Новости за 04.06.2021

Вазорати корҳои хориҷии Тоҷикистон дар робита ба ҳодисаи ахир дар марз ба сафири Қирғизистон дар Душанбе нотаи эътирозӣ супурдааст. Дар Вазорати корҳои хориҷии Тоҷикистон рӯзи 4-уми июн гуфтанд, ки нотаро ба Жаниш Рустенбеков, сафири Қирғизистон дар Душанбе супурдаанд. “Тибқи ҳуҷҷатҳое, ки қаблан ҳарду ҷониб ба имзо расонида буданд, отряди марзбонии мо дар қаламрави тавсифшудаи Тоҷикистон қарор дорад. Он чӣ он ҷониб даъво дорад, бо воқеият мувофиқ нест. Мо ҳифзи марзи худро дар қаламрави худ ба роҳ мондаем. Читать дальше...

Узбекистон тасмим гирифтааст, ки аз шаҳри Самарқанд то ба ноҳияи Айнии вилояти Суғд роҳи оҳан созад.

Камчибек Тошиев, раҳбари КДАМ-и Қирғизистон гуфт, ки ҷониби Тоҷикистон контейнер ё вагонҳоро дар минтақаи баҳсӣ гузоштааст. Тоҷикистон ин ҳарфро қабул надорад ва мегӯяд, ин минтақа хоки Тоҷикистон аст. Тошиев ин ҳарфро рӯзи 4-уми июн замони сафар ба Унжу-Булоқи ноҳияи Чон-Алай, наздик ба марзи Тоҷикистон, ба забон овард. Дар ин ҷо субҳи 4-уми июн марзбонони Тоҷикистон дидбонгоҳ дуруст карданд. “Ин минтақаи мушаххасшуда нест. Бар асоси харитаҳои онҳо аз солҳои 1924 ва 1989 ин минтақа ба онҳо тааллуқ дорад. Читать дальше...

Қасри бостонӣ дар ҷануби Афғонистон ба паноҳгоҳ табдил ёфтааст.

Аввали ҳафтаи оянда, рӯзи 7-уми июн Рӯзи байналмилалии амнияти ғизо аст. Дар Тоҷикистон ҳам ин масъала аҳамияти хоса дорад, зеро мардуми камбизоат баъзе аз маводи ғизоиро барои зимистон захира мекунанд.

Узбекистон тасмим гирифтааст аз шаҳри Самарқанд то ба ноҳияи Айнии вилояти Суғд роҳи оҳан сохта, истифодаи дубораи қитъаи роҳи оҳан аз Бекобод то ноҳияи Конибодом барои боркашонӣ ва барқӣ кардани онро роҳандозӣ кунад.

Вазорати корҳои хориҷии Қирғизистон ба сафири Тоҷикистон дар ин кишвар нота ё ёддошти эътирозӣ супурдааст.

Дар вилояти Уши Қирғизистон як чархболи низомие, ки Камчибек Тошиев, раҳбари КДАМ-и ин кишварро ҳамроҳӣ мекард, дар роҳ ба сӯи ноҳияи Чон-Алай, наздик ба марзи Тоҷикистон, ба замин афтодааст. Манобеи бахши қирғизии Радиои Озодӣ гуфтаанд, ки дар ин чархбол 14 нафар савор будааст ва чор нафарашон ҷароҳати сабук бардоштаанд. Тибқи иттилои расида, ҳодиса дар деҳаи Кичи-Алайи ноҳияи Арван рух додааст. Гуфта мешавад, ки чархбол оташ гирифта, сӯхтааст. Ин чархбол ба Вазорати мудофиаи Қирғизистон таалуқ доштааст. Читать дальше...

Нархи осмонии билети ҳавопаймо ва гаронии патент барои кор дар Русия бештари муҳоҷирони кишварҳои Осиёи Марказиро водор сохтаааст, ки ба ҷои он кишвар ба Қазоқистон бираванд. Дилшодбек, муҳоҷири корӣ аз Қӯқанди Узбекистон, ки давоми даҳ соли ахир барои кор ба Русия мерафт, мегӯяд, имсол мехоҳад, ба Қазоқистон равад. "Ҳаққи музди меҳнат дар Қазоқистон кам аст, вале ҳисоб кардам, дар ниҳоят ҳеч фарқе аз даромад дар Русия надорад. Як хешам, ки моҳи май ба Русия рафт, бо наздики 600 доллари амрикоӣ... Читать дальше...

