Новости за 15.03.2021

Дар Афғонистони ҷангзада, ки қисми зиёде аз мардумаш қашшоқ ҳастанд, ҷабри ҷанги хунрезиҳои тулониро бештар аз ҳама занону кӯдакон мекашанд. Ҳазорон мавриде будааст, ки дар ин кишвар зане аз ночорӣ кӯдакашро ба оилаи бефарзанде фурӯхтааст, то бачаҳои дигараш аз гуруснагӣ намиранд.

Як созмони ҳомии ҳуқуқи мазҳабӣ мегӯяд, мақомоти зиндонҳои Тоҷикистон яке аз пайравони бемори “Шоҳидони Яҳво”-ро батакрор аз муолиҷаи муносиб маҳрум кардаанд, ки мухолиф ба меъёрҳои байналмилалии ҳимоят аз ҳуқуқи инсон аст.

Ҷунбиши Толибон гуфт, намояндагонашро ба конфронси сулҳ дар Русия мефиристад. Муҳаммад Наим, сухангӯи дафтари сиёсии Толибон дар Қатар, рӯзи 15-уми март гуфт, ҳайати 10-нафариро Мулло Бародар раҳбарӣ хоҳад кард.

Як мансабдори баландпояи Озарбойҷон гуфт, "асирони ҷанг"-ро, ки ҳангоми низоъ дар Қаробоғи Кӯҳӣ дастгир шудаанд, ба Арманистон дод.

Светлана Тихановская, раҳбари мухолифон дар Беларус, аз се зиндонии сиёсӣ хостааст, ба гуруснанишинии худ алайҳи боздошту саркӯби эътирозгарон хотима диҳанд.

Оҷонсии хабарии давлатии ТАСС дар Русия навишт, ки сиёсатмадори мухолифи ҳукумат Алексей Навалний дар як зиндони шаҳри Покров нигаҳдорӣ мешавад. Айни замон, ба иттилои ҳамкоронаш, ба онҳо дар бораи макони нигаҳдории ӯ ҳеҷ иттилои расмӣ дода нашудааст. Ба навиштаи хабаргузорӣ, дар номае, ки дастрас кардааст, Навалний дар муассисаи ислоҳии рақами 2-и Покров мебошад ва ӯро зоҳиран чанд рӯз пеш ба он ҷо интиқол додаанд. Ин хабар дар ҳолест, ки вакили дифои Навалний ҳафтаи гузашта гуфт, вақте ба боздоштгоҳи вилояти Владимир барои дидани ӯ рафт... Читать дальше...

Сокинони ду деҳа дар сарҳади Тоҷикистону Қирғизистон хоҳони кушода шудани гузаргоҳҳои миёни ду кишвар ҳастанд. Ин гузаргоҳҳоро соли гузашта бо ҳадафи пешгирӣ аз равуои мардум ва, ҳамин тавр, ҷилавгирӣ аз густариши бемории коронавирус баста буданд.

Тими ҳуқуқшиносони Аун Сан Суҷи гуфт, ки мурофиаи маҷозии раҳбари мадании Мянмар бо сабаби рух додани мушкилоти интернетӣ барпо нашуд, дар ҳамин ҳол дар ин кишвар дар паи саркӯбҳои тозаи эътирозҳо панҷ нафари дигар кушта шудааст. Дар як навори видеоии 15-уми марте, ки оҷонсии Рейтерс нашр кард, вакили дифоъ Хин Маунг Зо гуфт, ки мурофиаи додгоҳӣ то нӯҳ рӯзи дигар ба таъхир афтод ва ба гуфтаи ӯ, ба Сансуҷӣ иҷоза доданд, ки аз ҳуқуқи ӯ ду вакилаш намояндагӣ кунанд. Раҳбари 75-солаи Мянмар ва барандаи... Читать дальше...

Дар вилояти Маскав мақомот аз боздошти як гуруҳи фаромиллӣ хабар медиҳанд, ки ба ташкили муҳоҷирати ғайриқонунӣ машғул будаанд. Дафтари матбуоти Раёсати амнияти вилояти Маскав хабар дод, ки ин гурӯҳ бар ивази пул ҳуҷатҳои тақаллубӣ таҳия карда, муҳоҷиронро ғайриқонунӣ ба Русия овардааст.

