Новости за 01.05.2023

Azat Adalga kanunyň hökmürowanlygynyň we hukuk habarlylygynyň ähmiýetinden ugur alyp, Türkmenistanyň hukuk namalarynyň käbir möhüm maddalaryny üns merkezine çekmegi maksat edinýär. Bu sanymyz “Harby borçlulyk we harby gulluk hakynda” Türkmenistanyň kanunynyň bäş maddasyna gönükdirilýär.

Lebap welaýatynyň merkezi şäheri Türkmenabatda döwlete degişli köpçülikleýin transport serişdeleriniň gatnawy göz-görtele azaldy. Bu şäher ýaşaýjylarynyň transport gatnawynda bökdençlikleri döretdi. Bu barada maglumat berýän Azatlyk Radiosynyň sebitdäki habarçysy şäher ilatynyň dadyna hususy awtobuslaryň we minibuslaryň ýetişýändigini aýdýar.

Russiýanyň oba hojalyk gözegçisi “Rosselhoznadzor” 22-nji aprelde geçiren fitosanitariýa barlagynda Türkmenistandan getirilen dokuz tonna pomidorda zyýankeş mör-möjekleri anyklady. Bu barada “Türkmenistanyň hronikasy” neşiri Russiýanyň oba hojalyk edarasyna salgylanyp habar berýär. Bu aralykda, Azatlyk Radiosynyň habarçylary gök-bakja önümleriniň täze hasylynyň ýerli bazarlarda peýda bolýan mahaly, Balkan welaýatynyň Türkmenbaşy şäherinde ilat arasynda içgeçme keseliniň köpelýändigini habar berýärler. Читать дальше...

Türkmenistandan Moskwa bilet satyn almak kynlaşdy. "Türkmen howa ýollarynyň" bilet satýan ofislerinde öňümizdäki ýarym ýyla uçar biletleri satylmaýar. "Goşmaça töleg" bilen satylýan bilet hem köp däl, üstesine-de olar gymmada düşýär we köpler üçin elýeterli däl.

Lebap welaýatynyň dolandyryş merkezi Türkmenabat şäherindäki atçylyk sport toplumynda Türkmen bedewiniň milli baýramy mynasybetli dabara geçirildi. Köçeleriň birnäçe sagatlap petiklenmegine we hereketiň çäklendirilmegine getiren dabara býujet işgärleri we talyp ýaşlar mejbury gatnaşdyryldy. Bu aralykda, baýramçylyga gabatlanyp, sebitde bikanun it we horaz uruşlary hem geçirildi.

Türkmenistanda gyş aýlarynda bolan adatdan daşary sowuk howanyň yz ýany, Garagum kanalynda emele gelen buzluklar eräp, kanalyň suwy kenarlary böwüsdi we çöle tarap agdy. Howa maglumatlaryny çap edýän “Meteožurnal” neşiriniň seljeren satellit suratlary kanaldaky suw joşmasynyň gerimini görkezýär.

Lebap welaýatynyň gara ýol gurluşyk edarasynda barlaglar geçirilýär. Prokuraturanyň işgärleri kärhananyň alyp barýan işlerini barlaýarlar, şol sanda maliýe hasaplaşyklaryna üns berýärler. Azatlygyň Lebapdaky habarçylary we çeşmeleri ýagdaýyň jikme-jiklikleri barada maglumat berdiler.

Türkmenistanyň häkimiýetleri ýurduň awtoritar dolandyryşyna tankydy garaýan raýatyň 73 ýaşly ejesini Umra hajyny berjaý etmek üçin ýene-de ýurtdan çykarmadylar. Häzir Türkiýede ýaşaýan 50 ýaşlarynyň töweregindäki Hamida Babajanowa türkmen resmileriniň onuň ejesine ‘gaýdyp bu sorag bilen gelmezlik’ barada haýbat atandyklaryny aýdýar. Bu barada “Türkmen Helsinki Fondy” (THF) 24-nji aprelde habar berdi.

Internet aragatnaşygyny berk gözegçilikde saklaýan Türkmenistanda ICQ messenjeri petiklendi. Bu barada Azatlyk Radiosynyň Balkan we Mary welaýatlaryndaky hem-de Aşgabat şäherindäki habarçylary maglumat berýärler. Şol bir wagtda, häkimiýetler raýatlaryň Internet mümkinçiliklerini çäklendirmegi, şol sanda VPN hyzmatlaryna garşy göreşmegi dowam etdirýärler.