Рӯзи 2-юми июн ду бозии мавқуфмондаи даври ҳафтуми мусобиқаи қаҳрамонии футболи Тоҷикистон миёни дастаҳои лигаи олӣ баргузор шуд. Дастаи “Хуҷанд”-и шаҳри «Хуҷанд дар майдони худ бар тими “Файзканд”-и ноҳияи Восеъ бо ҳисоби 1:0 ғолиб омад. Голи ягонаро Эҳсон Бобоев дар дақиқаҳои охири дидор ба самар расонид. Бозии дигар миёни дастаҳои ССКА-и Душанбе ва “Равшан”-и Кӯлоб бо ҳисоби мусовии 3:3 анҷом ёфт. Голҳои ССКА-ро Шервонӣ Мабатшоев (аз пеналти), Комрони Мирзохон ва Элчибек Рашидбеков, голҳои... Читать дальше...

Раёсати минтақавии Вазорати корҳои дохилӣ дар минтақаи Рашт Саъдулло Худоёров, як сокини ин ноҳияро, ки гуфта буд, лату куб шудааст, ҷабрдида эътироф намудааст ва нисбат ба ҳодиса парвандаи ҷиноятӣ боз кардааст.

Додгоҳе дар шаҳри шимолии Павлодар дар қазияи панҷ фаъоли маҳаллӣ ҳукми наздик ба афвро содир кард. Ин фаъолон ба ҳизби мамнӯи “Коше” (“Кӯча”) рабт доранд, ки дар баробари дигар гурӯҳҳову ҳизбҳои манъшудаи  мисли “Интихоби демократии Қазоқистон” (ИДҚ) мавриди саркӯб ва таъқиб мебошад. Бар асоси ҳукми додгоҳ аз 4-уми июн, Нургул Қалуова ба 18 ва чор нафари дигар -  Дарин Хасенов, Қалиасқар Амиренов, Жанат Жамалпкев ва Мақсут Аппасов ба як соли маҳдудияти озодӣ маҳкум шуданд. Ин нафаронро созмонҳои... Читать дальше...

ТВ-и давлатии Беларус як видеои дигареро нашр кард, ки дар он журналисти боздоштшуда аз дохили ҳавопаймои ширкати Ryanair, ки рӯзи 23-юми май дар Минск фуруд оварда шуд, гӯё ба ҷиноятҳои содиркардааш “иқрор” мешавад. Рӯзи 3-юми июн дар барномае бо номи “Ничего личного”, ки дар ОНТ – як телевизиони беларусӣ нашр шуд, Раман Пратасевичи гиряолуд раҳбари худкома Александр Лукашенкаро ситоиш мекунад ва мегӯяд, ки баъди боздошт дар “ташкили беназмиҳои ҷамъиятӣ иқрор мешавад“. Пратасевич масъули собиқи... Читать дальше...

Ёвари муовини котиби давлатии ИМА Метю Палмер ва фиристодаи Иттиҳоди Аврупо дар музокироти Белграду Приштина Мирослав Лайтсак  ба Сербия рафтанд, то ин кишварро ҳам водор бикунанд, ки барои оддӣ шудани равобит бо Косово муколамаро аз сар бигиранд.  Александр Вучич, президенти Сербия  дар як изҳороташ тавассути Инстаграм рӯзи 3-юми июн баъди анҷоми гуфтугӯяш бо мақомоти амрикоиву аврупоӣ навишт: “Бовар дорам, ки дар муколама бо Косово имкони дастёбӣ ба созиш вуҷуд дорад”. Ҳукумати Сербия гуфтааст... Читать дальше...

Мақомоти тоҷик изҳороти ҷониби Қирғизистон дар робита ба “муташанниҷ” шудани вазъ дар марзи миёни ду кишварро "ғайривоқеӣ" хонд.

