аз Шоҳин Саидзода, раиси Оҷонси назорат дар соҳаи маориф пурсид, “ҳоло дар Тоҷикистон чӣ қадар мактабҳои ибтидоии касбӣ ҳастанд ва барномаи таълимии онҳо то куҷо ба талабот ҷавобгӯянд?” Ҷавобро дар инҷо шунавед

Саидҷафъар Усмонзода, раиси Ҳизби демократ ва вакили Маҷлиси намояндагон хитоб ба Шоҳин Саидзода, раиси оҷонси назоарт дар соҳаи маориф гуфт, "фарқ надорад, ки бори аввал аст ё дувум, вазифадоред, хуб тайёрӣ дида оед."

Фаришта Кӯҳистонӣ, яке аз фаъолони ҳуқуқи зан дар вилояти Каписои Афғонистон, аз сӯи шахсони ношинос кушта шудааст.

Президенти Амрико Доналд Трамп дар остонаи соли нави милодӣ 26 нафар, аз ҷумла ду касеро афв кард, ки дар доираи парвандаи дахолати Русия ба интихоботи президентии ин кишвар дар соли 2016 зиндонӣ шуда буданд. Ин ду нафар Пол Манафорт, раҳбари пешини ситоди интихоботии Трамп ва Роҷер Стоун, мушовири пешини президент Доналд Трамп мебошанд, ки гумонбарони асосии тафтишоти дахолати Русия буданд. Пол Манафорт дар созиши зидди Амрико ва ҳимояти ғайриқонунии манфиатҳои президенти пешини Украина Виктор... Читать дальше...

32 дарсади оилаҳое, ки дар як назарсанҷии Бонки Ҷаҳонӣ аз Тоҷикистон иштирок кардаанд, гуфтаанд, хӯрдани хӯрокро кам карданд. Иқтисоддонҳои Бонки Ҷаҳонӣ мегӯянд, гуруснагӣ дар қисме аз хонаводаҳо "падидаи воқеии соли 2020 буд".

Додгоҳе дар Покистон ба озод кардани шахсе дастур дод, ки соли 2002 ба қатли хабарнигори The Wall Street Journal Даниэл Пёрл айбдор шуда буд. Дар ин бора вакили мудофеи ӯ хабар дод. Додгоҳи олии Синд тасмими қаблиро бекор кард. Бино бар он, Аҳмад Умар Саидшайх дар боздошт мемонд. Вакили мудофеъ, Маҳмуд Шайх, хост, ки шахси зери ҳимояташро фаврӣ озод кунанд. Додгоҳи олӣ масъаларо рӯзи 5-уми январи соли оянда баррасӣ мекунад. Саидшайх покистонии зодаи Бритониё ва фориғуттаҳсили мактаби иқтисодии Лондон аст. Читать дальше...

Майя Санду рӯзи 24-уми декабр дар маросиме дар Кишинёв ба ҳайси раисҷумҳури Молдова қасам ёд кард. Вай иқтисоддони собиқи Бонки Ҷаҳонӣ ва тарафдори наздикӣ бо Иттиҳоди Аврупо аст. Сандуи 48-сола моҳи гузашта дар интихоботи пуррақобате Игор Додон, шахси мавриди ҳимояти Русияро шикаст дод. Ӯ ҳалли буҳрони пандемия ва иқтисодро аз барномаҳои муҳими кори худ медонад. Майя Санду дар ҷараёни маъракаи пешазинтихоботӣ ваъда дода буд, ки бо коррупсия дар ин кишвари фақири Аврупо мубориза хоҳад бурд.

Порлумони Руминия ҳукумати ростгаро ва тарафдори Ғарбро тасдиқ кард. Нахуствазир Флорин Ситу, ки ҳукуматро раҳбарӣ мекунад, пештар вазири молия буд ва дар Амрико хондааст. Флорини 48-сола ваъда дод, ки буҳрони коронавирусро "ҳал карда", зарари иқтисодии бемории ҳамагирро ҷуброн мекунад. Коронавируси нав ба беш аз 604 ҳазор кас дар Руминия сироят карда, боис ба марги зиёда аз 14 ҳазору 700 кас шудааст. Пас аз раъйдиҳии порлумон, ҳайати ҳукумат дар ҳузури раиси ҷумҳур Клаус Йоҳаннис савганд ёд хоҳад кард. Читать дальше...

Футболбозони ҷавони тоҷик дар бозии аввали дӯстона ба ҳамсолони эронии худ ғолиб омаданд. Бозӣ бо ҳисоби 2:1 ба анҷом расид

Нигина Мамадҷонова: "Набояд хушунат дар паси анъанаву шариат пинҳон монад".

Соли навро чӣ гуна ҷашн мегиред? Бо ин суол ҳамкорамон Афсона Акобиршо ба сокинони шаҳри Душанбе муроҷиат кард.

Дар Душанбе бозори солинавӣ гарм нашудааст ва нархҳо ҳам аз пештара поинтар будаанд.

Як тоҷик дар додгоҳи Страссбург бар Русия пирӯз шуд, нарху навои солинавӣ дар бозорҳои Душанбе, ҳабси наздикони аъзои ҳизби дар Тоҷикистон манъшудаи наҳзати исломӣ, мусоҳиба бо адиби тоҷик Нигина Мамадҷонова ва матолиби дигар.

Шоҳин Саидзода, раиси Оҷонси назорат дар соҳаи маорифи Тоҷикистон, дар ҷаласаи порлумон ба суоли вакилон пурра посух надод ва мавзӯи бе омодагӣ ҳозир шудани баъзе аз мансабдоронро дар Маҷлиси Намояндагон доғ кард.