Аз бунёди хандақҳо дар марзи Тоҷикистону Қирғизистон амнияти ду кишвар беҳтар шуд ё не маълум нест. Аммо тиҷорати наздимарзӣ миёни ду кишвар коҳиш ёфт

Дар ноҳияи Балҷувон дар корхонаи коркади сангҳои ороиширо ифтитоҳ карданд аз камбуди харидор ранҷ мебарад. Ин корхона тогбистони соли 2019 дар як маъракаи мутантан бо ширкати раисҷумҳур Эмомалӣ Раҳмон ифтитоҳ шуда буд.

Вакили дифои як ҷаҳонгарди фаронсавӣ, ки 10 моҳ пеш дар Эрон боздошт шуда буд, дар  “ҷосусӣ” ва “паҳн кардани таблиғоти зидди низом” муттаҳам мешавад. Саид Деҳқон рӯзи 15-уми март дар Твиттераш навишт, ки Бенҷамин Бриери 35-сола барои аксгирӣ дар “манотиқи мамнӯъ” ва “суолгузорӣ дар шабакаҳои иҷтимоӣ” дар заминаи пӯшидани ҳиҷоб, ки либоси ҳатмии занона дар Эрон ва бархе дигар кишварҳои исломӣ маҳсуб меёбад, муттаҳам мешавад. Қонунҳои Эрон ба муттаҳам дар ҷосусӣ то  10 соли зиндонро пешбинӣ мекунанд. Читать дальше...

Раҳбарони Қазоқистону Узбекистон дар бораи тағйирот дар кишварҳои худ бисёр мегӯянд, аммо ислоҳот дар мавриди таъмини ҳуқуқ ва озодиҳои бунёдӣ ҳанӯз дар сатҳи гап мондааст.

Шавкат Ниёзӣ, адабиётшиноси маъруфи тоҷик ва бародари нависанда Фотеҳ Ниёзӣ, дар 92-солагӣ дар Русия даргузашт.

Бозии даври ҳафтуми марҳилаи дувуми интихобии қаҳрамонии ҷаҳон-2022 дар гурӯҳи "F" байни дастаҳои мунтахаби Тоҷикистон ва Муғулистон 25-уми март дар Варзишгоҳи марказии Душанбе бо ҳузури тамошобинон доир мегардад.

Се созмони ғайридавлатии воқеъ дар Фаронса, Сурия ва Русия аз болои Гурӯҳи «Вагнер», як ширкати қарордодии низомии Русия, ки ба элитаи сиёсии ин кишвар рабт дорад,  шикоят карда, кормандони онро дар шиканҷаи боздоштшудаҳо дар Сурия гунаҳгор карданд.  Дар изҳороти  Федератсияи байналмилалии ҳуқуқи башар, Маркази Сурия оид ба матбуот ва озодии баён ва ҳам Маркази ҳомии ҳуқуқи «Мемориал» аз рӯзи 15-уми март омадааст: «Шикояти мазкур аввалин талоши як оилаи суриягӣ барои ба ҷавобгарӣ кашидани гумонбарони... Читать дальше...

Шаҳрвандони Қирғизистон, ки пештар дар Тоҷикистон боздошт шуда буданд, ба ватан баргаштаанд. Дар ин бора аз ҳукумати вилояти Бодканд хабар медиҳанд. Ба иттилои манбаъ, панҷ сокини вилояти Бодканд ва ду сокини шаҳри Ӯш, ки дар убури ғайриқонунии марзи Тоҷикистон айбдор мешуданд, рӯзҳои 13 ва 14 март ба хонаҳояшон баргаштанд. Пештар ду сокини боздоштшудаи шаҳри Бишкек низ баргашта буданд. Масъулони ҳукумати вилояти Бодканд мегӯяд, шаҳрвандони Қирғизистон барои убури ғайриқонунии марзи Тоҷикистон ҷарима шудаанд. Читать дальше...

Дар як шабонарӯзи охир дар Тоҷикистон ҳафт ҳолати тарма ба амал омада сабабгори  баста шудани роҳҳо гардидааст. Ба иттилои Кумитаи ҳолатҳои фавқуллода, рӯзи 14-уми март дар ноҳияҳои Шуғнон, Рушон ва Ишкошими Вилояти мухтори кӯҳистони Бадахшон тарма фаромад ва дар натиҷа роҳҳои мошингард дар самти Хоруғ-Ишкошим, Хоруғ-Мурғоб, Хоруғ-Кӯлоб- Душанбе муваққатан баста шуданд. Дар ҳамин ҳол, дар роҳи Ваҳдат-Лахш-Саритош, ки то ба Қирғизистон мебарад, ҳамчунин тарма фаромадааст. Ҳаҷми тармаро Кумитаи ҳолатҳои... Читать дальше...