Аз шаҳри Иркутски Русия ҷасади ду муҳоҷири тоҷикро ба ватан интиқол доданд. Ин ду нафар, ки 51 ва 62 сол доштаанд, аз бемории ҷигар вафот кардаанд. Чанд рузи пеш Алишер Ширинов, раиси ҷамъияти тоҷикони Иркутск дар як муроҷаити видеоӣ аз муҳоҷирони тоҷик даъват карда буд, ки барои фиристодани тобути фавтидаҳо кӯмаки молӣ расонанд. Баъдан Ширинов, дар як навори дигар гуфт, ки маблағ барои интиқоли ҷасадҳо аз тарафи тоҷикон ҳамагӣ дар байни ду соат ҷамъ шуд. Ҳар сол дар Русия садҳо шаҳрванди Тоҷикистон  бо иллтаҳои гуногун вафот мекунанд. Читать дальше...

Бо вуҷуди нармтар шудани маҳдудиятҳои марбут ба коронавирус, шумораи муҳоҷирони меҳнатӣ дар Русия коҳиш меёбад. Аз ҷумла, сафари муҳоҷирон аз Тоҷикистон ба ин кишвар дар соли ҷорӣ 37 дарсад ва аз Узбекистону Қазоқистон 42 дарсад кам шудааст. Нашрияи русии “Коммерсант” мегӯяд, то 1-уми майи имсол 2 миллиону 680 ҳазор нафар аз шаҳрвандони хориҷӣ ба Русия ворид шудаанд, ки дар қиёс ба як соли пеш 35 фойиз кам мебошад. Дар айни замон, муовини сарвазир Марат Ҳуснулин ба хабаргузориҳои русӣ гуфтааст, норасоии... Читать дальше...

Дар Тоҷикистон дар чанд рӯзи оянда гармии фавқуллода пешгӯӣ шудааст. Маркази обуҳавошиносӣ мегӯяд, ба эҳтимоли зиёд то 7-уми июн гармии ҳаво дар кишвар то 45 дараҷаро ташкил намуда, хокбод низ дар назар аст. Ба сокинон тавсия додаанд, ки  рӯзона аз гаштугузори тӯлонӣ дар ҳавои тоза  худдорӣ кунанд. Бахусус беморони дил ва онҳое, ки аз фишорбаландӣ азият мешаванд, саломатии худро эҳтиёт намоянд. Ҳамчунин машварат дода шудааст, ки ҳар як  сокин дар ин шабурӯзи гармо  то ду литр об дар рӯз бинӯшанд.

Полиси Ҳонгконг як раҳбари ҳаракатҳои демократиро боздошт кард, ки барои  ташкили маросими шамъафӯзӣ ба хотири  қурбониёни саркӯбҳои майдони Тянанмин дар 32-юмин солгарди амалҳои саркӯбгаронаи ҳукумати Чин алайҳи эътирозгарони демократӣ гунаҳор мешавад. Ба иттилои матбуоти Ҳонгконг, хонум Чоу Ҳан Тун, муовини раиси  Эътилофи мусоидат ба ҳаракатҳои демократии ватандӯстонаи Чин рӯзи 4-уми июн аз ҷониби полис боздошт шуд. Полис ҳабси ин фаъолро ҳанӯз шарҳ надодааст, вале як манбаи хабаргузории  AFP гуфт... Читать дальше...

Human Rights Watch (HRW) ва беш аз 20 созмону гурӯҳҳои дигар аз парлумони  Украина хостанд, ки пеш аз қабули қонуни нав дар бораи фаъолияти хадамоти амниятии ин кишвар, камбудиҳоро ислоҳ карда, даст ба ислоҳоти ин низом зананд. HRW яке аз 23 созмони маданӣ аст, ки  дар номае ба унвонии президенти Украина Владимир Зеленский ва ҳаммуаллифони тарҳи қонун ислоҳи “бахшҳои мушкилзои қонун”-ро тақозо карданд. Интизор меравад, ки тарҳи ин қонун моҳи ҷорӣ қабул шавад. Ин ислоҳот тағйири кори хадамоти амният ё СБУ-и Украинаро дар назар мегирад. Читать дальше...