Türkmenistanda şahsy ulaglaryň döwlet belgisini saklaýan gara reňkli çarçuwany (ramkany) aýyrmak talaplary sebitlere hem ýetdi. Geçen hepde Aşgabatda häkimiýetler, dil üsti bilen berlen görkezmä salgylanyp, sürüjileri ak reňde bolmadyk, hatda zawodda öndürilen goýy çarçuwalaryny aýyrmaga mejbur edip başlady.

Balkan welaýatynyň Türkmenbaşy şäherinde golaýda azatlyga çykan öňki bendiler öz jaýlarynda gaýtadan ýazgyda durmakda kynçylyk çekýärler. Olardan resminamalaryň ençemesini taýýarlamak we öz maddy serişdeleriniň hasabyna aklawçy tutmak talap edilýär.

Mary welaýatynda býujet işgärlerinden nobatdaky gezek pul ýygnalýar. Bu gezek edara-kärhanalardaky baýdaklary täzelemäge gönükdirilen pul toplamak çäresiniň dowamynda işgärleriň her biri 75 manat tabşyrmaga borçlandyryldy.

ABŞ-nyň prezidenti Jo Baýden Russiýada içalyçylykda aýyplanyp tussag edilen amerikan žurnalisti Ewan Gerşkowiçiň ene-atasy bilen duşuşdy. Prezident we birinji hanym Jill Baýden 29-njy aprelde, Ak tamyň Habarçylar birleşigi tarapyndan Waşingtonda geçirilýän ýyllyk gala naharyndan öň, Ella we Mihail Gerşkowiç bilen duşuşdy. Duşuşykda edilen gürrüňleriň jikme-jiklikleri çap edilmedi. "The Wall Street Journal" gazetiniň Moskwadaky habarçysy Gerşkowiç mart aýyndan bäri Russiýada tussaglykda saklanýar. Читать дальше...

Территорию Добропарка, частного дендропарка в Киевской области, российские войска заняли в первые дни вторжения в 2022 году. Парк они использовали в качестве своей базы. Несмотря на то, что большая часть парковой инфраструктуры была разрушена отступавшими оккупационными силами, сейчас в Добропарке расцветают миллионы тюльпанов. 27 апреля парк распахнул двери для посетителей.

30-njy aprelde Türkmenistanda Türkmen bedewiniň milli baýramyna bagyşlanan dabaralar gurnalyp, Halkara ahalteke atçylyk sport toplumynda geçirilen esasy baýramçylyk çäresine prezident Serdar Berdimuhamedow hem gatnaşdy. Bir gün öň ol öňki prezidentden, kakasy Gurbanguly Berdimuhamedowdan galan däbi dowam etdirip, özüne syýasy-ykdysady taýdan garaşly adamlaryň sowgat beren atlaryny kabul etdi. Prezidente Ahal welaýatynyň ilatynyň adyndan Kärizek, Balkan welaýatyndan Bagtyýarlyk, Daşoguz welaýatyndan Aýdyňýol... Читать дальше...

ABŞ-nyň döwlet sekretary Antoni Blinken 30-njy aprelde Azerbaýjanyň prezidenti Ylham Alyýew bilen telefonda gürleşip, Laçyn koridoryny söwda we hususy ulaglar üçin mümkin boldugyça çalt gaýtadan açmagyň möhümdigini aýtdy. Döwlet departamentiniň metbugat sekretary Matthew Milleriň maglumatyna görä, Blinken Azerbaýjanyň Laçyn koridorynda barlag nokadyny gurmagyna Birleşen Ştatlaryň çuňňur aladasyny bildirdi we munuň parahatçylyk prosesine ynam döretmek tagallalaryna zyýan ýetirýändigini aýtdy. ... Читать дальше...

Özbek resmileri saýlawçylaryň prezident Şawkat Mirziýoýewiň 2040-njy ýyla çenli wezipesinde galmagyna mümkinçilik berjek konstitusiýa üýtgetmelerini tassyklandyklaryny aýtdylar. Merkezi saýlaw komissiýasy 1-nji maýda üýtgetmeleriň 90,2 göterim ses bilen tassyklanandygyny aýtdy. 30-njy aprelde geçirilen referendumda saýlawçylaryň garamagyna prezidentlik möhletini bäş ýyldan ýedi ýyla çenli uzaltmagy öz içine alýan teklipler hödürlendi. Sala salyşlyga çykarylan beýleki soraglar 65 ýaşly Mirziýoýewiň... Читать дальше...