Ҳукумати Тоҷикистон барномаи ислоҳоти низоми зиндонҳои Тоҷикистонро то соли 2025 тасдиқ кардааст. Мувофиқи ин барнома, аз ҷумла харидорӣ ва насби дурбин ва ё камераҳои мушоҳидавӣ дар ҳама зиндонҳо пешбинӣ шудааст. Дар ҷадвали ислоҳоте, ки ҳукумат тасдиқ кард ва матнаш  рӯзи 15-уми март дастраси Радиои Озодӣ шуд,  гуфта мешавад, бо насби дурбинҳои назоратӣ инчунин “нуқтаи мутамаркази назорати рафтори маҳкумшудагон” дар кишвар ташкил карда мешавад. Ҳамчунон дар доираи барномаи ислоҳот харидорӣ ва насб кардани таҷҳизоте... Читать дальше...

Додгоҳи олии Тоҷикистон ҳукми Баҳром Иноятзода, раиси пешини шаҳри Кӯлобро бетағйир гузоштааст.

Бозии даври ҳафтуми марҳилаи дуюми интихобии Ҷоми Ҷаҳон-2022 дар гурӯҳи "F" миёни дастаҳои мунтахаби  Тоҷикистон ва Муғулистон бо иштироки мухлисон баргузор мегардад

Баъди он ки хабарҳо аз лахташавии хун дар ҷисми бархе муштариён паҳн шуд, шумори кишварҳое, ки аз истифодаи муваққатии воксинаи AstraZeneca ба муқобили COVID-19 даст мекашанд, афзоиш ёфт. Ҳолланд ба сафи Ирландия, Дания, Норвегия, Булғористон ва Тайланд пайваст шуд, ки баъди хабарҳо аз хатари лахташавии хуни бархе эмшудаҳо тасмим гирифтанд ин воксинаро аз истифода боздоранд. Ҳолланд гуфт, ки қарораш бар пояи гузоришҳо аз Дания ва Норвегия гирифта шудааст, ки лахташавии хунро ҳамчун як таъсири паҳлӯӣ... Читать дальше...

Гурӯҳи нозирони ҳуқуқи башар дар Сурия рӯзи 14-уми март ва дар остонаи даҳсолагии ҷанги дохилӣ дар ин кишвар омори кушташудагонро беш аз 388 ҳазор нафар эълон кард.

Мусобиқаи 30-юми қаҳрамонии футболи Тоҷикистон бо ширкати даҳ дастаи лигаи олӣ рӯзи 4-уми апрел оғоз меёбад. Дар ин бора сомонаи Федератсияи футболи Тоҷикистон (ФФТ) хабар медиҳад. Ба иттилои манбаъ, маросими қуръакашии мусобиқаи қаҳрамонии футболи Тоҷикистон миёни дастаҳои лигаи олӣ 12-уми март дар Маркази таълимии Бонки миллӣ дар шаҳри Гулистони вилояти Суғд баргузор шуд. Мусобиқаи имсола дар се марҳила доир мегардад ва ҳар даста 27 бозӣ анҷом хоҳад дод. Бар асоси натоиҷи қуръакашӣ дар даври... Читать дальше...

Бозиҳои даври дуюми Ҷоми Лигаи футболи Тоҷикистон (ЛФТ)-2021 рӯзи шанбе, 13-уми март, дар шаҳри Гулистони вилояти Суғд, дар майдонҳои осоиишгоҳи “Баҳористон” ва Маркази таълимии бонки миллӣ баргузор шуданд. Ба иттилои дафтари матбуоти Федератсияи футболи Тоҷикистон, дар мусобиқаи пеш аз мавсим 11 даста - ҳашт бошгоҳи лигаи олӣ – ССКА, “Душанбе-83” (ҳар ду аз Душанбе), “Эсхата” (Хуҷанд), “Истаравшан” (Истаравшан), “Кӯктош” (Рӯдакӣ), “Хатлон” (Бохтар), “Равшан” (Кӯлоб), «Файзканд» (Восеъ), инчунин... Читать дальше...