Созмони ҷаҳонии тандурустӣ гуфт, ки ҷараёни тақсими воксинаҳои зидди COVID-19 дар Африқо тақрибан бас шудааст, чун дар ду ҳафтаи ахир дар ин қора афзоиши якбораи ҳодисаҳои олудашавӣ ба коронавирус мушоҳида мешавад. Дар ҳамин ҳол ИМА эълон кард, ки барномаи таъмини кишварҳои дигарро бо воксина ба роҳ мемонад. Танҳо дар Африқои Ҷанубӣ дар як ҳафтаи гузашта ҳодисаҳои гирифторӣ ба коронавирус 60 дарсад афзоиш ёфтааст. Рӯзи 3-юми июн президенти ИМА Ҷо Байден эълон кард, ки барои таъмини кишварҳои нодор... Читать дальше...

Дастаи мунтахаби миллии футболи Тоҷикистон барои анҷом додани ду бозии боқимондааш дар доираи марҳилаи дуюми интихобии қаҳрамонии ҷаҳон-2022 дар гурӯҳи “F” муқобили дастаҳои мунтахаби Ҷопон (7-уми июн) ва Мянмар (15-уми июн) рӯзи 3-юми июн аз Дубай ба Осака расид. Ба иттилои дафтари матбуоти Федератсияи футболи Тоҷикистон, ба ҳайати мунтахаби кишвар бо раҳбарии сармураббӣ Усмон Тошев 24 бозигар – 3 дарвозабон, 7 ҳимоятгар, 9 нимҳимоятгар ва 5 ҳамлагар - дохиланд. Вале капитан ё сарвони «Истиқлол»-и... Читать дальше...

Хадамоти марзбонии Кумитаи давлатии амнияти миллии Қирғизистон вазъ дар минтақаи марзии Унжу-Булоқи ноҳияи Ҷон-Олойи вилояти Уш дар марз бо Тоҷикистонро "муташанниҷ" гуфтааст. Ин минтақаи Қирғизистон бо ноҳияи Лахши водии Рашти Тоҷикистон ҳаммарз мебошад. Тибқи изҳороти ҷониби Қирғизистон, соати 3-и бомдоди 4-уми июн ҷониби Тоҷикистон дар минтақаи ҳанӯз аломатгузоринашуда дар дарунтар аз 1000 метр дар қаламрави Қирғизистон, контейнер ё вагонҳо ҷойгир кардааст. Ба гуфтаи Хадамоти марзбонии Қирғизистон... Читать дальше...

Як сарбози Нерӯҳои марзбонии Тоҷикистон дар рудхонаи Панҷоби ноҳияи Ҳамадонӣ ғарқ шудааст. Мақомот мегӯянд, ки ҷустуҷӯи ҷасади ин марзбон идома дорад. Як манбаъ дар ҳукумати ноҳияи Ҳамадонӣ рӯзи 4-уми июн ба Радиои Озодӣ гуфт, ки марзбони ғарқшуда Юсуфҷон Музаффарзода, сокини шаҳраки Бустони ноҳияи Мастчоҳ мебошад. Музаффарзода тирамоҳи соли 2020 ба артиш даъват шуда, аз шаш моҳ ба ин тараф дар қисми марзбонии ноҳияи Ҳамадонӣ хизмат мекард. Ба иттилои манбаъ, ин марзбон дар пайи гармии ҳаво хостааст... Читать дальше...

Оҷонси парвозҳои ҳавоии ИМА (НАСА) эълом кард, ки барои омӯзиши ҳаво ва хусусиятҳои геологии сайёраи Зуҳра ду пайк ё дастгоҳи нав мефиристад. Ба иттилои "Садои Амрико", раҳбари НАСА Билл Нелсон рӯзи чоршанбе дар нахустин паёмаш ба кормандони оҷонс гуфтааст, ҳадафи онҳо муайян кардани он аст, ки чи гуна дувумин сайёраи аз нигоҳӣ дурӣ ба Офтоб "дунёи монанд ба ҷаҳаннам" шудааст. Маъмурияти "ДАВИНЧИ Плюс" бо ташхиси ҳавои Зуҳра машғул хоҳад шуд. Он бояд муайян кунад, ки дар гузашта дар сайёра уқёнус ва ҳаёти органикӣ мавҷуд буд, ё не. Читать дальше...