Новости за 26.06.2021

Ҷумъагул Назарова, як сокини ноҳияи Мастчоҳ иддао дорад, ки писараш ҳангоми бозпурсӣ дар идораи милисаи шаҳри Хуҷанд шиканҷа шудааст. Ба гуфтаи модар муфаттиш фарзандашро азоб дода, абрӯвонашро тарошиданд. Модар танҳо пас аз як ҳафта тавонист ба дидори писараш расад.

Вазорати мудофиаи Тоҷикистон гуфт, нерӯҳои худро, ки дар хатти дуввуми дифоъ дар марзи Тоҷикистон бо Афғонистон қарор дорад ба ҳолати омодабош ва реҷаи махсуси хидмат гузаронд. Фаридун Маҳмадализода роҳбари маркази матбуоти Вазорати мудофиаи Тоҷикистон, рӯзи 26-уми июн дар суҳбат бо Радиои Озодӣ гуфт, нерӯҳои мусаллаҳи вазорат дар минтақа дар ҳолати омодабош қарор доранд ва дар сурати пеш омадани зарурат барои ҳифзи марз сафарбар мешаванд. Маҳмадализода гуфт, “мо медонем, ки вазъият дар ҳамсоякишвари мо Афғонистон чӣ гуна аст... Читать дальше...

Имсол дар Тоҷикистон ба муносибати рӯзи Ваҳдати миллӣ ҷашну тантана ва маҷлиси ҳамоишҳо баргузор намешавад. Баргузории маҷлис ва чорабиниҳои идонаи оммавӣ аз ҷумла бо ширкати президент дар назар нест.

Оҷонси Байналмилалии Энергияи Атомӣ (МАГАТЭ) рӯзи ҷумъа  25-уми июн дар як изҳорот гуфт, ки Теҳрон ба дархости ин созмон дар бораи тамдиди паймони муваққати назорати атомӣ, ки шоми рӯзи панҷшанбе ба итмом расидааст, посух надодааст. Рафаэл Гросси, дабири кулли ин созмон, рӯзи 17-уми июн бо ирсоли як нома ба мақомоти Эрон дар бораи тамдиди созишнома дархост фиристод, аммо ҳукумат то ба ҳол посух надодааст. Оҷонсӣ дар изҳороти охири худ ба Шӯрои мудирон гузориш пешниҳод кард, ки дар он "посухи фаврӣ"... Читать дальше...

Дерек Шовин, корманди собиқи полис дар Амрико барои куштори Ҷорҷ Флойд, як марди африқоитабори амрикоӣ, ки марги ӯ эътирозҳои густарадаро ба бор овард ва боиси қабули чораҳои зидди нажодситезӣ дар дар сатҳи кившар шуд, ба 22 соли зиндон маҳкум шуд. Додрас Питер Кэҳилл рӯзи 25-уми июн дар Миннеаполис пас аз дархостҳои пурэҳсоси хонаводаи Флойд ҷиҳати содир кардани ҷазои сахти ҳадди аксар ба Шовин ҳукми додгоҳро эълон кард. Афсари 45-солаи сафедпӯст пеш аз содир шудани ҳукм ба оилаи Флойд тасаллият баён кард. Читать дальше...

Ҷо Байден, раисҷумҳури Амрико зимни мулоқот бо Ашраф Ғанӣ президенти Афғонистон ва Абдулло Абдулло, раиси Шӯрои олии сулҳ аз онҳо даъват кард, ки тақдири ояндаи кишварашонро ба даст гиранд. Байден сарони Афғонистонро дар Кохи Сафед рӯзи 25-уми июл истиқбол гирифт ва онҳоро "ду дӯсти дерина" хонда гуфт, ки ҳимояти ИМА аз Афғонистон пас аз хуруҷи нерӯҳои байналмилалии таҳти раҳбарии ИМА пас аз тақрибан ду даҳсолаи ҷанг, хотима намеёбад. Ашраф Ғанӣ, зимни суханронӣ дар Кохи Сафед гуфт, ба тасмими... Читать дальше...

Консулгарии Тоҷикистон дар Русия боз 39 муҳоҷири тоҷикро, ки дар ҳудуди Абхозистонро дармонда буданд, берун овардааст. Бино ба иттилои намояндагии дипломатии Тоҷикистон бо дархости онҳо мақомоти Русия иҷозат додаанд, ки шаҳрвандони Тоҷикистон давоми ду рӯз бо роҳи заминӣ ба фурудгоҳи Домодедовои Маскав расонида шаванд. Сафорати Тоҷикистон дар Русия мегӯяд, дар давоми соли ҷорӣ ин бори чандум аст, ки бо мусоидати мустақими Вазорати корҳои хориҷии Русия барои берун омадани муҳоҷирони тоҷике кӯмак карда мешавад... Читать дальше...

Дар девори дафтари кори ӯ дар ситоди Созмони Милали Муттаҳид дар Ню Йорк, манзараҳои кӯҳу водиҳои Тоҷикистон овезонанд. Вай ба хабарнигорон мегӯяд, ки Тоҷикистонро ватани дувумаш медонад.

Вазорати дифо, Хадамоти Таҳқиқоти Федеролӣ ва дигар ниҳодҳои амниятӣ ва ҷосусии Амрико дар бораи табақҳои паррон чӣ медонанд?  Ҳамин ҳафта гузорише дар ин бора дар Амрико нашр мешавад.

Вазорати дифо, Хадамоти Таҳқиқоти Федеролӣ ва дигар ниҳодҳои амниятӣ ва ҷосусии Амрико дар бораи табақҳои паррон чӣ медонанд? Ҳамин ҳафта гузорише дар ин бора дар Амрико нашр мешавад.