Новости за 20.03.2021

Русия яке аз 19 кишвари ҷаҳон аст, ки хориҷиёнро барои гирифторӣ ба бемории ВИЧ, вируси норасоии масунияти бадан, аз қаламраваш меронад. Бино бар ин, муҳоҷирони бемор аз хавфи "депортатсия" шудан ба табибон муроҷиат намекунанд ва ба кору будубоши ғайриқонунӣ идома медиҳанд.

Пулиси Покистон рӯзи 20-уми март гуфт, ки қатли як рӯзноманигорро дар вилояти Синд таҳқиқ мекунад.

Як мансабдори баландпояи Афғонистон гуфт, ҳукумати ин кишвар ва гуруҳи Толибон дар нишасти Маскав розӣ шудаанд, ки барои поён бахшидан ба ҷанги тӯлонӣ музокироти сулҳро суръат бахшанд.

Туркия аз як паймон ё аҳдномаи муҳими аврупоӣ дар мавриди муҳофизати занон аз хушунат, ки бори аввал даҳ сол пеш имзо шуда, номи шаҳри бузургтаринашро дорад, берун шуд.

Вазири тандурустии Покистон хабар дод, ки нахуствазири ин кишвар, Имрон Хон, ба коронавируси нав мубтало шудааст.

Ллойд Остин, вазири дифои Амрико, дар мулоқот бо Раҷнат Сингҳ, вазири дифои Ҳинд, беҳбуди равобити низомии ду кишварро баҳс кардааст.

Сарнавишти як хобгоҳи бозмонда аз Шӯравии собиқ дар ноҳияи Рӯдакӣ ҷанҷолбарангез шуд. Сокинонаш мегӯянд, чанд сол пеш барои хусусӣ кардани хонаҳо пул доданд, аммо ҳанӯз аз супурдани маблағи иҷора озод нестанд. Молики хобгоҳ мегӯяд, талаби пули ҷора қонунист, чун сокинон санад надоранд.

Варзишгарони тоҷик аз муттаҳам шудани қаҳрамони олимпӣ Дилшод Назаров ба истифодаи допинг ва ҳамчунин ба мудати 2 сол маҳрум кардани ӯ аз ҳаққи иштирок дар мусобиқаҳои ҷаҳонӣ, сахт нигарон ҳастанд

Президенти Узбекистон Шавкат Мирзиёев дар ҷараёни сафараш ба вилояти Тошканд ба суоли рӯзноманигорон дар бораи маркази фароғатии Шоввозсой, ки баъд аз як таҳқиқоти бахши узбекии Радиои Озодӣ баҳсбарангез шуд, посух дод.

Бо фаро расидани ҷашни Наврӯз, созмони Хабарнигорони Бидуни Марз аз ҳукумати Эрон хостааст, 21 журналист ва шахсони дигарро, ки ғайриодилона маҳкум шудаанд, озод кунад.

Убайдулло Раҷабов, ҳунарманди шинохта ва бунёдгузори театри “Ойина”, мегӯяд, ҳоло сухану фикри тозаеро дар ҳаҷви тоҷик намебинад, аммо ба ояндаи беҳтари он умедвор аст. Суҳбати мо бо Раҷабов рӯзи 18-уми март ва дар остонаи ҷашни 80-солагияш баргузор шуд.

​Убайдулло Раҷабов, ҳунарманди шинохта ва бунёдгузори театри “Ойина”, мегӯяд, ҳоло сухану фикри тозаеро дар ҳаҷви тоҷик намебинад, аммо ба ояндаи беҳтари он умедвор аст.

Финландия соли чаҳорум аст, ки пайиҳам хушбахттарин кишвари ҷаҳон шинохта мешавад.

Дар Сурия, ки аз ҷанги дохилии он 10 сол сипарӣ шуд, мардум дар Идлиб, охирин такягоҳи мухолифони давлат, аз як даҳаи зиндагии омехта бо хунрезиву муҳтоҷӣ ёд меоранд.

Танҳо баъд аз анҷоми фаъолияти онҳо рӯшан хоҳад шуд, ки Русия марзҳояшро ба рӯйи сокинони Тоҷикистон мекушояд, ё не.