Новости за 06.06.2021

Номзадҳо ба мансаби президенти Эрон дар мунозираи аввалини худ дар мавриди буҳрони иқтисодӣ дар он кишвар баҳс карданд. Интихоботи раёсати ҷумҳурӣ дар Эрон 18-уми июни имсол баргузор хоҳад шуд.

Эътилофи байналмилалии OneFreePress, қароргоҳаш дар Ню-Йорк, номи Ҳумайро Бахтиёр, хабарнигори тоҷики муқими Аврупоро дар рӯйхати даҳ нафари зери хатар қарор дод.

Шӯришиёни ҳусӣ дар Яман иддао карданд, ки бо ҳавопаймои бесарнишин ба ҷануби Арабистони Саудӣ ҳамла анҷом доданд.

Айби занҳо ё мардҳост, ки бо вуҷуди ғайриқонунӣ будан сафи занҳои ба истилоҳ дувум дар Тоҷикистон кам намешавад. Баъзе аз ин занон ба Радиои Озодӣ шикоят карданд, ки фарзандони онҳо насаби падари худро гирифта наметавонанд ва ҳам аз ҳаққи мерос маҳруманд. Дар навор бинед, ки корбарон чӣ гуфтанд.

Айби занҳо ё мардҳост, ки бо вуҷуди ғайриқонунӣ будан сафи занҳои ба истилоҳ дувуму севум дар Тоҷикистон кам намешавад ва мушкили онҳову фарзандонашон низ сол то сол меафзояд.

Нерӯҳои амрикоӣ дар пойгоҳи "Айн-ул-Асад"-и Ироқ ду ҳавопаймои бесарнишинро, ки дар ҳоли парвоз бар фароз ё болои ин пойгоҳи низомӣ буданд, сарнагун кардаанд.

Вазирони молияи ҳафт кишвари саноатии ҷаҳон ё G7 ба ҷорӣ кардани дастикам 15 дарсад молиёт (андоз, налог) ба ширкатҳои бузурги ҷаҳон розӣ шудаанд. Тавофуқ 5-уми июн, баъд аз ҷаласаи дурӯзаи онҳо, дар Лондон эълом шуд.

Блогери 39-сола аз деҳаи Лайрони ноҳияи Сангвор (Тавилдара), ки пештар гуфта буд, фаъолияташро дар YouTube бас мекунад, бо нашри ду навор аз баргаштани худ ба ин шабакаи иҷтимоии маъруф хабар дод.

Дар пайи ҳамлаи ҷангҷӯён дар шимоли Буркино Фасо ба камияш 132 кас кушта шудаанд. Ҳодиса рӯзи 5-уми июн рӯй дод.

Раиси порлумони Аврупо гуфт, ба кишварҳои ғарбии ҳавзаи Балкан иҷоза дода мешавад, ки ба ин Иттиҳод бипайванданд.

Нархи гарони билети сафар ба Русия ва имтиҳону дарёфти иҷозатномаи кор гуруҳе аз муҳоҷиронро водор кардааст, ки акнун дар Қазоқистон, кишвари сарватманди минтақа, кор биҷӯянд.

Артем Шрайбман, таҳлилгари сиёсии маъруф, пас аз он ки номаш дар суҳбати хабарнигори боздоштшуда Роман Пратасевич садо дод, аз хавфи зиндонӣ шудан аз Беларус фирор кардааст.

Қазоқистон пешниҳоди як мансабдори баландпояи Русияро барои посухи муштарак дар баробари таҳримҳои Ғарб рад кард.

Мақомоти интизомии ноҳияи Данғара Амриддин Нахшов, мудири корхонаи истихроҷи тиллои "Нахш" ва хоҳарзодаи ҳамсари президенти Тоҷикистонро бо иттиҳоми "авбошӣ" ва ҳамроҳонашро ба "вайрон намудани дахлнопазирии манзил" муттаҳам кардаанд.