Муовини пешини раиси Хадамоти гумруки Қирғизистон Раимбек Матраимов 2 млрд сом ($23,6 млн) ҷуброни зарари расондааш ба давлатро пурра пардохтааст. Раиси Кумитаи амнияти миллии Қирғизистон Камчибек Тошиев дар як нишасти хабарӣ гуфт, 1 млрд 400 млн сом ($16,8 млн)-и ин пулҳо дар шакли нақдина ба буҷаи давлат гузаронида шуданд. "Шашсад миллион сом ($7,2 млн) -и дигар тавассути дар ихтиёри давлат гузоштани амволи ғайриманқул - як фурӯшгоҳ ва 9 хона пардохта шуд. Фурӯшгоҳро дар ихтиёри давлат мегузорем хонаҳоро барои кормандони кумита мемонем. Читать дальше...

Раиси Кумитаи амнияти миллии Қирғизистон Камчибек Тошиев хабар дод, ки зидди раиси Додгоҳи олии ин кишвар Гулбара Калиева парвандаи ҷиноӣ боз шудааст. Тошиев дар посух ба суоли хабарнигорон гуфт, барои ба ҷавобгарӣ кашидани раиси Додгоҳи олии Қирғизитстон "далелҳои кофӣ" дар даст доранд. "Мо тамоми маводро ба Комиссияи интизомӣ додаем. Агар он розигӣ диҳад, мо ӯро ба ҷавобгарӣ хоҳем кашид. Ба назари мо, ӯ қонунро поймол карда, ба давлат зарар расондааст", - афзуд Тошиев. Вале раиси Кумитаи амнияти миллии Қирғизистон дақиқ нагуфт... Читать дальше...

Нахустин вохӯрӣ барои ташкили Муколамаи бонувони раҳбари кишварҳои Осиёи Марказӣ 23 декабр дар шакли онлайнӣ баргузор шуд. Ба огаҳии хадамоти иттилооти Сенати Маҷлиси олии Узбекистон, дар чорабинӣ намояндагони панҷ кишвари Осиёи Марказӣ, раҳбари маркази минтақавии СММ оид ба дипломатияи пешгирона дар Осиёи Марказӣ Наталя Герман ва сардори дафтари минтақавии Барномаҳои рушди СММ оид ба кишварҳои Аврупо ва Иттиҳоди Давлатҳои Мустақил Миряна Сполярич Эггер иштирок карданд. Дар вохӯрӣ нақши бонувон... Читать дальше...

Бозии дӯстона миёни тимҳои мунтахаби ҷавонони зери 19-солаи Тоҷикистон ва Эрон, ки имрӯз, 24-уми декабр, дар Варзишгоҳи марказии Душанбе бе ҳузури тамошогарон доир гардид, бо пирӯзии футболбозони тоҷик бо ҳисоби 2:1 ба анҷом расид. Ҳарсе гол дар нимаи дувуми дидор зада шуд. Алӣ Субҳонӣ, бозигари мунтахаби Эрон, дар дақиқаи 56-ум, тӯбро аз масофаи наздик бо зарбаи сар ба дарвоза зада, ҳисобро боз кард. Зимнан, меҳмонон имкон доштанд, ки ҳанӯз ду дақиқа пеш аз ин гол муваффақ шаванд. Вале Ёсин Салмонӣ... Читать дальше...

Беморхонаи сироятие, ки дар вилояти Бодканди Қирғизистон бо сармоягузории Узбекистон бунёд мешуд, мавриди истифода қарор гирифт. Дар Вазорати тандурустии Қирғизистон гуфтанд, ки беморхонаи мазкур пурра бо пули Узбекистон бунёд ва муҷаҳҳаз шудааст. Дар маросими ифтитоҳи беморхона вазири тандурустии Қирғизистон Алимкадир Бейшеналиев ва ҳайати Узбекистон ба раҳбарии муовини аввали вазири тандурустии ин кишвар Амрулло Иноятов иштирок карданд. Беморхона аз ду қисм иборат буда,  214 кати хоб дорад. Читать дальше...

Додгоҳи ноҳияи Исмоили Сомонии Душанбе ду нафарро бо гуноҳи "дастрас кардани кумак" ба хонаводаи аъзои зиндонии ҳизби дар Тоҷикистон мамнӯи наҳзати исломӣ маҳкум кардааст.

Ҷӯрабек Муродов, ҳунарманди мардумии Иттиҳоди Шӯравӣ, рӯзи 24-уми декабр 78-сола шуд. Пайвандонаш гуфтанд, ба сабаби бемории ҳамагир чанд вақт боз аз хона берун намешавад ва дар маҳфилҳои мардум низ ҳунарнамоӣ намекунад.

Ҷӯрабек Муродов, ҳунарманди мардумии Иттиҳоди Шӯравӣ, рӯзи 24-уми декабр 78-сола шуд. Пайвандонаш гуфтанд, ки ба сабаби бемории ҳамагир чанд вақт боз аз хона берун намешавад ва дар маҳфилҳои мардум низ ҳунарнамоӣ намекунад.

Худоёр Худоёрзода, вазири пешини нақлиёти Тоҷикистон, ки моҳи августи имсол, баъди ба гуфтаи мақомот "қасди худкушӣ", аз мансаб барканор шуд, муовини раиси намояндагии ширкати IRS (Инновейтив Роуд Солюшнз) таъин шудааст.

Додгоҳи аврупоии ҳуқуқи башар, воқеъ дар Страсбурги Фаронса, аз Русия тақозо кардааст, ки шаҳрвандии Бахтиёр Усмонов, як зодаи Тоҷикистонро барқарор кунад ва барояш 11 ҳазор евро ҷуброн пардозад.