Новости за 01.06.2021

Раҷаббой Аҳмадзода ва Абдикарим Алимбоев, расиони вилоятҳои Суғди Тоҷикистон ва Бодканди Қирғизистон, дар марз мулоқот кардаанд.

Масъулони Маркази саратоншиносӣ дар Тоҷикистон гуфтанд, гирифтории кӯдакону наврасон ба ин беморӣ рӯ ба афзоиш ниҳодааст. Онҳо баъзе аз волидонро муқассир хонданд, ки саривақт ба пизишкон муроҷиат намекунанд.

Дар вилояти Бодканд, наздикии марзи Тоҷикистон, байни сарҳадбонони Қирғизистон тирпарронӣ ба амал омадааст.

Вазорати корҳои хориҷии Покистон хабар дод, ки Эмомалӣ Раҳмон, раиси ҷумҳурии Тоҷикистон, бо даъвати нахуствазири он кишвар, Имрон Хон, бо сафари дурӯза ба Исломобод меравад. Сафари оқои Раҳмон ба Покистон 2-юми июн оғоз меёбад.

Пизишкон мегӯянд, солҳои охир гирифтории кӯдакону наврасони тоҷик ба бемории саратон афзудааст. Ба иттилои расмӣ, беш аз ҳазор кӯдаку наврас аз ин беморӣ азият мекашанд. Онҳо чӣ вазъ доранд, дар ин видео бинед.

Баъзе аз занони дувум дар Тоҷикистон шикоят доранд, ки падари фарзандонашон намехоҳанд, ба онҳо насаби худро бидиҳанд. Масъулони ЗАГС гуфтанд, ба кӯдаконе, ки бе никоҳи расмӣ таваллуд шудаанд, шаҳодатнома медиҳанд, вале онҳо маъмулан насаби модарро мегиранд.

Тоҷикистон аз Чин ҳамчун ёрии башардӯстона 300 ҳазор воя (доза) ваксинаи CoronaVac мегирад. Намояндагони мақомоти ду кишвар дар ин бора ба созиш расидаанд.

Дар Шуъбаи корҳои дохилии шаҳри Исфара ду сокини деҳаи Хоҷаи Аълоро аз ташхиси тиббӣ гузаронда, дар бораи ҷараёни таъқиби сарҳадбонҳои Қирғизистон забонхат гирифтаанд.

Марзбонони Қирғизистон як сокини 75 солаи деҳаи Хоҷаи Аълои Исфараро, ки ба ҷустуҷӯи гову чорвои гумушудааш рафта буд, боздошт ва лату кӯб намудаанд.

Як гурӯҳ аз кӯдакон дар Тоҷикистон бе ному насаб ва шаҳодатномаи таваллуд ба сар мебаранд. Аксари онҳо дар оилаҳое ба сар мебаранд, ки модаронашон ба қавли мардум зани дувум ҳастанд ва бинобар надоштани ақди никоҳи расмӣ наметавонанд барои фарзандони худ ному насаби падарро диҳанд.

Иззат Амон, ҳомии боздоштшудаи ҳуқуқи муҳоҷирони тоҷик аз боздоштгоҳи муваққатии Вазорати корҳои дохилии Тоҷикистон ба Боздоштгоҳи тафтишотӣ ё СИЗО-и рақами яки Вазорати адлия гузаронда шудааст.

Додситонҳои эронӣ як шаҳрванди Чинро барои нашри аксҳои занони эронӣ дар шабакаҳои иҷтимоӣ, ки бо онҳо мулоқот кардааст, боздошт карданд. Хабаргузории нимарасмии YJC рӯзи 1-уми июн навишт, ки додситони шаҳри Кошон гуфт, ин мард акси занонро бидуни иҷозаи онҳо нашр кардааст. Додситон Рӯҳулло Деҳқонӣ ба ин хабаргузорӣ гуфтааст, ки алайҳи ин мард чандин шикоят дастрас шуд ва ӯ бояд аз рӯи иттиҳоми рафтори ғайриахлоқӣ дар баробари додгоҳ посух гӯяд. Ба иттилои хабаргузории дигари нимарасмии ILNA, марди чинӣ дар роҳ ба Кошон боздошт шудааст. Читать дальше...

Рӯзи 1-уми июн вазирони хориҷаи узви НАТО ва президенти ИМА Ҷо Байден барои баррасии хатми фаъолиятҳои ин ниҳод дар Афғонистон баъди ду даҳсола ҷанг ташкили ҷаласа мекунанд. Вазирон матни изҳороти НАТО-ро баррасӣ мекунанд, ки қарор аст дар ҷаласаи рӯзи 14-уми июн дар Брюссел дар заминаи мавқеи ин созмон дар робита бо Русия, терроризм, ҳамлаҳои рахнагарони интернетӣ, истифодаи иттилои дурӯғин, тағйироти иқлим ва афзоиши нуфузи Чин қабул шавад. Йенс Столтенберг, дабири кулли НАТО дар остонаи нишаст гуфт... Читать дальше...

Собиқ раҳбари ҷумбиши демократии “Русияи боз”, ки онро мунаққиди Кремлин Михаил Ходорковский таъсис дода буд, аз дохили ҳавопаймое дар шаҳри Санкт-Петербург берун бурда ва боздошт шуд. Ҳамкоронаш дар Твиттер навиштанд, ки Андрей Пивоваровро ба идораи Кумитаи тафтишоти шаҳри Санкт-Петербург интиқол доданд. Пивоваров мутобиқ ба Қонуни созмонҳои “номатлуб” боздошт шудааст. Татяна Усманова, собиқ ҳамоҳангсози “Русияи боз” гуфт, ки Пивоваров дар “феҳристи эҳтимолии афроди мавриди ҷустуҷӯ буд ва ба ҳамин хотир боздошт шуд”. Читать дальше...

Дар Руминия ва Итолиё – ду кишвари аврупоӣ маъракаи эмкунӣ бар зидди COVID-19 дар миёни наврасон шурӯъ мешавад. Барои наврасони аз 12-сола боло гирифтани воксинаи ширкатҳои BioNTech/Pfizer иҷозат мешавад ва ин ду кишвар аввал шуда ба эмкунии ноболиғон шурӯъ карданд. Иттиҳоди Аврупо рӯзи 31-уми май иҷозаи эмкунии наврасонро содир кард. Ҳоло тасмим бо ҳукумати ҳар 27 узви Иттиҳоди Аврупо аст, ки оё ин барномаро дар кишвари худ пиёда мекунанд ё на. Дар Руминия эмкунии наврасон аз 1-уми июн шурӯъ мешавад ва Итолиё гуфт, ки чунин иҷозаро додааст. Читать дальше...

Додгоҳи шаҳри Душанбе яке аз ҳамроҳони Хӯҷа Каримов (Хӯҷа-Командир), фармондеҳи собиқи Фронти Халқиро барои авбошӣ ҳангоми мурофиа дар зиндон ҷазои сахттаре додааст.

Ҳукумати Чин эълон кард, ки марди сироятшуда метавонад нахустин нафаре бошад, ки ба навъи H10N3-и зукоми мурғ олуда шудааст, вале хатари тавсеаи сартосарии он кам мебошад. Марди олудашуда 41 сол дошта, дар шаҳри шарқии Чжентсяни вилояти Тсянзуи қисмати шимолуғарби Шонҳой зиндагӣ мекунад. Ӯ 28-уми апрел дар беморхона бистарӣ шуд ва аз он замон то имрӯз ҳолаташ мӯътадил арзёбӣ мешавад. Дар ин бора рӯзи 1-уми июн  Комиссиюни миллии беҳдошти Чин изҳороте пахш кард.  Ба навиштаи ин ниҳод, то ҳол, ҳеҷ... Читать дальше...

Ширкати канадаии Centerra Gold, ки кони тиллои Қумторро дар Қирғизистон зери назар дорад, гуфт, ки баъди аз ҷониби давлати ин кишвар барои муваққат ғасб шудани ширкат, дар амри  ҳимоят аз манфиатҳои он ва сармоягузоронаш даст ба иқдоми ҳуқуқӣ задааст. Қумтор моҳҳои охир мавриди таваҷҷӯҳи ҷомеаи байналмилалӣ буд. Президент Содир Ҷабборов гуфт, ки бо сабаби нигарониҳо аз  амнияти муҳитзистӣ ва нақзи қоидаҳои экологӣ зарур аст, ки кони тилло муваққатан ба ихтиёри давлати Қирғизистон гузарад. Рӯзи... Читать дальше...

Шаҳрвандони Тоҷикистон Любов Гордеева ва Маргарита Расулова, ки бо набераи 6-солааш Алиса Норматова аз 25 май ба ин сӯ дар фурудгоҳи Уши Қирғизистон дармонда буданд, ба ватан баргаштанд.

Исмат Абдуллоев, паҳлавони маъруф, мураббии варзидаи гуштӣ ва поягузори самбо дар Тоҷикистон, рӯзи 1-уми июн баъд аз бемории тӯлонӣ  дар 77-солагӣ даргузашт.

Вазорати корҳои хориҷии Покистон хабар дод, ки Эмомалӣ Раҳмон, раиси ҷумҳури Тоҷикистон, бо даъвати нахуствазири он кишвар Имрон Хон бо сафари дурӯза ба Исломобод меравад.

Пайвандони Эҳсон Одинаев, машҳур бо номи мустаори Сарафрози Оламафрӯз, фаъоли пешини "Гурӯҳи 24", ҳар дафъа бо баланд шудани занги дари хона ё садои гӯшии телефон зуд аз ҷой мехезанд, бо умеди он ки аз писари гумкардаашон хабаре мегиранд. Ӯ 6 сол боз бедарак аст.

Иттиҳоди Аврупо мақоми нави додситониро таъсис дод, ки ба хотири муқобила бо фасод дар  истифода аз маблағҳои ин ниҳод,  бахусус ҳангоми  истифодаи ёриҳои пулии пешгирӣ аз  паҳншавии COVID-19 фаъол мешавад. Идораи додситони ҷамъиятии Аврупоро  хонум Лаура Коевеси,  собиқ додситони калони идораи мубориза бо фасоди Руминия ба ӯҳда гирифт. Ин нахустин идораи мустақиле дар Иттиҳоди Аврупо мешавад, ки ҳақи таҳқиқу ба ҷавобгарӣ кашидани омилони истифодаи ғайримақсадноки маблағҳои Иттиҳоди Аврупоро дар додгоҳҳои кишварҳои узв хоҳад дошт. Читать дальше...